أهازيج القرقيعان

[أمل الظهور]

بسم الله الرحمن الرحيم

السلام عليكم ورحمة الله وبركاته

أهازيج القرقيعان في بعض الدول

تفضلوا :

أحنا بالسعودية :
بيت مكة يوديكم
يوديكم لاهاليكم
سل سليلة الذهب والعيش عيش القارة
طارت ابه السحارة
عام عام يالصيام
جعلكم تصمونه
كله كله بالتمام
الله يخلي السيد اللي خلانا نعيد
ونتف خوخ ورمان

شسم وليدكـــــــــــــــــــــــــــــــــــــم

كبو الكيس على الكيس لما افلان ماجينا
ياربي تخليه لامه وجعل القبر مايضمة

قرقع قرقع قرقيعان
يام اقصير ورميضان
عطونا الله يعطيكم

ماتضمه الا امه
يكبر ويعطينا ينشر فساتينا
قاعد على البمبرة في يده سيف وخنجره

أهازيج القرقيعان في الكويت

قرقيعان و قرقيعان بين اقصير و رمضان

عادت عليكم صيام كل سنة وكل عام

يالله تخلي ولدهم يالله خلي لأمه يالله

عسى البقعة ما تخمه و لا توازي على أمه

أهازيج القرقيعان في الإمارات

إنطونه حق الله

يرضى عليكم الله

جدام بيتكم دله

عسى الفقر ما يدله

أهازيج القرقيعان في بعض دول الخليج

قرقع قريقيعان

عطونا الله يعطيكم

بيت مكة يوديكم

يا مكة يا معمورة

يا أم السلاسل و الذهب

عطونا من مال الله

يسلم لكم عبد الله

عطونا دحبة ميزان

يسلم لكم عزيزان

باب الكرم ما صكه

ولا حط له بوابة

أعتقد هذه قطرية .. هذه اللي يقولها نزار القطري في شريطه عصفورة

أهازيج القرقيعان في بعض دول الخليج الأخرى

عادت عليكم صيام

كل سنة وكل عام

ثم يشرعون بالدعاء إلى أهل البيت فرداً فرداً ، و يقولون :

الله يخلي راعي البيت آمين

الله يخلي ... آمين

و يذكرون أسماءهم ، فتخرج ربة البيت و تطلب منهم الإكثار من الدعاء قبل أن توزع عليهم الحلوى و المكسرات

و في العراق تُسمى هذه العادة بالماجينة ، و لهم اهزوجتهم الخاصة

أهزوجة الماجينة العراقية

ماجينه يا ماجينه

حل الكيس و انطينه

انطونه الله ينطيكم

بيت مكة يوديكم

و إذا طال عليهم الوقوف ولم يخرج إليهم صاحب الدار يصرخون بأعلى أصواتهم :

يا أهل السطوح

تنطونه لو نروح

ومشتهيه أقرقع :

وقرقع قرقع قرقيعان

يام اقصير ورميضان

عطونا الله يعطيكم

بيت مكه يوديكم

عن المطر والرعد

م,ن ,ق,و,ل

من عواده

تحياتي

امل الظهور

[شمعه تحترق]

يسلموووو يا أموله

الاهازيج روووعه تسلمي حبيبتي


مبارك عليكم المولد الشريف


وينعاد عليكم ونشوفكم كل عام بخير وصحه وسلامه يارب


في تحقيق منى وبلوغ المراد بفضل وعون ورضا من الله


وببركات أهل البيت (ع)


موفقين

[أمل الظهور]

مشكوره يالغلا شمعه على الحضور

والف حمد لله على سلامتك من الحادث وما تشوفين شر أن شاء الله

تسلميين من كل آه شموعتنا

يعطيك العافيه

ولا يحرمنا منك

[القلب المرح]

شكرا لك عالاهازيج
بارك الله فيك
اشوه قرقشونا صار احلو هههههه
تحياتي لك بالتوفيق..

[نور الشمس]

يعطيج العافيه ياامل الظهور

[نور الهدى]

الله يعطيك العافية امولة

والله يعوده علينا وعليكم بكل خير

تدرين ان في البحرين حتى النسوان الكبار يطلعون يقرقعون

ههههههههههههههههههههههههه

عجيب احنا نستحي وهم يطلعون

تحياتي لك اختي

ام محمد

[أمل الظهور]

مشكورين على التواجد وتسلمون على المرور جميعا

وكل عام وانتم بخير يارب

يعطيكم العافيه

[القلب_الحنون]

شكراً لك اختي الكريمه وربي يسعدك

[شبكة الناصرة]

السلام عليكم ورحمة الله وبركاته ..

يعطيك ربي الف عاافيه ...

وتسلم ايدينك خيتوو ..

وكل عام وانتي بخير ..

بنتظار جديدك ..

كل المودة

[كونــــــــان]

يعطيك العافية أمل الظهور

تحياتي zaherr

[hope]

مشكوووره على الطرح

يعطيش الله العاافية يارب

تحياتي
حور العين

[أمل الظهور]

تشكرون على التواجد والردود الحلوة

يعطيكم ألف عافيه ربي

[دمعة المقهور]

مشكورة أختي أمل الظهور على الموضوع -- وأنا متفائل بأسمك التفائلي وعسى الله يخلي أسمك ده نور لك بحياتك ويثبتك على حب آل البيت الأطهار ع 000
ومتباركة بالصيام وعساه ينعاد عليكي كل عام أختي 000

[أمل الظهور]

مشكور اخوي

وكل عام والجميع بخير

يعطيكم العافيه