اللقاء الخامس مع المشرفه المتألقة بيسااان ..

[بيسان]

وعليكم السلام والرحمه
وانا ايضا اسعدني ذلك واسعدني توااجدك اكثر
لااخوي لاتهتم عااادي ان هنا للاجاابه ولتعرف عليّ ومستعده
لكل الاسئله ولكل الاعضاء..
لا وليهمك بجااوب عليهم كلهم ماادام انا سااحره :)


1/ ماهو شعورك وأنتي تحت دائرة الضوء في المنتدى ؟
شعور رائع لايوصف بجد فرحت من كل اعمااق قلبي
وبصرراحه اكثر انا احب ذا القسم واي لقااءيكون فيه
احب اكون من متاابعين اللقااء من البدايه الى النهااايه فمابالك الحين انا ؟؟!


2/ هل سبق لك وأن أحببتي وأن كنتي أحببتي هل هذا الحب الى الان وما رايك بالحب ؟
اخي وضح اكثر اذا كان قصدك من الجنس الاخر فلا واتوقع انت ادرى بالعادات والتقاليد انا اذا كان من نفس جنسي فنعم احببت . الحب شعوور جميل تعيشه يجعلك تطير من الواقع الى عالم من رومانسيه ..

2/ كل أبن أنثى وأن طالت سلامته يوماً على ألة حدباء محمول مقطع من قصيدة يقول فيها ان الانسان مهما كان سليم لا بد له وان يأتي يوم يحمل على النعش .. أخيه بما تردين على هذا البيت من حكمه او مثل ؟
فهمت قصدك بس موجااي شي في بالي..

3/ أمير العاشقين يقول " ويش حيلتك لامن تولعت بأنسان ودك تشوفه وأبعدته المقادير " ؟
اه وش نسوي اخوي هذا قدرنا وكل انساان ماايخذ الا نصيبه..وترى عندك تلفوون كلمه كل مااحسيت لنفسك انك محتااجه ..

4/ بحكم أنك متخرجه لو قدمتي النصف الثاني والله لا يقوله وماقبلوش ويش راح تسويي ؟
فال الله ولا فالك شنو هالدعوى خخخخخ لا ان شااء الله اتمنى في الفيصل اعدي الاختباار والمقابله واذا مااصار نصيب
مالنا الا الاكاديميه الدوليه ..


5/ ياختي يابيسان كل الشكر لك على الاجابه ..
ربي يعافيك ويعطيك دايم الدوم السعاده ..
أهديك هذا البيتين فماذا تهديني أنتي من أبيات ؟
ههههههههه تصدق اخوي بلشتني صدق مااعرف
بس

تسلم اخي العزيز على الاسئله الحلوه
وقولها من كل قلبي الله يوفقك دنيا واخره

6/ بصراحة وبدون مجامله كم مرة تقرأين كتاب الله في اليوم ؟

على حسب ووقتي عااده مره وحده في اليوووم ..

7/ أهلاً أختي فاتتك صلاه لانكي نائمه وجلستي المغرب وصليتي المغرب وجاء يوم ثاني ونسيت أمر الصلاه وذكرتك احد أصدقائك او أخوتك وانتي قلتي بأني صليتها بحكم انك نسيتي وفي الليل بديتي تشكي ماذا تفعلي في هالحاله ؟ وماذا تفعلين ألى من أخبرك ؟

بكل بسااطه اصلي لاني شكاكه ..واشكرها من اعمااق قلبي..
7/ أرى من حديثك أنكي تهوي أباك أكثر من أي شي أخر سؤالي هنا لنفرض بأنكي تشاجرتي مع أختك أو أخاك شجار عنيف وطبعاً أختك الغلطانه عليك وهي اكبر منك وغلطان ميه بالميه وأمك تدري بس تغطي على اختك الكبيره ..
ابوش جا وعرف بالسالفه وفهمها غلط فهم ان انتي الغلطان عقبها شرحتي ليه التفاصيل كلها ..
بعد هالتفاصيل تاكد انك بريئه ولكن بعد تأكده أصبح لا يكلمك فماذا تفعلين اذا أنتي منتي غلطانه وهو متاكد منتي غلطانه لاكن ما يكلمش بصراحة ؟
اخي بكل بساااطه مااراح احط نفسي بها الموقف لانه بكل بساطه انا الابنه الاكبر خخخخخخخ وحلوه دي تغطي ترى اني مااسكت عن حقي خااصه في البيت خخخخ

8/ صديقه عزيزة لديك أحبت أخاك وأخبرتك بأنها تحبه من كل قلبها وأخبرت هي أخااك بهذا الموضوع وأصبحا جسدين في قلب واحد ماذا تفعلين أذا أصبحت صديقتك تجي بيتكم عشان أخوك عشان بس اتشوف اخوك ؟
اخوي شفيك اخوي الا اصغر مني على طول في اول متوسط وعقله عقل جهاااااااااال عدل وثقيل دم كيف تحبه ها هههههههههه...

