يا صاحبي ما فادنا كثـر الأحلام !!
واللي بـ خاطرنـا عجزنـا نطولـه !!
ماتت أمانينـا علـى كـف الأيام !!
وحكم القدر فارض علينـا ميولـه !!
نمشي ورى والوقت يمشي لـ قدّام !!
ضعنـا وضيّعنـا كـلامٍ نقـولـه !!
نسهر وتسهرنا مقاديـر الأعوام !!
ودروبنـا متفـرقـة ومعـزولـة !!
العمر ولّى والبخت طاح ما قـام !!
الحـظ وقّـف والليالـي عجولـه !!
نصبح على همٍ ونمسي على أوهام !!
وضيم الدهر بـ الدرب نّـوخ ذلولـه !!
بـ أحلام عشنـا وافترقنـا بـ الأحلام !!
نحلم ونحلم مـن زمـان الطفولـة !!!!