يــــــــــــــــــــــــــــــــــــــــــــاليتن ي

**Princess** · 11-27-2006, 04:18 PM

نفسي اكون نسمة هوا لا هبت بجنبك ترد لك الروح
تنفس عن اللي بخاطرك وتشرد اهاتك والجروح
احوطك واداريك ياكل الوله وين ما كنت ووين ماتروح
يـــــــــــــــا ليتني نسمة هوا .. تكون معك بعالي الصروح

نفسي اكون نهر جاري تجيه كلما جفت بك العروق
يروي قلبك لا ظمى ويطفي بقربه نيران الشوق
يغرقك بحبه والاقي عقلك بعميق جوفه مسروق
يـــــــــــــــــــاليتني نهر جاري بعذب مايه ياحياتي تروق

نفسي اكون قمر طالع دوم بسماك
يضوي ليلك ويسهر ياخلي معاك
يناجيك وهمه الدايم يكسب رضاك
يـــــــــــــــــاليتني قمر بحالك ووحشة الليالي يرعاك

نفسي اكون ظلك ياغلاي واتبعك
اهمس لك ببوحي وتغرد احاسيسي معك
بوجودك انوجد وبكل ما فيني اسمعك
يــــــــــــــــــــاليتني
ظلك
قمرك
نهرك
هواك
ومن حبي يانبض القلب اشبعك

وسلامتكم...........اميرة المرح MA
دمتم بحفظ الرحمن

**اسير الهوى** · 11-27-2006, 04:27 PM

رائع..رائع..رائع..ماشاء الله عليك اميرة وش ذا الحب النابع من هالكلمات...مشكورة عزيزتي لما قدمتيه...
(تأسرني كلماتك ترا)..
ياسر...

**Princess** · 11-27-2006, 04:31 PM

الروعه مرورك
وقوة حضورك
يسلمو اخوي ياسر
يعطيك الف الف عافيه
وعساك عالقوه
ودمت بحفظ الرحمن

**القلب المرح** · 11-27-2006, 07:44 PM

سلمت املك الذهبيه اختي
يعطيك الله العافيه عالمشاركة الطيبه
تحياتي لك بالتوفيق

**شمعه تحترق** · 11-28-2006, 02:24 AM

ياليتني شعرة وفا
بين الاهداب
ألازمك طول العمر
ما أعوفك
وإن انتهى عمري
تخبيت بكتاب
ومن تفتحته
أوقع ..
وأصير بكفوفك
وتلوح كفوفك
بترحيب الاحباب
وأوقع ..
ويزرعني القدر
وسط جوفك .

أميره ..
تعابيرك .. كلماتك
أحلامك
قمه في الروعه
بإنتظار جديدك حبيبتي

**نور الهدى** · 11-28-2006, 11:21 AM

الله يعطيك الف عافية اختي اميرة

وعساك على القوة

ما شاء الله عليك مرحه ولك في الكتابة بعد

الله يزيدك خيتو ويوفقك يار ب

تحياتي لك

اختك ام محمد

**همسات وله** · 11-28-2006, 12:55 PM

كلماتك ياميره
من كل الشعر بدات اشعر
ورد ...عطر....مسك ينثر
وعد ...شهد...نهراحمر
عشق ...صدق ...درب اخضر
حرف ...حق ....نور يبهر
صدر المنتدى هنا رحب
مذ كان بنا النور ينمو
لايفنى الحب بنا اويخبو
كم طابالشاعر والشعر
والكل صدوق ومحب

الله يعطيك العافيه ياميرة الاحساس والمشاعر الزاقيه
عساك دوم عالقوة
مع تحياتي لك
همسات وله

**Princess** · 11-28-2006, 10:37 PM

اخوي القلب المرح
يسلمو عالمرور العاطر والبصمه الحلوه اللي تركتها بصفحتي
لا عدمنا طلاتك
يعطيك العافيه
ودمت بحفظ الرحمن

**Princess** · 11-28-2006, 10:39 PM

اختي الغاليه شمعه
اتحرى دوم تعقيبك
واتحرى اكثر كلماتك اللي تنثريها بشكل قمه في الروعه وبصيغه بالمره تجنن وذوق
شمعة صفحاتي تعقيباتك
لا حرمني ربي منك
دمتي بحفظ الرحمن

**Princess** · 11-28-2006, 10:42 PM

ام محمد
يا اول عضو رحب بي بهالمنتدى الروعه ...........ولا بنسى فيوم كرم اخلاقك حياتي.....
يا محلاها طلاتك علي
ويامحلا كلمات تتركيها تبهج روحي وتزيدني مرح لما اقراها
تسلمي لي غاليتي
وعساك عالقوه
ودمتي بحفظ الرحمن

**Princess** · 11-28-2006, 10:44 PM

همسات وله
محلى همسات تركتيها
تطربني مع حروفه
خفيفه بسيطه وسهله بس عميييييييقه
تاخذك لعالم خيالي
لا عجب من صاحبة اسم من جد حلو وعاجبني
كله ذوق
مو الذوق لأهل الذوق
لا عدمناكي
دمتي بحفظ الرحمن