/ هل أنتي من من يأيد الحب ولماذا ؟
ايه لانه الحب يصنع اشياء كثيرا الحب يصنع الموده والوئاام والسعااده والاماان والطمئنينه وكل شي ........
10/ من قبل وضعتي عدة خواطر بأسم صاحبتك أما الان فلم أجد لك هذه الخواطر هل السبب صديقتك أم ماذا ياريت نقرا مثلهم ؟
اوه شكلك متاابع موااضيعي المهم صااحبتي الله يسلمك مااعندهم رقم تلفون بس هي عندها رقم تلفونا ومااقدر الحين اتواصل معها للاسف لانها مشغوله بالدرااسه والله كريم..
11/ سؤال حصل لي لاكن بشوف وجهة نظرك ..
صديق غالي لديك في يوم ما كنتي محتاجه اليه يعني كيف اسهل لش الامر لنفرض انش مثلاً مو بنت ولد وعندك سياره وكنتي داك اليوم بتودينها الوكاله تشيك السيرفر المهم اتصلت على صاحبك وصاحبك تعذر قال مشغول وبيروح البنك المهم رحت وديتها وخلصت وفي رجعت شفت صاحبك جالس ويا أصحابك طبعاً والبنك ما يفتح لانه كان فيه صيانه وتذكرتي انه في صيانه وبعدين مع المده عرفتي انه عين عمد ما حب يودك وكذب عليك بالرغم من انك تحملتي عنه حادث لانه معاك تامين وتامينك صلح سيارتك وسيارة المصدوم يعني جميل كبير ..
وعرفتي انه كذب ويش تسوي في هالحاله ..؟
اعطيه تهزيئه محترمه وبعدين اجلس معااه واتفهم واعرف ليش سوى لي كذا واحذره اني مااحب الكذب لاني من احد يكذب علي اشتعل وعصب وااقوله اذا بتتاسست علاقتنا على كذب مااراح اقبل واقوله لو قلت من البدايه الصج مااراح ازعل يمكن حتى تكبر في عيوني...
12/ بدون مجامله ولا شي مارأيك بنائب المشرف العام أمير العاشقين ؟
تااائب رائع وخفيف دم والله يوفقه دنيا واخره
13/ هل اثقلت عليك بالاسئله ام لا ؟
اكيد لا وخلك عند وعدك اني جاااهزه للاسئله..

وشكر لهذا التواجد الرائع والجميل الذي رسم الابتساامه على وجهي لك اخي كل الشكر والتقدير ..

تحيااتي لك الساااااااااحره بيسااااااااااان:)

[بيسان]

نور الكوووووووون

مشكوره خيتووو على التوواجد الحلو

والله يعطيك العاااااافيه

ماهو القسم الي مو عاجبك ونفسك تخليه افضل

هلا خيتوو في ذا الشي مو بس انا اقدر احكم حتى انتو

يمكن قسم الالعاااااب الجواال ودي في لعبه من زمااان مالعبت

ونفس الشي..

وبالتوفيق

[بيسان]

هلا وغلا بخيتوو بشااير

س1\وش تحبي تصير بالمستقبل <<<<عشان اغلق القسم هههههه

احب اكون مواطنه اخدم وطني وام وزوجه مطيعه ومؤاديه لواجبتها ولبيتها ومحافظه عليه..

س2\جدولك لشهررمضااااان

مااكو جدول عبااده نت نوم طبخ تلفزيون

س3\ من هم الاعضاء المميزة في المنتدى
مجمل الاخووووووان في المنتدى مميزين

س4\ لو كان عندش 3 ازهارلمن تهديها ؟
الاولى الى ابوي طبعا وثاانيا الى امي وثاالثه الى صااحبااتي كل ووحده ورررقه خخخخخخخخخ
س5\ما كتباك المفضل ؟
القرراان الكريم اما في المجاال الرويااات او الكتب بالمجمل فلا يوجد...

