هلا وغلا أختي العزيز أم محمد --
أول شيء لأحب أبارك لك بالعيد والله يعيده عليك كل عام وأنتي بصحة وسعادة بين أسرتك الكريمة ووسط بلدك الطيب 00
أختي أم محمد عندي كم سؤال ممكن تجاوبي وبصراحة 00 أوكي 000
هلا فيك اخي دمعة المقهور
وكل عام وانت بالف خير
وعيدكم مبارك وايامكم سعيدة ان شاء الله
وان شاء الله اجاوبك بصراحة
س / ماذا تعني لك كلمة الحزن وكيف تتعاملين معها ؟
الحزن احاول قدر استطاعتي اني ما اخليها تأثر على حياتي اخذت حيز كبير من حياتي
وما راح اخليها تكمل عليها
س / وش رايك بالزواج المشترك بين السعودية والبحرين 00وبرايك وش سلبياته أن وجدت ووش أيجابياته بنظرك ؟
الزواج المشترك بين البحرين والسعودية موجود وبكثرة بعد وبعضه ناجح وبعضه لا
يعني حاله حال الزواج الي من نفس البلد
وما شاء الله الناس في الخليج قلوبهم على بعض ولا زالت رغم التطور والتغير الي صاير بس للحين الناس قلوبهم على بعض
بس بنسبة الي ما اقبل فيه
احب اكون وسط اهلي واحب اكون اول من يدري باي شي يصير لهم وان اكون اول وحدة واقفه يمهم والغربة تحد من هذا الشي
س / ماهو أكثر ثقلاً عليك فقدك لأمك لولأباك الله يطول بعمرهم ويرحمهم ؟
الصراحة فقد احد الوالدين صعب وثقيل
ومعزة الام والاب نفس الشي ما تختلف
بس يمكن لكون علاقتي بامي اكبر ولانها الحضن والعش لي راح يكون التاثر اكبر لفقدها
الله يطول في عمرهم
س / وش هي نظرتك لطفل فاقد أمه ولم يبلغ من العمر 6 أعوام ؟
الصراحة ضعيفة من هالناحية
اكثر شي ياثر فيني هي رؤية يتيم استسلم امامه
س / أنتي تربين أولادك على نظام الثواب والعقاب ؟
اكيد ومن صغرهم ابين لهم هذا حرام وليش وهذا حلال وليش
س / من هو المرجع اللي تقلدينه ؟
اقلد السيد محمد حسين فضل الله _ الله يحفظه ويطول في عمره
س / وش رايك بمن يستخفوا بالمرجعيات؟
مصابين بنقص عقل وجهاله
س / عندكم بالبحرين تعصب قبلي أي عائلي ؟
اعتقد انه ما في واذا كان موجود جدا قليل
على حسب معرفتي عادي ما في مشكلة بين الناس اهني
الغني ياخذ فقيرة والعكس
والشيعي ياخذ سنية موجود عندنا
هذا من عائلة معروفة ياخذ له بنت عائلتها بسيطة
هذه الحالات موجودة وبكثرة
س / وش رأيك بقيادة المرأة للسيارة ؟
اصبح ضروري ان المرءة تسوق في زماننا
بس للاسف الحين صاير البنت تسوق لحاجة ولغير حاجة وبعد الله يهديهم قامت تصير حركاتهم مثل الشباب من السياقة بسرعة والتفحيط وغيره
س / في ظل التطور والتمدن - ظهرت الكثير من العبايات والغطايات 00 أنتي عن نفسك تفضلين لبس معين يوصل له الناس ويتقيدوا به على طول ؟
اني افضل العباية العادية الي من غير زخارف ولا تقليعات هالي طالعة هالايام
اصلا شرعا ما يجوز يلبسون هالعبايات الافتة للنظر لانها تعتبر من لباس الشهرة
أنا أبي أعرف عناوين بعض الناس بالبحرين : صالح الدرازي 0حسين الأكرف0جاسم الدمستاني 0 فاضل البلادي 0 الشيخ الجمري 0 الشاعر طاهر الشهابي 0 عبدالله القرمزي 0 والفنان عبدالرحمن رفيع وأبراهيم بحر وعلي الغرير وجمعان الرويعي ؟
صالح الدرازي : من الدراز
فاضل البلادي : من البلاد القديم
الشيخ عبد الامير الجمري : من بني جمرة
ابراهيم بحر : من الرفاع
والباقي ما اعرف وين ساكنين بس ان شاء الله بحاول اسال لك
س / أنتي وش رايك بمسلسلات فرجان لول وحزاوي الدار مقارنة بالمسلسلات اللي يجيبونها هاليومين ؟
المسلسلات القديمة احليوة وتعجبني
والمسلسلات الجديدة فيها الحلو وفيها الي ما اوكي
والصراحة ما اتابع التلفزيون واجد
وعندي كم سؤال بس موحاضريني الحين 00 لي عودة وراح أسألك أياهم بعدين وأعدريني لوثقلت عليك 000 ودمتي بحفظ الله 00
وحياك الله خيو في اي وقت
وتحياتي لك
اختك ام محمد
المفضلات