الدراسة في معهد المواساة؟؟؟؟؟؟؟

[اسير الهوى]

تسمحي اختي اعطيك رأيي..
رأيت مجرب في معهد التنمية ويقول انه هو احسن حتى من السباعي ولكن المعاهد كلها من جهة المادة (الفلوس) نصابين والله يساعدك بس الدراسة للتمريض بتكون في التنمية احسن من المعاهد الثانية والآن الممرضات والممرضين من معهد التنمية يتوظفو ويترسمو بمستشفيات حكومية اسرع من غيرهم..
التمريض مايقارب اربعين الف.. والمساعد الصحي (زي الممرض) 25 الف ريال...
هذا من كلام احد يدرس بمعهد التنمية وشاف الدفعات وهم يتوظفوا..
فكري زين واحسبيها وسوي خيرة بعد التوكل على الله طبعا..
اخوك ياسر....

[عشق النهار]

تسلمي غناتي زهرة البنفسج على المساعده والنصيحة
وإنشاء الله موفقه في الدنيا والأخرة

[عشق النهار]

شكراُ أخي yaserali على مساعدتي و المشاركه في موضوعي

ولكن لماذا ذكرت المساعد الصحي هل هو يشبه التمريض في الوظيفة أو في الدراسة تقريباُ ؟

[اسير الهوى]

السلام عليكم..اول..
اعفيك عن الشكر اختي العزيزة انشاء الله اقدر افيدك بشيء..وحاضرين وفي الخدمة...
نعم المساعد الصحي يشبه التمريض يمكن مو نفسه ولكن اللآن في التوظيف لا يوجد فارق كبير بين الاثنين من جهة الراتب وغيرها على ان دراسة المساعد الصحي اسهل وبقيمة اقل والآن الطرفين صارو يتوظفو بدون تفرقة بين الشهادتين...
ومن جهة العمل فالمساعد الصحي يقوم بنفس العمل تقريبا الا ان هناك صلاحيات وهي قليلة جداً يمكن للمرضين القيام بها دون المساعد الصحي..

والله يساعدك..
اخوك ياسر..

[عشق النهار]

وعليكم السلام ورحمة الله وبركاته

جزاك الله خير
والله يوفقك في الدنيا والأخرة

[اسير الهوى]

جميعا بنشاء الله..
انشاء الله فدتك....لا تستعجلي فكري زين وقيسي الامور قبل من ناحية قدراتك وتوكلي على الله..
واحنا ندعي لك ان الله يوفقك ويجعل لك في كل خطوة سلامة...
بحفظ الله..

[عشق النهار]

الله يسلمك أخوي وما قصرت والله

ولكن نسيت أن أسألك ..
في أول رد لك قلت..
رأيت مجرب في معهد التنمية ويقول انه هو احسن حتى من السباعي

أنت تقصد من الشباب صح ؟

وإنشاء الله راح أفكر زين وبتوكل على الله

تسلم أخوي إنت افدتني وااجد

[اسير الهوى]

السلام عيكم اختي
الشباب والبنات نفس الشي نفس في المناهج ونفس التدريب انا شفت واحد من الشباب بس قال ان البنات والشباب نفس الشي والبنات في التوظيف يكون ليهم النصيب الاكبر في هالمجال..على العموم تاكدي من البنات الي يدرسوا.. او روحي وشوفي المعهد وسألي البنات الي هناك يكون اضمن لك واحسن..
(بس اكد لي ان معهد التنمية هو الافضل في الدراسة وفي القبول للتوظيف..
موفقة الى خير اختي...

[عشق النهار]

مشكور أخوي

وعذراُ على كثرة الأسئلة

وانشاء الله موفق في الدنيا والآخرة

[اسير الهوى]

العفو اختي وحاضرين لاي اسئلة ومستعدين نسئل ليكم عن اي شي لا تهمي نفسك...
وموفقة الى خير عزيزتي...

[عشق النهار]

لو سمحتوا هل يوجد أحد يرد علي..........

هل يوجد طالبات تخرجوا من الأكاديمية الدولية بالدمام وتوظفوا ؟؟

[بيسان]

هلا خيتوو الاكاديمية توها جديدة

للحين ماافي دفعات تخرجو

وعلى فكره اني سمعت انها تابع للامير سلطان


وبالتوفيق

[عاشقة القمر]

لو سمحتوا معهد التنميه وش هي تخصصاته

واحنا مانفكر بس وش ندرس نبغى نعرف لما ندرس هل لما نتوظف راح تكون الرواتب اوكي

ياليت حد يفيدني عن هالمعهد ويعطيني معلومات اكثر ومضمونه

بلييييييييييييز لاتتأخروا

[بيسان]

خيه نصيحتي لكِ

اتصلي بالمعهد

لانه كل فرع تختلف فيه الدبلومات عن الباقي

وبالتوفيق

[عاشقة القمر]

خيووووه اقصد الفرع الي في الخبر

بس اني ابغى معهد يفيدني واشوف الناس ياتمدح في معهد ياذم
لدرجة اني احترت اي معهد اروح
المواساه ولاالتنميه ولاالمانع مااعرف ايهو الأفضل فيهم
يدخل مزاجي المانع واتردد والمواساه عليه كلام والله احترت واتلخبطت كل اموري

ياليت احد يفيدني ولو بنصيحه