00 !~¤§ على كيفك !! §¤~!00
علـى كيفـك إذا بتنهـي علاقتـنـا عـلـى كيـفـك
أنـا مـل الصبـر منـي .. وملـت كــل أعــذاري
أنا ما قمت أعرف الصـدق .. فـي طبعـك ولا زيفـك
تسـاوى كـل شـي عنـدي وحـارت فيـك أفكـاري
أصدق من .. ؟! كلام النـاس ؟ أو الكـذب وتصاريفـك
ترى قلبـي تعـب يـا صاحبـي وانكشفـت اسـراري
أنا أخلصت لك في الحب .. وقمت أشهرت لـي سيفـك
طعنت القلـب والإحسـاس .. وهـذا صـار مقـداري
تجاهلـت الغـلا بقلبـي .. ولهفـة شوفـي لـطيفـك
تناسيـت الـذي ضحـى .. وانـتـه عــارف وداري
علـى يـدّك تجرّعـت الشقـا والبـرد فـي صيـفـك
فـعـز الشـوق تصدمنـي وتسكـب مـاءك بـنـاري
بـرود العاطفـه طبـعـك .. ولا تشـمـل تعاريـفـك
وصال .. ولهفه .. وإحساس .. ولا لك في الهوى طاري
ألا يـا حيـف يـا ناسـي تقـدم قـهـوه لـضيـفـك
ولا حتـى تهلـي بـي ولا تسـأل عــن اخـبـاري
على كيفـك أنـا مليـت بحـورك .. بـرك .. وريفـك
مـعـاد أبغـا الوصـل منـك .. ولا باطالـب بثـاري
عسى ربـي يسهـل لـك .. وأنـا أنسـى تواصيفـك
مـع ان المستحيـل أنسـى غـرامٍ زيّـن اشـعـار
رد مع اقتباس
المفضلات