ترى الدنيا ولو ذقنا حلاها
يجي يوم الى تقلب ما تبينا

تجيك أحيان تسعد لك حياتك
وتجيك أحيان ما ترضى تلينا

وتجيك أحيان تهدي لك فرحها
تقلب ثم تغير ثم تشينا

عصيناها عسى تركد وتسكت
وتزيد عناد لامنا عصينا

رميناها عسى صايب هدفنا
ونفشل في هدفنا لارمينا

عجيب أمرها دنيا الغرايب
يشيب الراس والخاطر حزينا

تقلب ثم تقلب ثم تقلب
بكينا ثم ضحكنا ثم بكينا
جميلة تلك الكلمات اخي منك .. الله لا يحرمنا من جديدك