ومشكوووووووووره خيتووو

والله يعطيك العاااافيه

[بيسان]

أيلاف

بشااير

أمل الظهوور

ملاك

الاء

امير العااشقين


نور الكون

مشكورين من اعمااق قلبي على توواجدكم الحلو

والله يووفقكم دنيا وااخرى


ومشكورين على التفااااعل الراائع والكتير :(

وبالتوفيق

[نور الهدى]

السلام عليكم ورحمة الله وبركاته

قوة خيتو بيسونة شخبارك مع رمضان والصيام

صرتي مثلنا الحين بطاليه

هههههههههههههههههه
امزح بس احنا الله يساعدنا عندنا زيادة من المسئولية

الله يوفقك وتنقبلين وتكملين دراستك وتحققين احلامك كلها

حبيت اسال كم سؤال بس اذا ما عليج امر خيتو

ما هي مواصفات شريك المستقبل ؟

واي اهم عندك اذا جاك نصيبك تتزوجي لو تكملي دراستك ؟

وشنو اكثر شي يجذبك للقرأته ؟وما تقدرين تخلينه لين تقرأيه ؟وتكمليه بعد؟

بما انك الابنة الاولى ايش رايك في هذا الشي حلو ولا لا ؟

وشنو الي تحبي اتسويه وقت فراغك غير النت ؟

كثر الاسئلة مو

بس تحملينا اشوي

سلامي وتحياتي لك خيتو

اختك ام محمد

[أمير العاشقين]

أهلاً بك أخيه مره أخرى ..

ها هو كما وعدت لي رجعه وها انا راجع ..

خيه أستعدي للأسئله ..

بسم الله الرحمن الرحيم ..

1/ أمانه كم جزء ختمي من القران خلال ايا هذا الشهر الفضيل لحد الحين؟

2/ ما هي السورة التي ترتاحين لها بعدة سورة الكرسي لان سورة الكرسي الكل يرتاح لها أبي سورة ثانيه ؟

3/ لو أعطيتك وردتان
أحدها سوداء ..
والاخراى بيضاء
وقلت لك أختاري أين من الوردات تهدي هؤلاء ..
أمير العاشقين ..
شبكة الناصرة ..

4/أي عضو هو أقرب أليك ؟

5/ أي عضوة اقرب اليك ؟

6/ نحن في الشهر الفضيل أخيه وتعرفي الواحد يجوع وكذا المهم سؤال ..
في ناس تفطر وبعدين تصلي ..
وفي ناس تصلي بعدين تفطر..
في اي فتره تقضين صلاة المغرب أبعد الفطر أم قبل ..
أخيه أمانه تجاوبي الصراحه ؟

7/ أسم بنت تحبيه ؟

8/ أسم ولد تحبيه ؟

9/ نجي إلى الاسئله الطويله ..
سمي بالله ..
صديقه عزيزة وغاليه لديك ..
غابة لمدة أسبوع ..
المهم هذي الصديقه لنفرض انها أخذة ذفتر من عندك ..
ونقلة النوقص ..
في موضوع أخر موضوع من الذفتر لازم تعبره البنت من راسها المهم خيه انتين عبرتيه وهذا الموضوع عليه أختبار والدرجة المؤخودة سوف تحسب ..
صديقتش شاطره يعني معروفه بشطارتها وذكائها المهم ..
هي أخذت الذفتر حقش ومزقت الورقه لانها صابه ماي واختربت ولا قالت لك انها مزقتها عين عمد ..
وأنتين على نياتك رحتي المدرسه واخذتي الذفتر ما فتحتيه ..
موضوعك صار عند صديقتك وذفترك فاضي ..
المهم المعلم صلحت ذفترك وأخذتي صفر وصديقتك أخذة العلامه الكامله انتين شرحتي الموضوع للمعلمه ماصدقت واتهمتش انش تتبلي على صديقتش ويش اتسوي في هالحاله اذا كانت صديقتش ناكره السالفه ؟

