لك اختاه ( مسموح للشباب ايضا )

[نور الهدى]

السلام عليكم ورحمة الله وبركاته

وصلى الله على محمد واله الطيبين الطاهرين


اختاه

التدخين عادة سيئة , لا يختلف اثنان عليها في ذلك ,حتى لو كنت من المدخنين

فلا تسمعي لمن يقول لك أنها تذهب بالهموم ! فلو كان ذلك لكان المدخنون أقل الناس هموما

ولو كان التدخين حلالا للمشاكل ! لارتفع الامتحان عن الناس , وأصبحت الحياة الدنيا بلا مشاكل !

فيا أيتها الكريمة

لا تتعلمي التدخين , فهو أمر قبيح , وخاصة للنساء ... ويتعجب المرء من مؤمنة صادقة قوية في إيمانها , مخالفة لهواها كيف لا يمكنها ترك التدخين



الي خلاني اكتب هذا الموضوع هو انزعاجي من منظر رأيته عندما كنت مع زوجي

نساء وما شاء الله عليهم كبار في السن بعد جالسين في المطعم والقسم عام طبعا بين الرجال والنساء

( وفي بنات صغيرات في السن بعد )

وهم جالسين يدخنون( شيشة )

منظر الصراحة جدا قبيح

امراءة وجالسه بين الرجاجيل وتدخن شيشة

العن ابو التطور والتحرر الي ينادون فيه هؤلاء

عذرا على الفاظي

لكن هذا الواقع واستفزني الموقف

وان شاء الله ما يكون عندكم في السعودية هالشي


تحياتي

اختكم ام محمد

[Princess]

ام محمد حياتي
اشكرك على هالموضوع الجميل
وبالسعوديه عندنا يالغاليه
بس الفرق انه بالخفاء
مو بالأماكن العامه بين الرجال
يمكن بأقسام العوايل وكل واحد ما يدري عن الثاني
بس اعرف وحده تدرس بالرياض
مسكينه الله بالينها بالسكن مع 5 بنات كلهم يدخنوا شيشه
وحالتها حاله معاهم الله يستر عليها لايعدوها
وهي تحاول تغير السكن وانشالله ترتاح ويوفقها الله
ومن جد التدخين قرف وما اطيقه
واول شرط عندي لزوج المستقبل انه ما يدخن
واخر منظر قرفني خيتي في مجمع المارينا مول يوم ثالث العيد مجموعة اطفال اكبرهم 12 سنه تقريبا ومتكشخين ثياب وشماغات وكل واحد بيده سيجاره منظر بجد قطع قلبي
وما حبيته الله يهدي الجميع
ودمتي بحفظ الرحمن

[بيسان]

اوف خيتوو تصدقيي اوول مره اسمع مره تشرب شيشه في امااكن عاامه

بصرااحه نشووف اكباار السن " القدوو" وهو يعوور الرااس

كيف بالشيشه صحيح ارقى ببس وويع مااتخيل نفسي

احس الا يشرب بعيد عن الانووثه بكل الابعاااد ولا يمد لها بااي صله

كل يووم موواقف وفضااايح اعظم من اليووم الا قبله

الله يلعن التحرر وسااعته

مااددام عدهم هالمسمه تحرر وتطوور

اني اقول الا رجعيه بكل المقاايس

مشكووره خيتووو

على الطرح

والله يعطيك العااافيه

[الفاقدات]

مشكورة اختي ام محمد على الموضوع والرائع

وفي الحقيقة ما ندري ويش غبي الزمن لينا

كل يوم نشوف حاجة جديدة والى متى ما ندري

[أمل الظهور]

نعم أختي العزيزه أم محمد يوجد

مناطق قليله في السعودية

نسائهم تدخن ما يعرف( بالقدوو)مثل ماقالت أختي بيسان

الله يستر علينا من هالعصر

تشكرين ويعطيك الف عافيه

[شمعه تحترق]

معقول كلكم ماتدرون أن كثير من البنات بالمنطقه يعسلون

وبأماكن عامه لابالسر ولاهم يحزنون..

