(يا روحي ذوبي ذوبي)
يا روحي ذوبي ذوبي
كل همي من محبوبي
غربه وسهر خلاني
تاهت علي دروبي
***
آنا اللي على نياتي
واتعامل بكل طيبه
قلبي طفل خاف الله
تتفنن بتعذيبه
لاتصير مثل الدنيا
مصلحه وشك وغيبه
امشي عدل وياها
تمشي معي مقلوبي
***
تجربه ومنها تأذيت
ياروحي احاول انسى
كل ما اصبر هالروح
تقلي اريده هسى
بلبل يغرد مجروح
والغير يسمع وينسى
ماعندي غير الموال
والصبر على المكتوبي
***
ياروحي ذوبي ذوبي
كل همي من محبوبي
غربه وسهر خلاني
تاهت علي دروبي
رد مع اقتباس
المفضلات