10/ صديقه من أصدقائك ذهبت معاك إلى السوق واشترت اغراضها وخلصت ونفس الشي انتين ..
على قولتهم المونه طايحه بينك وبينها يعني اي شي تاخده ما ترجع وهم كذالك انتين ..
لنفرض أنك شريت قطعه وصديقتش قطعه قطعتش ب 350 وقطعة صديقتش ب350 المهم
عقب ما شريتوهم وخلصتوا نقصتش مثلاً انتين مبلغ بقيمة 150 وعطتك صديقتك بعد شهر نقص صديقتك 150وعندك 50 بس و 100 حق أبوش قال لش لاتخرجيها لو مهما كان لو ويش ايصير حذرش لانها هديه من عند صديق عزيز عليه ومسجل فيها كل شي اسم صاحبه وكل شي بس ابوش خلاها عندش تحافظي عليها ..
ويش اتسوي في هالحاله تعصي كلام أبوش وتخسريه الهديه لو ويش اتسوي ؟

11/ اي فريضه ترتاحي ليها يعني اي صلاة تحبيها اكثر الصبح لو الظهر لو العصر لو المغرب لو العشاء ؟ ادري كلهم تحبيهم بس اي وحده ترتاحي ليها اكثر ؟

12 أسف على الازعاج لان أرجو ما ضايقتش بالاسئله ؟

أتمنى لك قضاء وقت ممتع ..

أخـــــــــــااااااك ..
أمير العاشقين ..

[بيسان]

وعليكم السلام والرحمه


هلا الحمدلله عاايشين وانتِ وش اخبااارك؟؟

هههههههه وش نسوي بعد زي في وحده مثلي بس تصدقي كنت افكرك كبيره

بس طلعتي بنوووته

ايه صحيح عدنا مسؤؤليااااات تكسر الظهر


ياااااااارب من بوااك لبااب السمااء وانتي بعد ان شااااء الله

هلا خيتوو تفضلي مااعااش الا مااايجووب عليك..

ما هي مواصفات شريك المستقبل ؟

اممممم وسيم بالدرجة الاولى خخخخخ طيب قلب خلووق "متددين" ويقدس الحيااه الزوجيه..


واي اهم عندك اذا جاك نصيبك تتزوجي لو تكملي دراستك ؟
الاثنين خخخخخخخخ طمااعه
بس اذا كاان دااخل مزااااجي طبعا الزوااج..

وشنو اكثر شي يجذبك للقرأته ؟وما تقدرين تخلينه لين تقرأيه ؟وتكمليه بعد؟

رواااياات وخااصه اذا فيها جراائم خخخخخخخخخ

بما انك الابنة الاولى ايش رايك في هذا الشي حلو ولا لا ؟
شعور حلوو ورائع اقلها انتي الا تتامرين عليهم خخخخخخخخخ ومايرفضوون لك طلب ...


وشنو الي تحبي اتسويه وقت فراغك غير النت ؟
القرااءه والتلفووون ....


لا خيتووو حضوور جميل وراااقي

لكِ مني كل الحب والتقدير

اختكِ

بيسااان

[بيسان]

اهلا بك اخي اميررر

وانا ايضا عند وعدي سوف اجيب بدون ملل وبصدق ..

تفضل ..

بسم الله الرحمن الرحيم ..

1/ أمانه كم جزء ختمي من القران خلال ايا هذا الشهر الفضيل لحد الحين؟
بصراااحه جزء وشوي..

2/ ما هي السورة التي ترتاحين لها بعدة سورة الكرسي لان سورة الكرسي الكل يرتاح لها أبي سورة ثانيه ؟
كل سوور بدون ستثنااء..

3/ لو أعطيتك وردتان
أحدها سوداء ..
والاخراى بيضاء
وقلت لك أختاري أين من الوردات تهدي هؤلاء ..
أمير العاشقين ..
شبكة الناصرة ..
اه منك على ذا سووال الورده السوداء يمكن تكوون لك خخخخخخخ

امزح انتو مااسويتو لي شي بالعكس اهدي الورده البيضااء بالتسااوي بين الاخووين شبكة وامير..

4/أي عضو هو أقرب أليك ؟
بصررااحه وبدون مجامله الاخ انت
والاخ ^_^moon^_^ولد خالتي..

5/ أي عضوة اقرب اليك ؟
طبعا الاخت الامل كله..


6/ نحن في الشهر الفضيل أخيه وتعرفي الواحد يجوع وكذا المهم سؤال ..
في ناس تفطر وبعدين تصلي ..
وفي ناس تصلي بعدين تفطر..
في اي فتره تقضين صلاة المغرب أبعد الفطر أم قبل ..
أخيه أمانه تجاوبي الصراحه ؟
بصراااحه افطر بعدين اصلي خخخخ
لانه عندي اخو توه يصووم وياذينا..

