بناتنا ولباسهن الفاضح ؟؟؟؟؟

[دمعة المقهور]

مشكورة أختي أميرة المرح على المرور الطيب 00


[quote=اميرة المرح;218246]مرحبا اخوي دمعه مشكور على الموضوع الأكثر من روعه ويحكي واقع نشوفه متواجد بمجتمعنا
اما عن اسألتك فهذي اجوبتي وبكل صراحه وان كان يمكن في بعضها جرأه بس اني صريحه ومحب الف وادور
س / أختاه بينك وبين نفسك 00 هل ترضين ده الشيء على نفسك بأن يجعلك الناس علك في حلوقهم ؟
اكيد لا واي وحده تحترم نفسها واهلها ما بتجيب لنفسها اي كلام عشان يتعلكوا بها الناس بعدين..
صح كلامك أختي أميرة 000

س / أختي بحكم أنك بنت 00 وش اللي تبي توصل له البنت من كل هالأمور المفتعلة ؟
اكيد وبلا شك لفت النظر وهالشي دليل كبير على فقدها الثقه بنفسها انها ما بتصير شي ولا حد بيدري عنها الا بهالحركات الله يكافينا الشر..
وبعد لفت النظر وش راح يصير 00 وكل البنات يعرفون ان الشباب اللي تشبك معه البنته ماراح ياخذها لأن مقتنع أن بتشبك مع غيره 000

س / أعرف صديق لي طلق خطيبته 00 فقط لحركات أختها الغبية التي لاتمت للدين بصلة 000 وش رأيك أنتي بده القرار اللي أتخده صاحبي ؟ ولوكنتي أنتي أختك هذه الفتاة ماذا ستكون ردة فعلك خاصة أن أختك هي السبب في طلاقك وهي موجودة معك تحت سقف واحد ؟
بهالنقطه ما ادري كيف اوضح لك رايي بس صاحبك هذا خطيبته هل كانت مثل اختها ليش الخير يخص و الشر يعم ووش ذنبها اذا كانت اختها كذا عشان تتجارم بشي هي ما سوته اذا اختها كذا يلعن يوم كذا خوات ما وراهم الا خراب البيوت اتبرى منها على طول اني الصراحه اهاوش اختي احيانا اذا ركبنا الميكرو وجلسنا قدام مابيننا وبين السواق الا كرسي وتفتح هي النقاب ما احب احس يلفت واذا مشينا احرص ان عيننا قدام لايمين ولا شمال مو بعد تسوي لي حركات غبيه بس اسمح لي خويك هذا حرام انه يترك خطيبته اذا كانت مو مثل اختها
بس أختي أميرة العرق دساس وماأحد يبي يوم يجيب بنت ويقولوا لا روحي شوفي خالتك وش تسوي 00 والا أنتي أيش رايك 00

س / يقولون أقلب القدر على ثمها تطلع البنت لأمها 00 برايك أختي هل تؤثر الأم على أبنتها وأيهم أكثر تاثير على البنت الأم أم الصديقة المقربة لها ؟
الصراحه الثنتين بس بأيامنا الحاليه الصديقه المقربه لها تأثير اكبر
واحيانا تنعكس الآيه وتصير البنت هي اللي لها تأثير على امها بحكم ان البنت لها زمنها ومتطلباتها اني اسوي هالشي مع امي احيانا بس بحدود المعقول وبالشي اللي ما يغضب الله ولا يجيب حكي الناس
طيب لوقيموك بتقييمهم لصديقتك هل راح تقبلي التقيم والا راح تحسين انه موعادل 000 بحكم أن البنت وصديقتها متشابهات بالطباع 00

س / لنفرض أنت ممن ينبذون اللبس الفاضح 00 وتقدم لك عريس كل المواصفات حلوة فيه لكن أخواته لبسهم مشين وغير أسلامي 00 ماذا سيكون ردك ؟
اذا هو ممتاز ولقطه ومثل ما ابغاه ما علي من خواته اهم شي هو ونفسي اني ولبسي ومال احد شغل فيننا اني اعرف ناس كذا الرجال خواته يلبسوا وماله بهم دام ابوه عايش وراضي بس هو ومرته عال العال راضيه فيه وراضي بها
والله أنااسمع الطثير من دي الأشياء بس احس في بنات ماطيقون أن يعاشرون حد مايقدروا يتأقلمون مع طباع أهله 000

