تسمح أحبك على كيفي و بأسلوبي
و إذا تكرمت روحك لي تسلمها
أنا المحبة تراها كل مطلوبي
لجل المحبة أنا روحي مقدمها
ابيك تعرف حبيبي وجهتي و دروبي
عندي حقائق ابي بصدق تفهمها
ترى الوفاء و الصراحه أبرز عيوبي
والصدق و الشوق هي تظهر معالمها
أحب في صمتي و أكتم سر محبوبي
و أخصص أشواق قلبي و أعممها
واحنا مع الناس خلك دوبك و دوبي
كل الأحاسيس حاول دوم تكتمها
أدري أنا صعب بس ارضى بمكتوبي
تسمح أحبك و روحك ما تعلمها!