7/ أسم بنت تحبيه ؟
بيساان ..ملاك..شووق

8/ أسم ولد تحبيه ؟
..محمد..

9/ نجي إلى الاسئله الطويله ..
سمي بالله ..
صديقه عزيزة وغاليه لديك ..
غابة لمدة أسبوع ..
المهم هذي الصديقه لنفرض انها أخذة ذفتر من عندك ..
ونقلة النوقص ..
في موضوع أخر موضوع من الذفتر لازم تعبره البنت من راسها المهم خيه انتين عبرتيه وهذا الموضوع عليه أختبار والدرجة المؤخودة سوف تحسب ..
صديقتش شاطره يعني معروفه بشطارتها وذكائها المهم ..
هي أخذت الذفتر حقش ومزقت الورقه لانها صابه ماي واختربت ولا قالت لك انها مزقتها عين عمد ..
وأنتين على نياتك رحتي المدرسه واخذتي الذفتر ما فتحتيه ..
موضوعك صار عند صديقتك وذفترك فاضي ..
المهم المعلمه صلحت دفترك وأخذتي صفر وصديقتك أخذة العلامه الكامله انتين شرحتي الموضوع للمعلمه ماصدقت واتهمتش انش تتبلي على صديقتش ويش اتسوي في هالحاله اذا كانت صديقتش ناكره السالفه ؟
كيف تكون صااحبتي وهي نااكره السالفه مستحيل ذي صااحبتي..
مره صاار لي موقف مشاابه ولكن هو
صااحبتي اخذه دفتري وفي اليوم الا بعده غاابت
طبعا اخذه تهزيه محترمه ولما قالت الى المعلمه مصدقتني المهم اليوم الا بعده لما قلت الى صااحبتي وقالت لي ليش ماجت وهي الا قالت بتروح الى المعلمه مو اني الا قالت ليها راحت وقالت ليها قالت المعلمه صدقتها وانتهت السالفه
بس اني للحين اكرها خخخخخخ..

10/ صديقه من أصدقائك ذهبت معاك إلى السوق واشترت اغراضها وخلصت ونفس الشي انتين ..
على قولتهم المونه طايحه بينك وبينها يعني اي شي تاخده ما ترجع وهم كذالك انتين ..
لنفرض أنك شريت قطعه وصديقتش قطعه قطعتش ب 350 وقطعة صديقتش ب350 المهم
عقب ما شريتوهم وخلصتوا نقصتش مثلاً انتين مبلغ بقيمة 150 وعطتك صديقتك بعد شهر نقص صديقتك 150وعندك 50 بس و 100 حق أبوش قال لش لاتخرجيها لو مهما كان لو ويش ايصير حذرش لانها هديه من عند صديق عزيز عليه ومسجل فيها كل شي اسم صاحبه وكل شي بس ابوش خلاها عندش تحافظي عليها ..
ويش اتسوي في هالحاله تعصي كلام أبوش وتخسريه الهديه لو ويش اتسوي ؟
مستحيل لانه ذا مو فلووسي عشاان عطيها وياها
هذي امانه عندي.. وبطقااق الا يطقها خخخ
بس ترى اني مااروح الا اي بناات خالتي او مع الواالد هو الا يدفع مو انا خخخخخخخخ..

11/ اي فريضه ترتاحي ليها يعني اي صلاة تحبيها اكثر الصبح لو الظهر لو العصر لو المغرب لو العشاء ؟ ادري كلهم تحبيهم بس اي وحده ترتاحي ليها اكثر ؟
امممم سووال صعب اتوقع المغرب..

12 أسف على الازعاج لان أرجو ما ضايقتش بالاسئله ؟
لا اخوي لاضااقت ولا شي بس يمكن اليوم مااليي خلق << الاخت مريضه ..

ومشكووور على الاسئله الطريفه

والله يعطيك العااااافيه

واذا في اسئله بعد انا جااهزه

وبالتوفيق..

تحياااتي..بيساااان

[القلب المرح]

السلام عليكم
س: اكرمنا الله بهذا الشهر الفضيل الذي انزل فيه القرآن الكريم ماذا تعني لك ليلة القدر وهل هي مهمه بالنسبه لك ؟
س: ماهي امنيتك في الحياة ؟
س: من هو الصديق الحقيقي وكيف تصفي لنا اصدقاؤك؟
س: ماهي ايامك هل تحمل الحزن واليأس ام تحمل الفرح والسرور ؟
اكتفي بهذا القدر من الاسئله
تحياتي لك بالتوفيق..

