لله صبرﭺ يا عقيلة .. يا بحر عفة يا صون
حـﮓ مجرات الرزايا .. لـﭻ صبر ما يحمله كون
بكل حرات و بكل سكون .. الله في عونـﭻ يكون
مثله صبرﭺ في الصبر .. البشر ما يدركون

أربعه اللي .. مني راحو .. من حشايه .. مـﮕطعه
فدوة لجلـﭻ .. كلها لمرﭺ .. و انتي عندﭺ .. أربعه

إنتي عباسين و عندﭺ .. و آني عباس و يهون
و عون و عبدالله و جعفر .. لـﭻ يبنت الزهراء عون
بينـﭻ و بيني شجن .. و ﭼم غصون مبرجه
و عينـﭻ و عيني بحر .. من دمع فينا سجى

إنتي و آني .. أم يا حورة .. و بالأمومة .. تعرفين
و أربع أربع .. عيني تدمع .. و انتي عينـﭻ .. تذرفين

كربلاء فـﮕدنا .. و بالأسى إشتركنا .. و إنتي العذابـﭻ .. طال
آني ما سِبوني .. و لا عدى إجوني .. و لا زجر عليه .. مال
و ما شفت ضحايا .. بالثرى عرايا .. و لا جسد و راسه .. إنشال
إنتي التعبتي .. و إنتي الصبرتي .. و من صبر يا حورة .. نال


الشيخ حسين الاكرف