س / هل تؤيدين الزواج بهذه الطريقة وماالسبب :
عن طريق النظرة الأولى : لا ياكثر الحلوين بمظهرهم وياشين جوهرهم
بس بعض البنات ينغرون بأنه أعجب فيها وتلاقيه قال دي الكلمة لمليون قبلها 000
عن طريق الأنترنت :دايج هالأيام بكثره وكثير ناس صار فيهم وتوفقوا اهم شي يكون بصدق وبدون تلاعب وخش ودس وطلعات وخرابيط من ورا الأهل واهم شي كون حوارهم صريح وبمنهتى الأدب وبعيد عن خدش الحياء وقتها احس انه افضل من اللي يطلعوا ويروحوا ويجوا بلا رقيب وبلا حسيب مع انه له سلبيات كثيره اغلب الأحيان بس ما يخلو من ايجابيات ولو قلت
كلامك عين العقل أختي 000
عن طريق الشيوخ : كيف هذا يصير اول مره اسمع به
يعني تسجلين اسمك عند الشيخ أنك تبين تتزوجين ولما يجي واحد يخطب عن طري الشيخ يدله عليك 000
بس أنا أحس بكده ان البنت تعترض على حكمة ربها وثاني شيء ترخص من نفسها 000
عن طريق الخطابة :عاد الخطابه هذي اللي موضه وانتهت ورجعت وفرضت نفسها احسها تزين بالوحده والواحد وتجيب محاسنهم واغلبيتهم بس يبغوا يكسبوا القرش ارفضها هذي بشده
صدقتي الخطابات دجالات تلاقيها تعطيه مواصفات غير مواصفات البنت والعكس صحيح بس عشان الفلوس وبالآخر المساكين هم الضحية وهي ماضرها شيء 000
عن طريق الماء المقروء عليه :غريبه هالطريقه بعد اول مره اسمع بها
أختي يعني ياخدون ماي ويقرون عليه قرآن أو شي من هالقبيل وبعدين تاخده البنت وتسبخ بيه وبعد فترة يجيها نصيبها والله أنا سمعت وفي الكثير عرسوا عن طريق ده الشيء 00
عن طريق المواقع الأنترنتية للزواج : المواقع الإنترنتيه احسها مثل الزواج بالنت اللي طرحته من شوي زي بعد الصفحات اللي بالمجلات
اذا كانت بس ادراج مواصفات وبعدها مراسله وتكون بصدق وامانه احسها عادي بس اهم شي بعد يكون فيه تفاهم بين الطرفين بشكل مؤدب ولائق وبعيد عن الإنتقادات و كل زمن وله طريقته بس مثل قنوات الزواج عرض الأزياء الرجاليه والنسائيه فيه هذا المسخره بعينها
أي بس الواحد يكون حدر فيه شوي بعد 000
س / ماهي طريقة الزواج التي تفضلين الزواج عن طريقها ؟ الصراحه اتمنى يكون عن حب وتفاهم او يكون هو اللي يبغاني حتى ولو ما كان في حب الحب الأقوى يجي بعد الزواج يعني ابغى منه هو يقول فلانه هذي ابغاها ما ابغى تقليدي من امه او اخته او حد يقرب له وان كان كذا فأتمنى بعد اكون بمواصفات هو حددها مو احد غيره
الله يعطيك على قد نياتك وممكن يكون واحد من اقاربك يبيكك بس انتي ماتدرين عنه 000
س / ماالشيء المهم في زوج المستقبل بنظرك ؟
يخاف الله اهم شي ومو راعي سواليف بطاله ومثقف ويعرف كيف يتعامل مع المرأه ومو دقه قديمه يفهم متطلبات العصر وتغيراته المتسارعه
طيب لوطلع مثقف ماتخافي يوجع راسك أو يشوف نفسه عليك بثقافته 000
س / لوأنتي من اللاتي يتمسكن بلباسهم الشرعي وفجأة بأيام الخطوبة أمرك زوجك بأن تغيري لبسك وأنتي ليس مقتنعة بالفكرة 00 ماذا ستكون ردة فعلك ؟
اني لبسي نقاب وعبايه راس الحمد لله مهي مخصره ولا اقول واسعه مره بس ماني اسطوانة غاز متحركه تبع هالأيام وجاني حضرته مثلا وقال يبغاني البس عباية كتف ما بامانع اذا كانت بمواصفات معقوله اهم شي وسعها مثل الراس ومهي مبهرجه وكونها طايحه على كتفي ما بيقدم ولا بيأخر عندي شي بس اهم شي من داخلي اكون مقتنعه بمنظري الجديد بس اذا طلب شي مو مقتنعه فيه احاول بأسلوبي وبكل لباقه اقنعه بالصحيح واذا مره مره راكب راسه الا اتبهرج واتخصر اتركه وبدون اسف عليه لأنه ماعنده غيره علي بهالطريقه
تعجبني صراحتك وأتمنى تسعدين مع زوجك وأن يكون تفكيرك معه كده مرن وسلس وهادئ 00الله يكملك بعقلك 00 بس بعض البنات مثل ماقلتي مثل اسطوانة الغاز 00
س / هل تؤيدين سغر المرأة بدون محرم ؟ خخخخ الصراحه اني اخاف اطلع المجمعات بلا محرم مو بعد اسافر من دونه اكيييييد ما أأيد
