من روائع عباس جيجان

[ابي اعرف ليش؟]

البارحة شفت الوطن بالطيف اجاني البارحه ..
قتله هلا ومية هلا يابو الخيول الجامحه ..
مديت اديه تسالمه شفت القلب قبل الجفوف يصافحه ....
شلونك قلت ياموطني وظنوني ظلت سارحه ..
وانقطع وسطي من الخجل من الخجل وعيوني ظلت شابحه ..
قال اطمأن ياولدي كفتنا هي الراجحه ..
قلته الْيِرد ياموطني لحضنك الدافي تسامحه !! ..
قال اْليِرد وإلْما يِردْ وحتى الْيِفكر بالوطن ذنوبه كلهن طايحه ..
بس الْيِخون اُمّيِتهْ ما يستحق نقرا على روحه الفاتحه ..
قلته يبه ياموطني عندي حجي بغزر الدموع المالحه ..
قال احجي قول شما قلت طبع الوطن مثل الابو واجب عليك تصارحه ..
قتله يبه ياموطني ليش انت من دون الدول صاحت عليك الصايحه ؟؟
وليش انت من دون الدول اطفالك الحلوين بالدم سابحه ؟؟
وليش انت من دون الدول بكل بيت عندك نايحه ؟؟
وليش انت من دون الدول ناسك إتْصبّح نازحه ؟؟
وليش انت من دون الدول جيرانه كلها تواقحه ؟؟
وليش انت من دون الدول يا ثور بالعالم قوي تركض عليه تناطحه ؟؟
متْقلي منهو الْخبلك يا بو العقول الراجحه !! ..
شفته ضحك .. شفته ابتسم لمن حِجى و جاوب اجابه واضحه ..
قال اعتقد يا ولدي .. المشكله مو بالوطن .. المشكله بصدام هو الذابحه ..
يبقى الوطن هو الاصل والناس هي الرايحه ..
كفكف دموعك ياولد ادري بغريب الدار شوقه الجارحه ..
وادري بغريب الدار كل ما يِعتلي وكل ما صعد وشْما كسب خسران كل ما رابحه ..

حتى الطيور إلها وطن تهاجر لجل لمن يهزها الشوق ترجع طافحه ..
وحتى النخيل إلها وطن ما تنشتل إلا بأرضنا المالحه ..
بس إحنا نبقى لِشْ وقت يا موطني نحلم وطنا نصافحه ؟؟ ..
وخلاف الوطن تبقى البشر مثل البهايم دايحه ..
والبارحه شفت الوطن بالطيف أجاني البارحه ..

[ام باسم]

اااه والف أه على وطن كان اسمه العراق....
والله قصيده محزنه
مشكور

[ابي اعرف ليش؟]

العفو

[نور الهدى]

الله يعطيك العافية اخي

وعساك على القوة

والله يوفقك يا رب

ام محمد

[ابي اعرف ليش؟]

هلا با ام محمد

نورتي الصفحة

عساكي على القوة يارب

[اسير الهوى]

ابي اعرف ليش...
جدا رائعة وهذا ليس عليك بغريب....
شكرا اخي....
ياسر....

[ابي اعرف ليش؟]

هلا بياسر

وانت اروع

[يوم بيوم]

وقفت اجلالا من جميل ما قرئت لعباس
يسلموووووووووووووووووو

[شمعه تحترق]

بالفعل قصيده رائعه

غريب يحلم بوطنه المنهك

ومن سيكتب عن ألم العراق أفضل من أبناءه

الشاعر العراقي عباس جيجان شاعر شعبي من أهالي البصره

له قصيده اخرى عن العراق تعجبني (عراقي آني)

احسنت الاختيار اخي

موفق دائما ً

[ابي اعرف ليش؟]

الله يسلمكم

مشكورين على المرور والرد