[w_alwaheed]

السلام عليكم وررحمة الله وبركاته اول شي اشكر الاخوان على المجهود الطيب واللقاء الجميل ثاني شي عندي كم سؤال للاخت بيسان ......................................1- من اجمل المواقف الي تعرضتي ليها اخت بيسان في حياتك ؟2- قصه مؤثره في حياتك عايشتيها ؟3- اجاز كبير عملتيه واستفاد منه الي من حووولك ؟

[أمير العاشقين]

أهلاً أختاه بيسان ..

سوف يتم أغلاق الموضوع بعد ردك على الاخوه ..

شكراً لطيبتك وتقبلك الاسئله برحابة صدر ..

اتمنى لكي طيب الاقامه في ربوع منتدى الناصرة ..
تحياااتي.. أمير العاشقين ..

[بيسان]

وعليكم السلام والرحمة

هلا وغلا بااخوي قلوووب

وينك منخش كل ذا نت المذاكره بس عاااد هالله هالله

وانشاءء الله يكوون حظك احسن منا ..

س: اكرمنا الله بهذا الشهر الفضيل الذي انزل فيه القرآن الكريم ماذا تعني لك ليلة القدر وهل هي مهمه بالنسبه لك ؟
ليله القدر تعني الكثير ليله غفران الذنووب والتقرب الى الله بالعمل الصالح والتوبه عن الخطا..
س: ماهي امنيتك في الحياة ؟
طموحي ان اكمل دراستي لاصل الى المجاستير ارفع رااااسي ابوي الغااااالي هدفي في الحياااه ان اعطي الحب والحنان لمن يحتااجه واتصف بصفاات سيدتنا فاطمة الزهراء عليها السلام وبااقي نسااء ال البيت عليهم السلام.
س: من هو الصديق الحقيقي وكيف تصفي لنا اصدقاؤك؟
الصديق وقت الضيق كثير من الامثاال تتحدث عن الاصدقااء
الصديق من يااتمن على اسرار وعيووب صديقه
لايخوونه لايكذب عليه بنصحه وو الكثير..

س: ماهي ايامك هل تحمل الحزن واليأس ام تحمل الفرح والسرور ؟
بصرااحه هالاياام كل حزن وهم لانه هذي القعده في البيت وماتسوي..
بس ماانكر انا اياام حلوه مره علي..

ومشكور اخووي على التوااجد

وبالتووفيق

[بيسان]

وعليكم السلام والرحمة
هلا بااخوي الوحيد
1- من اجمل المواقف الي تعرضتي ليها اخت بيسان في حياتك ؟

امممممممم يمكن اكثر موقف لما ولدت امي وجاااابتو خيتوو سوسوه
لاني كنت اتمنى يكون عندي خت بس لما كبرت قلت خلاص ماابي
ولما صاار عمري 16 سنة اول جابت مميتوو بي بي زي القمر وفرحت من كل قلبي...

2- قصه مؤثره في حياتك عايشتيها ؟
خخخخخخخخخ فتحت لجروح هو سخاافه بس اني بجد مستحيل انسى هالموقف
من معلمتي اخذه تهزيئه وانا ماسويت شي..

3- اجاز كبير عملتيه واستفاد منه الي من حووولك ؟
مااااااااادري

على العمووووم مشكووووووور اخوي الكريم على التوااااجد الحلو

والله يعطيك العااااافيه

وبالتوفيق

[بيسان]

[quote]
أهلاً أختاه بيسان ..

سوف يتم أغلاق الموضوع بعد ردك على الاخوه ..

شكراً لطيبتك وتقبلك الاسئله برحابة صدر ..

اتمنى لكي طيب الاقامه في ربوع منتدى الناصرة ..
تحياااتي.. أمير العاشقين ..
[/quote]

شكرا لك اخي الكريم على هذه الاستضاافه الحلوه

لقد استمتعتو كثير وان شااء الله كنت خفيفه ظل عليكم..

ويسلموو اخوويا شبكة وامير على الاختياار..

[أمير العاشقين]

أهلاً أختاه بيسان ..

شكراً لكي على هذه الضيافيه القصير ولنا لقاء اخر انشاء الله ..

يعطيك العافيه يارب ..

أمير العاشقين ..