ميكانيكية تصعيب الزواج للشباب . ارجو التثبيت

[أمل الظهور]

السلام عليكم

موضوع مهم

تشكر على طرحه أنت ومن تعاون معك

وبالنسبة لرأيي

هو مثلا ليه البنت تطلب 25الف ولا 20 الف؟

لأنها أكيد واهم شيء رايح تشتريه الذهب قول أقل شيءلو بتشتريه

مثلا سلسله وطقم وخاتم بيطلع عليها 10 الالاف هذا أقل شيء

غير الملابس غير المستلزمات الثانيه تعرف الدنيا غاليه في كل شيء اللحين

بس أنا رأيي مثلا بدال ما تشتري بلوزه مثلا ب100 تشتري ب25 يعني كذا وأذا قلنا لها روحي المحل الفلاني يبيع القطعه نفسها أرخص قالت هاذي ماركة ولا تخترب وهي شهر ولا شهرين ويكون

مكان القطعه (الزباله تكرمون )

يعني ما تروح محلات غاليه وتقول مهري خلص ولا كفى لي وباقي أشياء كثيره ما شريتها

وهي بدال مارتوح للمصورة سعرها 2000تروح أم ألف ريال

وبدال ما يأجر صالة أفراح ب5000يأجر ب2000مثلا مو لازم الصاله المشهوره والصاله (الستايل)

الراقيه


ولا أأيد الصراحه الزواج بالحسينيه لأن مايقام الآن بالزواجات عيب يصير فيها مثلا العروس والمعازيم والأهل والأطفال

راح ينسون أن الدخول بالجزم أو النعال (أكرمكم الله)مكروه في الحسينيات وأذا قضينا النظر عن هذه النقطه

لا تنسى الرقص عاد ماشاء الله ((سباق في الرقص وتنافس ))فهذه الأجواء مكروه بل حرام في الصاله فما بالك في

حسينيه

وبدل مايأخذ له شقة ب20الف يأخذ له بعشرة آلالاف يعني يحاول يوفر على نفسه

ولا يلزمه أن يأخذ غرفة نوم بتلك القيمه يأخذها بقيمه كويسه لا غاليه ولا رخيصه

يعني كذا يحاول قد ما يقدر وهي أيضا تحاول قد ما تقدر يوفرون فالمستقبل أحلى بينهما

أن شاء الله وأهم شيء عندي يحاول من أول حياته يفهم زوجته عن ظروفه

ففي بعض الشباب الصراحه يوعدون زوجاتهم ويهدونهم بأيام الخطوبه هدايا قيمتها (فوق الفوق)

ويوعدونهم بسوي لك كذا وكذا وبحط لك في الزواج كذا وبسويه في أرقى الصالات

وأذا قرب راح يحجز تتفاجأ الزوجه ...

يعني يبين لها ويصارحها من اول شيء

مو أيام الخطوبه شيء وأيام الزواج شيء مختلف كليا ويخليها تحلم وتحلم

وهذا رأيي

سامحونا على الأطاله

يعطيكم العافيه