حضر العيد.... وغابت الام

[فرح]

قصيده حلوه ...

انشاالله تنال على اعجابكم ..


عيّد الناس .. وآنا في هجير البيـن
تزفر الروح وسط أغـلال غربتهـا
كلٍ معايـد أمـه .. قبّـل اليديـن
وامي أقفت لخالقهـا .. ورحمتهـا
وين قلبٍ حمل همي .. وقلبي وين ؟
ويـن روحٍ تعطرنـا بطيبتـهـا ؟
كان عيدي من أول .. يكتمل عيدين
عيد للناس .. والثانـي بشوفتهـا
كانت الفرحه إليـا شفتهـا ثنتيـن
فرحة العيـد والاخـرى بفرحتهـا
كنت لا شفتها .. تدمع لها ذا العين
مـن كثـر مـا تدفينـي محبتهـا
كنت في كل يوم .. أقبِّـل الكفيـن
واملك الكون لا من نلـت دعوتهـا
كانت أحلى الصبايا كاملـه بالزيـن
المكـارم بيدهـا .. مثـل دبلتهـا
كن منهو غرس وسط الحشا سيفين
لا تخيلـت يـومٍ كنـت عزوتـهـا
جعل ربٍ حمى واستخلص البيتيـن
يدخل أمي بعفـوه بيـت رحمتهـا

انشاالله تكون كل أيامكم عيد وسعاده بوسط حبايبكم وأهلكم ...


هااااااااا عجبتكم ...؟؟؟!!

صراحه ذي القصيده عجبتني وقلت لازم انقلها الاعضاء والعضوات يقروها

تحياتي

منقووووووووووووول

[اسير الهوى]

عجبتني مررررررة..
شكرا فرح مشاركة جميلة جدا..
ياسر..

[فرح]

شكرا اخي يـــــــــاسر
اسعدني تواجدك ونورت متصفحي
موفق خيووووووو

[نور الهدى]

الله يعطيك العافية اختي فرح

وعساك على القوة

عجبتني حلوة ومعبرة

الله يوفقك خيتو

تحياتي

ام محمد

[شمعه تحترق]

يسلمووو فرووحه

فعلا ً قصيده جميله ومؤثره موووت

الله يعين كل فاقد أحبابه بمثل هالايام

ويعوضهم بخير

موفقه حبيبتي

[فرح]

الله يعطيك العافية اختي فرح

وعساك على القوة

عجبتني حلوة ومعبرة

الله يوفقك خيتو

تحياتي

ام محمد

تسلمي غاليتي ام مــــــــحمد
على كرم مرورك في متصفحي
موفقه خيوووووووووه

[فرح]

يسلمووو فرووحه

فعلا ً قصيده جميله ومؤثره موووت

الله يعين كل فاقد أحبابه بمثل هالايام

ويعوضهم بخير

موفقه حبيبتي

مشكوره حبيبتي شمووووووووع
كم اسعدني تواجدك الرائع
يعطيك الله الف صحه وعااااااااافيه
ودمتي بحفظ الرحمن