والنعم 00 هذي التربية الحقة 00 بس عاد بعض البنات يحسبون أن طلوعهم بدون محرم شجاعة 00 بس عاد لوواحد تعرض لهم أو سوى لهم أختطاف ماأدري بيلجأون لمن 00
س / هل تؤيدين قيادة المرأة للسيارة ؟
لو كنا مثل بقية الدول من اول ما اوتعينا على دنيتنا نشوف الحريم يسوقوا كان عادي بس اللحين وفجأه لا ما أأيد احنا وبدون شي محنا شايخين على البنات والشباب اللي الله يهديهم مش ولا بد مو بعد يخلوا البنات يسوقوا كان المحترمه ما بتسلم والفلتانه بتاخذ راحتها اكثر مع اني اموووت بالسيايير وحركتاتهم واتمنى اسوق وعندي سياره بس هذا رايي
على وش أختي والله لوتسوقين وتشوفين كيف زعاطة بعض الصبيان وتهور بعض البدو بالدمام وشداجتهم بالسواقة كان تبطلي 00
س / هل أنتي ممن يطالبون بالمساواة بين الرجل والمراة ؟
الصراحه استغرب من المساواه اللي يطالب فيها البعض اني ماني شايفه حق مأكول عندنا حنا البنات دراسه وندرس شغل ونشتغل وشو بعد نطالب به زود اختلاط لا عاد هذا ما ظنه نوع من المساواه وكل جنس له افكاره واشغاله ومتطلبات معيشته والله وضع كل جنس بالمكان المناسب فمال داعي هالكلام وان كانوا مثل خواتنا الكويتيات يطالبوا بدخول المرأه مجال السياسه اقول لهم: خواتي المرأه قلب ضعيف وحساس وما تقدر على هالسواليف الدسمه هي ياهل يصيح ويقطع قلبها مو بتشوف حروب وبتحل نزاع ومدري وشو عشان تخرب الدنيا بعواطفها خخخ اسمحوا لي بس اني مثلكم ودرايه بالبنت وطريقة تفكيرها عاطفيه اكثر من عقلانيه وان كانت بتخوض تجربة السياسه مدري كيف بتصير اقسى واخشن وانوثتها الصراحه بتقل فبلا مساواه بلا بطيخ
أجل شوفي ردي على توتة بحرؤانية بشأن ده السؤا وهو ردي عليك أنتي كمان لأن مقارب لردك --
س / المرأة دائما ً هي سيدة الموقف فبيدها تستطيع أن تجعل زوجها أن يبقى دائماً بجانبها وأن لاينظر لغيرها وبيدها أن تهدم بيتها وتشرد زوجها ؟ كيف ؟
والله اذا عرفت وش يحب وويش يكره وكيف يفكر ومتى تفتح له مواضيع حساسه ومتى ماهو متضايق تدلعه وتواسيه وتدلله وتهتم بحالها زين مازين عيونه ما بتحيد عنها ولا درجه والله ماتحيد الا لأنه ساعتها هو زايغ عين غير كذا هي بتصير ملاكه واميرة قلبه ولا حد غيرها يملكه واذا صارت حنانة ونانة قراقه و بربر على الفاضي والمليان وتفكيرها سطحي وتهتم بفسافس الأمور وما تتناقش معاه بعمق عاد هذي ما ليها الا ياطولة البال وله اجر وثواب يا يصفقها بنعال خخخخ اقصد يشوف له غيرها تريحه ومعذور لو هدم بيته بسببها
طيب لوكل ده ماطمر فيه ولابين 00 وش تسوين تدبحينه ولا تدحشيه من فوق السطح ---
س / ماهو أفضل لباس للمرأة بحكم أننا في عصر التطور ؟
بين اهلها تلبس اللي تلبسه بشرط يغطي عورتها
وبرى الشارع اني ما امانع بالنقاب وبالكتف المحترم مو المبهرج ولا المخصر
حتي لوكان كتافي لونقاب بس مايكون مخصر وكل عورتها طالعة 000 واللي أستغرب له بعض الدبات دبات ويلبسون مخصر وش خلوا للرشيقات المايعات أجل 00 لابارك الله في الثنتين 00
س / وش بنظركم اللبس اللي تبيه أكثر البنات ورح يتوقفون عليه وأنتي عن نفسك ماذا تفضلين ؟؟؟ الصراحه احس البنات هالأيام يميلوا للحركتات والتبهرج وعلى قولتهم البنت مهما كانت تلبس وكيف ما كانت عبايتها المهم كيف تفكيرها واحترامها لنفسها بس ما ادري احس للمظهر دور بعد وهم حريين وحد يقدر يفرض راييه على احد
بس اني افضل انه نقاب وان مره مره كان مع الكتف الساتر مو غيره بلا فراشه بلا سمكه بلا زرافه وفيل خخخخ
الله يستر مايجي يوم ويرسمو البيبسي على عباياتهم كمان 00
عساني بس ما عورت الراس بالهدره وهذي ارائي وبكل صراحه
ودمت بحفظ الرحمن

بالعكس أختي حسيت بأريحية بردودك وكأنني قاعد أسولف مع وحد من أخواتي 000
بس أنا افضل أن نوصل للحجاب والعباية العادية لوكتافي أهم شي يكون حجاب بدون تطليع الشعر وبدو مكياج ---
ودمتي اختي وعساك عالقوة 0000