شارك بأعز مسج يوصل لموبايلك

[القلب المرح]

اشتقتلك وانا على البعد مجبور ..
ودي اغمض وافتح
العين والقاك
ارسلتك شوقي
عصافير وطيور
يافاتن قلبي من البعد
مقهور
وش حيلة اللي يرتجي
لمس يمناك
اضحك مع ربعي ولاني
مسرور
ساري بفكري واشتكي
ضيم فرقاك

[دمعه حزن]

ياحيلة الله وش أسوي بالأقدار
مالي على رد المقادير قوه
مكتوب أصير في دار والزين في دار
وقلبي تلوع وأحمر الدمع ضوه
ياما صبرت وراعي الحب صبار
يخفي عذابه كان عنده مروه..

[دمعه حزن]

مدري علامي ضايق الصدر زعلان
ابعد عن همومي وهمي يجيني

كني انا والجرح ياناس خلان
اعانق الفرحه وهي ما تبيني

قصة حياتي تبتدي بكلمة احزان
وختامها بكتب ( يادنيا ارحميني )

[إيلاف]

مانفترق لو فرق الموت خلان
أموت أنا وياك والقبر دورين
أصل الفراق موت وهموم وأحزان
وأنا بدونك ما أقدر اعيش يومين
لا والذي رفع السماء بغير ميزان
ماقوى الفراق المر من ناس غاليين..

[دمعه حزن]

محبتك بالــــــروح فـــوق المحبين
ما عاشــهــا مخلوق ولا سمعها
مساحة خضرا تفوق البساتين
بأقصى رياض القلـــب ربك زرعــها
محد يرد الحب عن قلب غاليــن
وان حبت الأرواح محد منعــها

[بيسان]

لو يموت الشوق

بقلوب البشر..

مايموت بخافقي

شوقي عليك

خذ مسافه :

يوم ..شهر .. اسبوع..

وتعرف اني

طول عمري مشتريك

بيننا الايام

واحكام الدهر

وراح تعرف

وش كثر

قلبي يبيك ...

[دمعه حزن]

ياللي تواسيني بصبـــــر
ونسيـــان
غصب رضيت الهـــم لو
مارضاني
لا تجبر الخاطر تعـودت
الاحــزان
قلبك وجرحي مابرى من
زمانــــي

[القلب المرح]

الله اكبر كل ما اخترت في الدنيا صديق
مالقيت الا صديق يدور منفعه
ان جيته حزة الضيق زاد الضيق ضيق
وان جاني سقت دمي عشان انفعه
الا انت مكسب لي ياعز الرفيق
اتشرف كل ماقلت انا(اعرفه)

[دمعه حزن]

تــدري لو السحــاب
يعــاشر أمثـالك !!
جـف المـطر عن النــاس
وإمتـلكتـه ..

تــدري لو الورد
يتنشــق أنفــاسك !!
يدعيــلك ويقــول
سبــحانك يامنـ خلقــته ..

تــدري لو النـــاس
تخــلقت بأخــلاقــك !!
أقــسم بالله
كــان طــابت دنيــاي
والهــم ما عــرفتــه ..

[القلب المرح]

أنت يالي سألت عني من أكـــــــــون
.....................وتسأل عن سبب حزنـــي ودمعـــــاتي
ليه تسأل وش يهمك من أكــــــــــون
.....................وش لك بحزن قلبــــــــي ودمعــــــاتي
أنا إحساس حب وشوق وجنـــــــــون
.....................جنوني وشعـــري هي سبب معانــــاتي

[دمعه حزن]

على متن الجبل هذا جلست اذكر حكاياتي
جلست استرجع الماضي وصدري ضاق بهمومه
تعبت وكل مافيني تعب من كثر وناتي
عنا الذكرى جروحٍ عايشه بالنفس مرسومه
يذوب ابداخلي صمتي تذوب ابداخلي ذاتي
صفير الريح في صدري يصحي الجرح من نومه
نحت الصخر بدموعي وثرت بفيض عبراتي
تفجر في ثرى نفسي شجن واهات مكتومه
تجرعت الالم بدري وخاوتني معاناتي
مشاعر ضمها صدري من الافراح محرومه

[القلب المرح]

كيف الفرح لامن بدا يظهر على غيمة حزن؟
وكيف الأمل والتشاؤم يتفق؟
وكيف القمر والشمس في وقت واحد تجتمع.
كيف أنت؟؟ كيف أنا؟؟
كيف الطريق يضمنا؟
بس المهم إني أقول
حبك أمل..حبك فرح
حبك وسام أتقلده
وهذا الأهم.

[دمعه حزن]

يا صاحبي ما فادنا كثـر الأحلام !!
واللي بـ خاطرنـا عجزنـا نطولـه !!
ماتت أمانينـا علـى كـف الأيام !!
وحكم القدر فارض علينـا ميولـه !!
نمشي ورى والوقت يمشي لـ قدّام !!
ضعنـا وضيّعنـا كـلامٍ نقـولـه !!
نسهر وتسهرنا مقاديـر الأعوام !!
ودروبنـا متفـرقـة ومعـزولـة !!
العمر ولّى والبخت طاح ما قـام !!
الحـظ وقّـف والليالـي عجولـه !!
نصبح على همٍ ونمسي على أوهام !!
وضيم الدهر بـ الدرب نّـوخ ذلولـه !!
بـ أحلام عشنـا وافترقنـا بـ الأحلام !!
نحلم ونحلم مـن زمـان الطفولـة !!!!

[القلب المرح]

شفت النحل وشلون يبني الخلية

مثله بنيت بداخل القلب بيت

ياللي سكنت الروح عن طيب نية

ماني سعيد القلب لامن تخليت

الحب نية والنواياااااا مطية

ومن مد لي فنجال حبه.. تقهويت

[دمعه حزن]

ليه احس اني معاك انسان
ثاني
واني اسعد شخص في هذا
الوجود
وان بيديني مفاتيح
الاماني
كل درب امشيه مفروش
بورود
بكل ما شفتك تسمرت
بمكاني
كن في عيونك لخطواتي
قيود
كلمتين وكني مضيع
لساني
نظرتين وكل مافيني
يجود