خياتي.. الغوالي.. ابطرح عليكم موضوع عنا .. بس
نقاشي مع اعزائي الرجال....
يامن تقرا هدرتي هذي اذا كنت عضو او مشرف...على عيني وراسي كلكم منورين والله
ابسأل... في حياتكم اليوميه ... تقتنعوا براي من امرأه... والا لازم تاخذوا بشور رجال مثلكم وان اعجبكم رايها...؟؟
هل تردد او موشرط تردد طلعت منك هالجمله..." هذا اللي قاصرني اسمع كلام حريم..."ناقصات عقل ودين""
هاااا اعترف وبكل امانه هل قلتها او حتى فكرت فيها في باطن نفسك؟؟
اذا زارتك هالجمله الحلوه وتعجبني من جد هالجمله... خياتي مو تعصبوا عاد وتقولوا اميرووووه خرفت ودقت فيوزاتها وصارت تقط خيط وخيط وانقلبت علينا..!!!
ايه احنا ناقصات عقل... " عاد اللحين الرجال بيقولوا عاااشت اعترفت على نفسهم".. اييييييييه ناااقصات عقل وبالفم المليان اقولها..
ليش؟
و كيف اهااا .. تعرفوا ان نقصان عقلنا..مو هبال فينا اسم الله علينا.... بس لأننا جنس رقيق المشاعر جنس مرهف الحس تحكمنا عاطفتنا.. فالعاطفه غلابه على مخوخنا.. فما نتحكم بشي يحتاج في صميمه للعقل ؟؟ لالالا لأنه لو صار كان موت وخراب ديار.. من جد... وان كنا ذوات كيد عظيم احيانا.. بس خاطرنا ينكسر بسرعه.. والرجال العاقل هو اللي يلطف الجو بينه وبين شريكته بكم كلمه حلوه اذا حدث خلاف وربي انها بتطيح في شباكه الحلوه وبتنسى.. لأن المرأه تنسحر بالكلام.. مو مثل الرجال ينسحر بالنظر...خخخخ دخلت في موضوع اخر........
طبعا نا قصات دين معروفه ليش؟؟ خخخ ما يحتاج توضيح مو تقولوا عاد نسوي ذنوب وما ادري وشو كلام اللي ما يفهموا هذا.... سوري عالتعبير فالكل يسوي ذنوب ومحد خلي اجل اذا على كذا حتى الرجال ناقصين دين !!!....خخخخ
المهم نرجع حق محور حديثنا...
المرأه... عمرها ما كانت صلحت لمنصب سياسي.. وجهة نظري هذي.. واستغرب من مطالبة النساء بحقوقهن نبغى منصب سياسي.. وما ادري وشو...اني ما افهم في السياسه فما بخش فيها..
طيب.. اكمل باقي الأسئله.." اووه ما ادري اني ليش كذا من الحماس ماني عارفه كيف ارتب افكاري اتمنى توصل لكم كلها ولو اني بقفع راسكم بس يالله دام دخلتوا علي استحملوني خخخ"
خيي... هل تسمح لأختك او امك او بنتك او زوجتك .... الخ من محارمك.. انها تكون مشهوره بمعنى ان اسمها على كل لسان ويشهدوا ليها بإبداعها وفنها اللامعقول... والا تعتبر هالشي مو حلو بحقك ان الكل يعرفها من الياهل للشايب؟؟
واذا قلت عادي اوكيه.. انت مع شهرتها بإسمها الكامل والا بإسم مستعار؟؟؟
واذا قلت لا ما تسمح وان سمحت هااا بالمره بإسم مستعار...
خيي وراء كل رجل عظيم "امرأه"
ركز خيي... امرأه= حرمه.... فهمت قصدي اكيد..
مقوله وايد نسمعها في حياتنا كثر الله خير من قالها اللي يعرفه منهو يقول لي خلني ادعي له....
طيب ..نسمعها ..اوكيه.. بس تعالوا للي يؤمنوا فيها وبصحتها
قلة قليلون الا من رحم ربي فهل انت منهم ؟؟؟
اخيرا لا اطول عليكم بالهدره احب اقول... ان المرأه الذكيه والعاقله هي اللي بتصنع العظماء.... واكبر مثال ما يحتاج له توضيح فهي اشهر من نار على علم
سيدتنا ومولاتنا فاطمة الزهراء عليها السلام..... امرأه يشهد لها التاريخ.. بعظمتها فهي نسل عظماء زوجة عظيم وام لأنوار الهيه خُلدت عظمتهم في القلوب على مر الزمن......
فيا اخواني ابسط حقوق المرأه لا هو منصب سياسي ولا سواقة سياره.. ابسط شي
انها تحس انها ذات رأي وصوت مسموع....
اعتذر ان كان بموضوعي جرأه وعلى كثر الهدره...
ودمتم بحفظ الرحمن