صباح الأمنيات الحالمة.. والورد والمرمر
طيور القلب طارت لك .. وباقي في خفوقي طير
بيحضن حبك الخالد.. ويرعى بيتك الأخضر
من الغربة أنادي لك واناديلك .. واشوفك غير
أشوفك غير ما شفتك .. أشوفك أجمل وأكبر
وكل ما قلت اتغزّل .. يخون عيونك التعبير
أعوّد واعترف إني على التعبير ما أقدر
أحبك قد ما أحبك .. أحبك مالها تصوير
سوى انك ملكتيني وعشتي داخلي وأكثر
تعالي نترك الدنيا ورانا .. وآخذك ونطير
تعالي رجعيني لي.. وخليني أعود أسمر
تعالي من ورى شمسي .. تعالي نترك التبرير
شموخي واحتجاجاتي وصرخاتي .. بدت تصغر
أنا عاشق اذا جيتي .. وعاشق لو بدا تقصير
على كل حال انا عاشق .. وحبّك داخلي يكبر
نسيت أقول لك .. انك عناوين الفرح والخير
وذكرت أقول لك .. إني أحبك قد ماأقدر
رد مع اقتباس
المفضلات