مثلا ً بمطعم القلعه بالقطيف طبعا ً هناك نظامين الاول كباين والثاني طاولات بالهواء الطلق

وطبعا الطاولات ممكن يمر عليهم كل مرتادي المطعم .. وتلاقي هناك مجموعة بنات كاشفات وجوهن يعسلون

وسوالف والأغاني شغاله والعمال رايحين جايين لهم هذا غير الناس اللي تمر عليهم وهم عاااادي

ويتكرر هالمنظر على البحر ..

التدخين طبعا عادة سيئه وريحه قبيييييحه عن نفسي انقرف منها بشكل مو معقول بس يبقى الأمر حريه شخصيه

دام انك تمارسها بالبيت بس من تطلع خارج اطار بيتك معناها لازم تراعي أشياء كثير

منها عادات المجتمع اللي انت فيه

الفكره اللي ممكن ياخذها عنك البعض

هذا غير الاذى اللي ممكن تتعرض له البنت وهي بمكان عام كاشفه وتدخن في ظل وجود كاميرات الجوال والبلوتوث

ولااااا أسهل من هالفضيحه ..

في شيء أتوقع كلنا نتفق عليه وهو قبح وسوء منظر السيجار أو الشيشه ...ألخ في فم المرأه

بس في سؤال يتردد في ذهني :

وين أهل هالبنات عنهن .......................؟؟

يعطيك العافيه خيوووه

وترى الحال من بعضه وعندنا وعندكم خير

وسلام يااااا تطور

[نور الهدى]

مشكورة اختي اميرة المرح على مرورك وردك

وصدق انتشرت هذه العادة عندنا بشكل كبير

جامعيات يا زعم المفروض فاهمين واعين اكثر تحصلهم في الاجازة في المقاهي يدخنون

عاد هذا موضة وتحرر وتغير جو

ما ادري الناس شلون ماسيه هالايام ماادري

تحياتي لك اختي

اختك ام محمد

[نور الهدى]

هلا فيك بيسونة

واحسن لك انك ما شفتي هاللمناظر

وصح كلامك هذا ما يمت بالانوثه باي صلة

وكل ما يمر الزمن ترجع الناس للعصر الجاهلي اكثر

الله يستر علينا

تحياتي لك اختي ومشكورة على المرور والرد

ام محمد

[نور الهدى]

هلا فيك اختي امل الظهور

مشكورة على مرورك وردك

واحنا بعد في البحرين عندنا النسوان الكبار يشربون( القدو )

والحين موضة الشيشة للبنات الراقيات

تحياتي

ام محمد

[نور الهدى]

هلا فيك مشرفتنا الغالية شمعه

منورة بطلتك

كل الكلام الي ابي اقوله قلتيه ما شاء الله عليك

ما خليتي شي

ونعم هذا السؤال بعد محيرني

وين اهلهم عنهم

وهل هذا الشي عندهم عادي بعد


يمكن

ام محمد

[ام باسم]

في شيء أتوقع كلنا نتفق عليه وهو قبح وسوء منظر السيجار أو الشيشه ...ألخ في فم المرأه

هالمنظر بحد داته يكفي ........

[القلب_الحنون]

الف شكرلك اختي ا لكريمه (ام محمد)على هذه النصيحة نعم هذا التدخين مرض نشترية بأموالنا لنضر نفسنا به وانا انصح كل شاب وشابه عدم حتى التفكير في التدخين اسألو مجرب ولا تسأل طبيب انا ادخن وهذا العيب الوحيد اللي فيني
وانا مودمن تدخين ونصيحتي للجميع عدم التدخين مع احترامي لكم جميعاً
والف شكر للأخت العزيزة(ام محمد) على هذا الموضوع والنصيحة
ربي يوفقك ويسعدك

[نور الهدى]

مشكور اخي الفاقدات على مرورك وردك

والزمن لسه خاش لنا اشياء واشياء

والله يستر

تحياتي لك اخي

ام محمد

[نور الهدى]

هلا فيك اختي ام باسم

ومنورة بطلتك

تحياتي لك

[نور الهدى]

نورت الصفحة يا الحنون

ومشكور على مرورك وردك

والله يعطيك العافية

وان شاء الله تفتك من سالفة التدخين

تحياتي واحترامي لك

ام محمد