[IMG]http://jdeed.***********/601354873.jpg[/IMG]
الغالي اللي صعب هجره ونسيانه
أغليه وأدري مثل ماأغليه يغليني
لويوم يزعل أشوف الدنيا زعلانه
ومن كثر حبه قبل ما أزعل يراضيني
كلما يسولف .. يقول الله سبحانه
رب ٍ زرع هالمحبه في شراييني
يقول : أرض الغلا لك حب ريانه
تثمر رياحين يازهرة بساتيني
وأقول يكفي ترى من جد خجلانه
حكيك حبيبي يخجلني ويبكني
يقول يابعد روح (فلان) وخلانه
ياليت تدرين مقدار الغلا فيني
ياليت .. ياليت بيدي ياأغلى إنسانه
أقطف نجوم السما لك ما تكفيني
ودي أكون الدفا لوكنتي بردانه
وبالصيف نسمات حلوه يانظر عيني
هذا الحبيب الذي له موووت شفقانه
في غيبته تهت وضاعت كل عناوني
دنياي جارت وحظي صك بيبانه
مات الفرح.. مات عمري.. ماتت سنيني
لويدري إني بغيابه وردة دبلانه
ماظن يرضيه شي بالكون يشقيني
الغايب اللي بقلبي بيته و أوطانه
وشلون لأيام حالت بينه وبيني .
بقلم شمعه
رد مع اقتباس
المفضلات