لعبة الرسايل..من << دمعه حزن>> لعبه حلووه بس لازم الكل يشارك فاهمين ولا لا

[أمير العاشقين]

مسج4 يقول

أعلم ترا لك داخل القلب تقدير
لكن زماني بالمشاغل قهرني
بالغصب اصبر خاطري عنك تصبير
مدري من اللي في غلاتك سحرني
أنا أتمنى لي جناحين وأطير
واشوف شحص بالموده أسرني

مسج 3 يارب فضيحه

[Princess]

هههههههههههههههههه
ياحلوكم والله
ههههههههه يارب فضيحه ها خيو امير
حسبي الله على بليسك
طلع
مسج 3 عندي يقول
عزيزي العميل ...:
مبلغ الفاتوره............
والمبالغ الغير مفوتره.........
المرسل ALJAWAL
خخخخخخخخخ من جد خلي الطابق مستووووووور
يسلمووو
ودمتم بحفظ الرحمن

[أمل الظهور]

خيتووو أميرة ماقلت كم رقم المسج ...

يلا بقول 2 :

أبيك تعرف ان لك صاحب بكل مافيه

يغليك،،،،

بكل ماعطاه ربي من أحاسيس

يحتويك ،،،،

روحه

وحياته

حتى جروحه

تفتديك ،،،،

لا تظن في يوم يقدر يقدر ينتسيك ...

يبيك تذكره ...

في كل لياليك ...

وتدعيله ...

عسى الله له يخليك ....


المسج اللي بعدي 30

[دمعه حزن]

مثل النسيم العذب تجرح سكوتي
تسرق بقايا ضحكتي وسط الأصحاب
أحاكي أصحابي وهم يسمعوني
وقلبي معك وكنهم عندي أغراب
وعنك يحاول بعضهم يسألوني
متى؟ وكيف؟ ووين؟ أصبحتوا أحباب؟؟

مسج2

[أمير العاشقين]

على فكره الرساله سبيشل يادمعه
من عند العزيزةالغاليه يوم انا مريض
من عند أمي

أسمعي شنو تقول

----
الورد من له ؟

أكيد الورد لك ياعابر أسوار قلبي ومستحله

أنت الوحيد اللي أبد قلبي ما يمله
عمرك شفت أحد من زود حبه تحب الناس ظله ؟

الورد من له ؟

بعد هذا السؤال محد يحله ؟!؟

أذا الورد مو لك أجل من له ؟!؟

-------
ويش رايكم برساله الغاليه
توصلك وانت مريض
ومن عند أغلى الناس بحياتك
تنسى المك كله
الله يخليك لي يايمه
مسج 4

[أمل الظهور]

الله يخليلك هالوالدة <<<<بس لا يكون وأنت مريض بس ...هالدلال ...


المسج رقم 4 من زوجة أخوي ...يوم طالت غيبتي عنهم ...

لو وصفت منزلتك عندي ...ما أظن أنه كفاك ...

ولو وصفت وصف احساس ...

قلبي كل غالي يفتديك ...

ولو أقول إني أعزك وأشعل الدنيا بغلاك ...

بتكون كلمة :

أ ...ع...ز...ك ...

والله شوية عليك ...


أطلب مسج 7

[Princess]

ههههههههههههه
لا والله واني كل ما اخش فضيحه يوووه
مسج 7 عندي جاني
اليوم
فضلا اتصل بي.. خدمة كلمني من موبايلي...

عسى المره الجايه لما اجي اصككم بمسج حركتات يدوخ
شكلي مفي امل
لازم امسح الفضايح اول بأول

[أمير العاشقين]

لا يا أمل هالدلال مو بس وانا مريض والله
مشاء الله عليها لو اطلب عيونها ما تقصر
الله لايحرمني منها انشالله

وانتين اميره ويش فيش امسحي الفضايح
لو خايفه تقولي لينا رسايلش

عفر سبيشل من عند الحبايب

عشان كذا ما تبي تقولي صح

لاكن ما أخترتي رقم وين اي رساله تبي

زين بحط رساله من عندي
اوكي

لو أكتب احساسي بالاشعار وأبديه
فيك المشاعر كيف بس أختصرها
قدرك كبير ويعجز الشعر يوفيه
كل القصايد فيك ينبض بحرها
ارفع يديني وأسأل الله وارجيه
يبعدك عن مر الحياة وكدرها
(( أمير متى بتطلع ترا البيت ما يسوى من دونك صاير ظلمه وحشتنا تعال ))

