انت ليه مش بتمسك ايدي واحنا ماشيين في الشارع؟؟؟؟؟؟؟؟ظظ
في مرحله الحب
أنت ليه مش بتمسك إيدي وإحنا ماشيين في الشارع؟
- لأ بلاش...افرضي حد من قرايبك شافنا؟ والا حد من أصحاب أخوكي في الكليه؟ ان
شاء الله يا حبيبتي بكره نتخطب امسك إيديكي ادام الدنيا كلها.
بعد الخطوبه
أنت ليه مش بتمسك إيدي وإحنا ماشيين في الشارع؟
- علشان مش عاوز حد يفتكر إننا علشان اتخطبنا هنصيع بقى ونعيش حياتنا...وبعدين
بصراحة كده أنا مستحرم...إن شاء الله بكره نتجوز وامسك إيدك وإنتي مراتي
حبيبتي في الحلال.
بعد الزواج
أنت ليه مش بتمسك إيدي وإحنا ماشيين في الشارع؟
يا حبيبتي إحنا مش مراهقين بقى هنمسك إيد بعض في الشارع وكده...إحنا اتنين
متجوزين ومحترمين وعندنا بيت نعمل فيه اللي عاوزين نعمله.
بعد فتره من الزواج
أنت ليه مش بتمسك إيدي وإحنا ماشيين في الشارع؟
- يعني امسك إيدك والا امسك إيد البنت والا اشيل الأكياس دي كلها؟
بعد مرور 10 سنوات
أنت ليه مش بتمسك إيدي وإحنا ماشيين في الشارع؟
- إيدك إيه بس اللي هامسكها دلوقتي! إنتي عاوزه جوز بنتك يقول علينا كبرنا
وخرفنا؟
رد مع اقتباس
المفضلات