بسم الله الرحمن الرحيم

اللهم صل على محمد وآل محمد

اليوم جايكم نبغي نتكلم عن موضوع انا عندي مهم بس مادري انه عندكم مهم لو لا ..وادري ان العنوان شدكم وقلتو وش يقول ياسرووه شكله مخرف..

نبداء السالفة

مابنتطرق الى مدح المنتدى وما فيه من احلى اعضاء واخوة واخوات والناس الغالية علينا فيه ومواضيع والي نستفيده منه وما يعطينا من معلومات وتسلية على انه المفروض ما ننسى هالشي ابد..

احنا نبغي نتكلم ليش احنا موجودين بمنتدى مثل منتدى الناصرة رغم التحفظ الي فيه لا رسايل خاصة ولا صور شخصية ولا ايميلات ولا حتى مجال للمحادثة او غيرها من هالاشياء.,

اجابتي ... هذا دليل على ان الناس الموجودين فيه محترمين ولا ليهم غاية سيئة بحضورهم الى هالمنتدى وهذا الي مفضل منتدى الناصرة على غيره هو تواجدكم الكريم اخواني الاعضاء المكثف نعم.. لان اي واحد لو يبغي اي شي من هالاشياء يقدر يروح لاي منتدى ثاني يتوفر فيه كل المتطلبات ..مع احترامي للمنتديات الاخرى..
واكيد احنا مشتركين بمنتديات ثانية ونشوف الفرق بين منتدانا وغيره حتى من جهة الحضور والتفاعل الي ننحسد عليه..

اعزائي تواجدكم هنا فعلا دليل على اخلاقكم وحسن نيتكم وانكم جايين تتطلبو الفايدة زي ماتفيدو غيركم ودليل على دوقكم وحسن اصلكم..

انا في كثير من الاحيان اذا دعيت احد الاخوة للالتحاق بالمنتدى اول شي يسال عن الرسايل ووش فيه مافيه واذا قلت له عن تحفظه قال لااا وش الفايدة اقول له سجل وجرب وفعلا اذا سجل وشاف هالعدد من الاعضاء وكيف تفاعلهم الغير طبيعي بالنسبة للمنتديات الثانية يستغرب..
اللهم صل على محمد وآل محمد
الله يحفظ منتدانا الكريم من كل شر وبلا ويحفظ ايضا منسوبيه من اعضاء ومشرفين واداريين وحتى الزائرين

ولازم كل واحد منا يحس بمسؤليته باظهار المنتدى باحسن صورة مشرفة..

يشهد الله اني مابغي بكلامي ذا اي شي بس حبيت انكم تسمعو كلامي واشوف ردودكم وتعليقكم عليه وترا هالموضوع من زمان يحوم في بالي..

طبعا عندي كلام واجد بس خلني اشوف تعليقاتكم اول وبعدها اكمل..

تحياتي للجميع

اخوكم ياسر..