اهلاً اخوي شبكة الناصرة
ومشكور والله على الاستضافه الحلوة اخوي
وماتقصر والله وانا راح اجاوبك على اسئلتك وانشالله اكفي ووفي
س1 هل تتقبل النقد وهل تقوم بإصلاح الأخطاء التي تُنتقد عليها ؟
اخوي النقد يتقبل بس في حلات من حالة مشكلة اشوف التنقدات عليها واذا هم على حق اصلحها ليش لا اما اذا كانت انتقادات ما تعجبني راح ارفضها وبشده
س2 إذكر لنا موقف ظريف حصل معاك ماتنساه وآخر حزين (أبعد الله عنك الحزن )وموقف محرج ؟
موقف ظريف كان مع 2 من اصحابي وانا معاهم كانوا يتمازحوا في المجلس في بيت صاحبي وقاموا يهرجوا وانا مسكت صاحبي اسمه حسن وقام صاحبي الثاني الي اسمه محمد يمزح مع الي ماسكنه انا المهم محمد اعطش وقال ابي ماي وقام حسن بيجيب ليه ماي لانه بيتهم طبعاً المهم التلفزيون الواير كان مجروح وملزقنه حسن علشان بنشاهد احنا يوم طلع حسن محمد رمى مخده حقة الكنب وصابتة الواير وفقع الواير لانه كان مشبوك بالكهرباء وعلى طول حسن خاف واتبهدل بدل مايشيل النص حق الواير من الكهرباء شال حق الريسيفر وطفى اليتات متبهدل مايدري واحنى عاد ماسكتنا من الضحك
موقف حزين يالله الله كريم هو كاتب كان في يوم الاحد قبل الاختبارات بسبوع كانت الوكاله بتشيل سيارت الوالد علشان بيودونهاالوكاله هذي خدمه حقت السيارة سمه التواصل وانا كنت نايم دق علي الوالد لانه بالعمل وقال لي قوم روح الى الونش بياخدوا سيارتي بيودوها الوكاله وجلست من النوم ورحت وكنت امشي الا الاشارة طافيه وما وقفت السيارة عندي لانه كان في رمل في الشارع وصدمت بسيارتي المكسيما وبدل مايشيلوا سيارة الوالد شالوا سيارتي وخسارة والله بعتها بنفس اليوم والى يومكم مانا قادر انساها
موقف محرج كان مع مدرس عطاني اوراق الاختبار وقال لي وزعهم المهم وزعتهم والاستاذ راح غرفة المدرسين ورجع المهم انا وزعتهم بقت 3 ورقات 1 اليي و2 مو من فصلنا المهم يوم رجع قال لي وين اوراق لاختبار قلت له وزعتهم انت قلت لي وزعهم المهم قام الاستاذ يهز قمت انا جلست مكانتي وحقرته وكان يسالني وانا ساكت يوم انتهت الحصة الرابعه ذخل علينا استاذ علم النفس ماشفت الاستاذ الي هزئني يقول اسمي الى استاذ علم النفس ويقول له ابوه يبيه في الادارة وابوي كان مسافر وقتها المهم قلت كيف ابوي يبغاني وابويي مسافر قمت رحت ليه طلع هوه الي يبيني قام يقول لي اسمح لي هزأت وانا ما كنت ادري اني قلت لك لاني شوي معصب وما مسكت نفسي معصب من حاجه وطاحة الحرة فيك واسمح لي والله مادري واذا تبي اعتذر لك قدام الطلاب انا حاظر قلت ليه لالا مايحتاج استاذ عادي كانك ابوي والى يومك الاستاذ اذا شافني يدكر السالفه وانا اقول ليها انساها عادي
س3 ماهي وجهة نظرك في شبكة الناصرة الثقافية ؟
بصراحة رووووووعه وكلمة روعه قليله عليها
س4 لو حكمت العالم ليوم واحد ( يوم فقط ) ،،، بربك ماذا ستفعل ؟
بصراحة اببني لي قصر في الصحراء لحالي بعد عن كل الناس وبجلس لحالي هناك وبقعد ادعي ربي ياخد روحي
س5 ما هو أوّل اسم لفت انتباهك في المنتدى ؟
بصراحة القمره لاني افتكرته اسم ماخدتنه بنت لان نسيبتي ما تستخدم الا ذا الاسم وطلعت نسيبتي صحيح لما قلت ليها انتين القمره الي بالمنتدى قالت لي ايه
واسف على الاطاله وانشالله اكون كفيت ووفيت
تحياتي
أمير العاشقين
المفضلات