السلام عليكم ورحمة الله وبركاته
كيف حالكم يابنات
بصراحة في خاطري كلام وايييييد ودي اقوله
سمعتوا عن خبر التقديم للوظائف العليمية على بند محو الأمية ؟؟؟؟؟؟؟؟؟؟؟؟؟؟
التقديم لمدة ثلاثة أيام فقط ... والمكان : مكتب الأشراف التربوي بالدمام( التوجيه) .
المهم أخواتي ... حنا مجموعة بنات سمعنا الخبر ورحنا كاعادة نقدم ملفاتنا عسى تطلع لنا وظيفة

ولما وصلنا وش هالعالم دي تقول يوم المحشر !!!!!!!!!!!!!
وان كان على النظام فحجي بلا حرج ...
الموظفات يعين العقل عليهم ....
يوزعوا أرقام في البداية 200 رقم .... والبنات زحمة موت مقاتل على ذيك الأرقام ...
شوي الا خلصت الأرقام ..... وفي ساعة كاملة سجلوا 25 متقدمة ......... وش هالسرعة عليهم
المهم قامت الهوشات طبعاً من وساعة المكان وبرادة الجو كم وحدة أغمي عليها
بعدين صارت الموظفات تطلع البنات لبرا في الساحة يعني في الحر والشمش
ولما جت الساعة 11 الظهر فكروا أنهم يفتحوا المسرح للبنات وشوا هالنكتما فيه مخ من البداية كان تنفتح ياناس
أولا : جمعوا الملفات بشكل عشوائي .
ثانيا: اتفضلوا علينا وقمت وحدة من الموظفات تعدد على البنات الأماكن والمناطق الي فيها الوظائف حسب التخصص
كأنه مافيه ورق بالدنيا حتي يفكروا أنهم يلصقوا أعلان يوفر عليهم هالمجهود
صراحة قمة التفاني والعقل
ثالثاً : قموا بتوزيع استمارت التسجيل يعني الملف في وادي والأستمارة في وادي
كأنهم بعدين بتعبوا حالهم حتى يجمعوا الملف مع الأستمارة
نهاية الموضوع والزبدة .....
من ها التنظيم الي تاعبين عليه مبين 100% ان مجرد تمويه وبس ..
يعني أخرطي تعبة على الفاضي كالعادة
الله المعين
المهم الي عنده تعليق يتفضل ....
فضفضوا يابنات ترى الدنيا ما تسوى