هاذي من عند " ياحبيب الروح "

هييه لا يروح فكركم بعيد
من عند أبوي الله يخليه

ويش رايكم عجبتكم
وانا منوم رسلها لي

الله لايحرمني منهم انشالله مايقصروا والله

والحين ابي رساله نيوو

يعني نبر ون
رقم (( 1 ))

[Princess]

يا علي والله وش هالدواهي
كل منك امير العاشقين يوم تقول يارب فضيحه للي بعدي يالله اسحبها هالدعوه..
والله دعوتك طاحت علي

عفر سبيشل من عند الحبايب
خخخخخخ الله يخلف يا حسره كااان زين الحبايب من زمان ما شفنا منهم مراسيل ... عاااد لا يروح الفكر بعيد

عشان كذا ما تبي تقولي صح
يوووووووه والويه ما اقوول عادي بس اللعبه تبغى الصراحه والصراحه اني ما اطيح هنا الا بفضيحه الله يخلف علي خخخخ
لاكن ما أخترتي رقم وين اي رساله تبي
من الفضايح شيه تخلي للواحد فكر
خخخ
بقووووووووووووول رقم الرساله هالمره لا انساه رقم 3
والفضيحه هالمره
خويتي بالكليه عندي ملزمه ليها واني اليوم ماني مداومه فالرساله رقم 1 هي

" ما باروح خل اختش اذا راحت تروح للمدرج نفسه وتعطيها فلانه وانتين اكدي على اي احد زي فلانه"
والله حاله
متى بس اطيح هنا برساله زي الأوادم
امير امسح فضايحي ها.. والله ما مداني الساعه 2 الفجر جتني زين فتحت عيوني اقراها
دمتم بحفظ الرحمن

[دمعه حزن]

هههههههه

خوش فضايح يا اميرة المرح ..

أمير العاشقين الله يخلي لك الوالد والوالده ..

وربي يدوم هالمحبه بينكم ..

وربي يعافيك من كل سوء ..

مسج 3 يقوووول ..

إن قلت وحشتينـــــــــي ترى ما توفي

وإن قلت توحشيني ترى ما قلتلك شيء

وإن قلت لك وحشــــــــــه ابد ما تكفي

وشلون اعبر لك إني من جــــــــــــــــد

مشتـــــــــــــــــــاقه لــــــــــــــــــك


مسج 6

[ليالي]

لا تتعبك ظنونك

أعشقك وأعشق جنونك

ترى هالدنيـا ياروحي

مالها معنى بدوونك.

مسج رقم 2

[أمل الظهور]

مسج 2 :

ياهي كثير أوقات

يحرجني الوفا ..

لاصرت أقصر في سؤالي وأنا أغليك ...

الله عطاني قلب صادق مانسى ...

والله عطاك الطيب منهو يضاهيك ...

ياصاحبي مادام يجمعنا الغلا ...

وشلون أبقسى دام قلب يغليك ...

مسج 6

[دمعه حزن]

ان زاد حزنـي قلـت لـه مـاعلـيـه
وش الــذي بــتزيــد فــي قــلــب مـذبوح
ياحــزن دور لـك عــلى نفـس حيــه
ولاانــا مــالــك ابـــد فـــي مــصلــوح
الروح ماتت مــن سنـيــنٍ مــديــه
ولا الجســـد هــيــكــل ولا حــس بـالـنوح
لــو انـكوى بالـنار مليون كيــه
مــاحـــس فـــيها دام مــاحــست الــروح
معـاد امــيز بــين شمـسٍ وفيـــه
كـــل الذي في داخـــلي جــمــلة جــروح

مسج 9

[القلب المرح]

اسألني من تكون
بحياتي
اسألني من ملك عقلي
وذاتي
اسألني لو بغيت انا
اجاوب
حارت الكلمة تردد في
شفاتي
انت الليل لك بنيت ابيات
شعري
انت احلامي واجمل
ذكرياتي
في وجودك تضحك
الدنيا بعيني
وفي غيابك تعلن
الدنيا وفاتي


رقم المسج"1" وبلا غش

[دمعه حزن]

امممم

لازم 1 يعني؟؟

تراه فضيحه شوووي ..

مسج رقم 1 يقول الله يسلمكم..

الله يسامحج على هالمسج
أعذريني يالغلا ع القصور
بس الوالدين مسافرين للحج
وانا قايمه بشغل البيت ومرره
حوستي حوسه ما اقول الا الله يعين


مسج 6