مشكلة عندي في رسائل البريد

**أمل الظهور** · 10-20-2006, 07:20 AM

بسم الله الرحمن الرحيم

السيلام عليكم ورحمة الله وبركاته

أخواني واخواتي

مشرفي وأعضاء شبكة الناصرة الثقافيه

أرجو منكم مساعدتي في هذه المشكلة

من يومين و رسائل البريد اللي تجيني على الأيميل

ما توصلني باللغة العربيه

الصفحة الرئيسيه للرسائل عربي بس اذا فتحت الرساله تكون لغة الكتابه فليبينيه مدري يابانيه

تعبت من هالمشكله تجمعت عندي رسايل بس للأسف ما اقدر أفتحها

فأرجو من لديه حل أو معلومة عن هالموضوع يساعدني مشكورا

وجزاكم الله خير

ويعطيكم العافيه

أختـكم

أمل الظهور

**الزين يفرض نفسه** · 10-20-2006, 12:26 PM

me too
انه بعد اعاني من هالمشكلة
كل الرسايل تييني هلون
الي من المنتدى وغيره

**شبكة الناصرة** · 10-20-2006, 02:34 PM

السلام عليكم ورحمة الله وبركاته ...

خواتي في حل مؤقت .. الى حين اشوف لكم الحل الكامل ..

تفتحوا الرسالة .. وتضغطوا بزر الايمن ...

ترميز >>> بعدها العربية ( windows )

وبعدها بيتحول عربي ..

وكل رسالة تسونها كذا ..

وان شاء الله هالحل مفيد ..

كل المودة

**الزين يفرض نفسه** · 10-20-2006, 02:39 PM

ترميز اهو encoding مو
مشكووور اخوي
ريحتني في رسايل وايد ابي اشوفها

**شبكة الناصرة** · 10-20-2006, 03:44 PM

السلام عليكم ورحمة الله وبركاته ..

الحمد الله ضبطت معاك ..

وان شاء الله تضبط مع الاخت امل الظهور ..

بالتووفيق ..

كل المودة

**أمل الظهور** · 10-20-2006, 06:37 PM

السلام عليكم

مشكور أخوي والله ما قصرت الحمد لله ضبطت معاي

ويعطيك العافيه يااااااااااااارب وعساك على القوة

تقبل تحياتي أخــتك

أمل الظهور