سلاام
شخبارج خيتوو بيسان ؟؟ عساج طيبه ؟؟
انا راح اسألج واشوف لو كنتي بهالمواقف شبتسوين ..
اوكي .. يالله نبدأ
الموقف الأول: كنتي مسافره لوحدج والطائرة لخلل ما اضطرت تنزل بأقرب منطقة ..
وهذي المنطقة -لسوء الحظ- انتي ما تعرفين فيها ولا شي .. لا لغة ولا أماكن ولا أي شي ثاني
شنو راح يكون موقفج ؟؟ .. وشلون بتتصرفين ؟؟
الموقف الثاني: كنتي رايحه البحر وماخذه معاج ولد خالتج (ولنفترض عمره سنتين) وكان وقت الغروب ..
انتي وقفتي وبديتي تتأملين في البحر ومنظر الغروب الراائع ..
بدت الشمس شوي شوي تختفي .. ومره وحده ولد خالتج يسحب ثيابج ويقولج .. الشمس وين بتروح ؟؟ شراح تجاوبينه ؟؟
ولما أختفت الشمس مره وحده قام يصيح يبي الشمس ومو راضي يسكت .. شراح تسوين ؟؟ وشلون بتتصرفين معاه ؟؟
الموقف الثالث: (لنفترض ان عندج اخت وعندها ولد عمره سنة)
مره اضطرت اختج تخلي ولدها عندج لأن عندها مشوااار ضروري .. ويستغرق 5 ساعات
وولدها ما شاء الله شيطااااااااان وكله يعفس ويتحرك واايد (مزعج حده)
شلون بتتعاملين معاه طول هالمده ؟؟
تحبين اليهال او لا ؟؟ شكثر ممكن تستحملينهم ؟؟
الموقف الرابع: كنتي ماشيه بحال سبيلج في الشارع ومره وحده الا وااحد (ياهل) ماسك رجلج يصيح ويقول انج امه ولا راضي يتركج !! .. شراح تسوين ؟؟
الموقف الخامس: كان عندج ملف مهم جداً وسري وكان لازم توصلينه خلال ساعتين ..
اول ما جيتين بتطلعين من الدوام ياج تلفون ضروري وخلاج تتخربطين ما تعرفين شتسوين ..
وبسرعه قلتي لازم بالأول تجوفين موضوع التلفون وبعدها بيمديج توصلين الملف ..
ومع التوتر والسرعه ضيعتي الملف !!
شراح تسوين ؟؟ وشنو بتقولين للدوام ؟؟ (شلون بتتصرفين ؟؟)
<< مؤلفه :p
عالعموم .. يمكن .. لي عــــــوده ..
يسلموووو
المفضلات