مواقف يمر بها فلذات الأكباد في بداية دخولهم للمدرسة

[عماد علي]

أطفالنا اكبادنا تمشي على الأرض

السلام عليكم ورحمة الله وبركاته
نتحدث معكم في هذه الرسالة عن مواقف يمر بها فلذات الأكباد في بداية دخولهم للمدرسة ..

طفل قعد يبكي في اليوم الثاني من الدراسه وسأله المدرس ليه تبكي ؟....قال مالقيت فصلي ..

قال له المدرس انت في اي صف ياشاطر ؟ ...قال الطفل انا في صف ثاني

اخذه المدرس لفصل ثاني ودور اسمه ومالقاه فقال له اسمك ماهو في ثاني انت امس وين كنت ؟

قال الطفل انا امس كنت في " اولى " بس اليوم اصير في ثاني ..!!!

******

الثاني مسكين احتاج الحمام وراح له وبالصدفه مر احد المدرسين جنب الحمام

وتفاجأ ان فيه ملابس كامله مكومه خارج الحمام من ثوب وفنيله وسروال وجزمه

وشراب ....المسكين الطفل بعد ماخرج من الحمام قالو له ليه كذا ؟ ....قال انا كذا اروح للحمام في بيتنا

******

طفل داوم معاه ابوه اول يومين وفي اليوم الثالث قال له انا ابروح للعمل واذا

احتجت اي شي رح لم هالرجال واللي هو مدير المدرسه....والمدير يلبس نظاره وله

لحيه واللي تسمى سكسوكه وبعد ماراح الوالد بفتره قعد الطفل يبكي وراحو به

للمدير والمدير اتصل على الوالد واعطى التلفون للطفل يكلم ابوه فسـأله ابوه

انت من وين تكلم ؟....قال الطفل انا اكلمك من عند الملك عبدالله..

******

طفل آخر من المستجدين ذهب في وسط الدراسه لفصل اخوه وقال للاستاذ ممكن

اخوي....ضحك المدرس وقال ظروري ؟ قال الطفل ايه ضروري مره....المدرس توقع

انه محتاجه يوديه لدورة المياه فقال لاخوه اطلع معاه....ولما طلع قال الطفل

لاخوه تعال نبغاك تلعب معنا

الله يحفظ لكم اولادكم .. ويتربوا في نعمة وجودكم .. وفي عزكم ان شاء الله

[أمل الظهور]

السلام عليكم

هههه

صحيح قصص وحكايات ومواقف للطلاب المستجدين

حصل معي موقف يضحك وفي نفس الوقت يفشل

كنت تقريبا في الصف الرابع

وأختي في الصف الأول طالبه جديدة

خذت دفترها ويلا لعب فيه وترسم بنوتات وخرابيط

سألتها المدرسه يوم شافت هالأشياء

قالت لها ليه تكتبين في دفترك وتخربطين ؟

قالت لها أختي مو أنا يا أستاذه ....ذي أختي اللي كتبت فيه ...

<<<طبعا الأخت تقصدني أنا ....

قالت لها إذا معاك بالمدرسه ناديها ...

وجات أختي نادتني ورحت معاها قلت لها أيش فيك قالت مدري بس المدرسه طالبتك ....مدري ليش ...

رحت أنا لها دخلت ماشفت إلا المدرسه تفزع بوجهي وتقولي أنت كبيره وتسويين كذا ...

أنا يوم قالت لي أختك أن أنت ظنيتك واحده صغيره ....تفشلت ...وأنحرجت ...

قلت لها والله مو أنا ...ماسويت شيء ..

.وقالت لي خلاص روحي الفصل

شكلها المعلمه ما أقتنعت أو قالت خوات وينجازووون ....

شفتوا موقف مثل موقفي ....

((تجيك التهايم وأنت نايم ))

مشكور أخ عماد علي

يعطيك العافيه

[ملكة سبأ]

ههههههه الله يا حلوهم الصغيرونات وياحلو ردات فعلهم
وكذالك ماذكرته امولة
((تجيك التهايم وأنت نايم )) هههههه تعيشي وتاخذي غيرها
على طاري الاطفال والمدارس قبل مدة سرحت شعري ثنتين مثل البنوتات و لمى شافتني بنتي قالت : الله جميل شعرك ماما إ نتي الحين ايش اسمك ؟؟
قلت لها اسمي نفسه ماتغير قالت لالالا الحين اسمك المدرسه
وبعدشوي جت تناديني مدرسة مدرسة ههههههههه
تفتكر اني لما اغير شكل شعري يتغير اسمي

[عماد علي]

ههههههههه

أمل الظهور .... هارد لك ... ومثل ما قلتي تجيك التهايم وانت نايم

ملكة سبأ .... اليوم المدرسة وبكرة المديرة مسكينة شكلها شبهت عليك بإحدى المدرسات....
بالنسبة لي أتذكر في الصف الاول الابتدائي يوم من الايام حضرت بدري زيادة عن اللزوم وما شفت أحد من الطلاب حضر قلت اليوم مافي مدرسة ورجعت ويوم ثاني أخذت لي علقة مرتبة...

[بيسان]

خخخخخخخخخخخخخخخخخخخ

ياقلبي هالجهاالوه يهبلوو

مشكووور اخووي عمااد على هيك طرح مواقف حلووه

والله يحفظ لك بسوووم وتخليك ميت من الضحك من سووالفها

امول ياالله لو انا منك ذبحت اختي خخخخخخخخخخخ

ملووكة خخخخخخخخ يااقلبي تصدقي بنتش مااشاء الله عليها شكلها تهبل وخفيفه دم زيك :)

مشكور يااخوي على الطرح

[عماد علي]

بيسان

كل الشكر لكرم المرور الغالي...