كيف تقهرين أخوك ..... (للبنات فقط)**

[نور الحوراء]

السلام عليكم ورحمة الله وبركاتــه

عندي دروس خطيره لا تفوتكم يا بنات .. شوفو اللي مقهوره, واللي تبي تنتقم , واللي تبي ترفع ضغط اخوها تتبع

هالخطوات والله يقويكم......

*** عند التلفزيون ***

لا صارت فيه مباراه , والاخ متحمس اقطعي هالحماس وشلون؟!
انا اقولك ..

شوفي اذا صار مبقق عويناته وماهو يم احد يعني لو تجيبين صاروخ تفجرينه قدامه مالتفت لك اعرفي انه منسجم ,

هنا بس تقومين بشغلك.. وتسوين نفسك بنت سنعه

وروحي جيبي قطعة قماش وبخاخ للتنظيف واوقفي عند التلفزيون وامسحي الشاشه ولا تعطينه فرصه يشوف زين ,

لا قال: ابعدي. قولي مانيب فاضيتلك بنظف وامسح ، وبعدين روحي جيبي المكنسه واكنسي المكان اللي هو فيه وحاولي من لحظه للحظه تكنسين قدام التلفزيون وغطي عليه.. ولا يهمك احد..

واذا قال: ابعدي لااصقعك على وجهك بالكاس قولي معصي بيجون ضيوف . . العبي عليه حتى لو مو جايكم احد , والا سوي نفسك جالسه وتذكرتي ان الكيك بالفرن احترق ناقزي لين توصلين للفيش وامصعيه برجولك ولا تلتفتين وراكِ..


*** عند النوم ***

لا صار التمساح يشخر.. نكدي عليه نومه وشلون؟! دخلي عليه بزارينكم على بزارين جيرانكم وصكي الباب عليهم وخليهم يلعبون بغرفته ويناقزون على راسه .. تخبرين اطفالنا احباب الله خخخخخخخ

والا تعالي وهو في سابع نومه وارجفيه ذيك الرجفه اللي يفز مايدري عن نفسه الا وهو جالس وبكل برود قوليله نبي نخرج ..


*** اذا المزاج صفر ***

اذا شفتيه ماله خلق ومو رايق ومقفله معه لا تخافين بالعكس هذي فرصتك تنتقمين منه يعني تحرشي فيه خلي دمك ثقيييييييييل بالمزح

بس انتبهي في هاللحظه راقبي حركات يده لان ممكن يصك أي شيء قدامه بوجهك ولازم تصيرين مجهزه مفتاح الغرفه.. ماتدرين السالفه يا غالب يا مغلوب خخخخخخخخ

المهم.. اضحكي على شكله والا على جلسته والا على لبسه .. هو بيقول ترى مانيب رايق اذلفي عني , انتي لا تسكتين قوليله واذا ماذلفت وجهي وش بيصير

عاد هو بيقوم ويوريك وش بيصير على سنع انتي في هالوقت اقضبي اول درجتين توصلك لغرفتك وطلي عليه من فوق وقوليله ههههههههههههاااااي اهم شيء رفعت ضغطك وقومتك من جلستك



عادي .. عادي ولا صرتي بزر وش فيها اهم شيء تحقيق الغايه اللي هي (( تفجير الامبير )) واهم شي بعد الاخلاق لاهنتي سحليتي خخخخخخخ

*** وقت الطقاق ***

لا جاء يوم وبراسك حرش وتبين تطاققين انتي والتمساح لازم تجهزين نفسك من كل ناحيه:

1/ اللبس: لازم تلبسين ترنك خخخخخخخخخ علشان يسهل الركض


2/ الشوشه لازم تلمينها وتسوين حفله براسك ذاك اليوم تحطين انواع الشباصات والمغاطات وانتبهي ولا خصله تنزل منك,

وياليت يكون ذاك اليوم حاطه براسك حناء علشان مايتجرأ ويلمس شعرك <==== ابن أمه يجيب مثل هالتفكير

3/ مفتاح الغرفه ولميه الاحتياط واجب

اذا بدت المعركه حطي راسك براسه ولا تبينين له انك خايفه وبققي عويناتك فيه وقوليله وش براسك عاد هو هنا بيقولك هذا اللي براسي طراااااااااااخ الا ومخمس مصفي طبلونه ,

لا تستسلمين عطيه بوكككككككس على عيونه الثنتين علشان مايشوف الدرب وحطي رجلك
.
وعلى طووووووووول لغرفتك اللي مجهزة مفتاحها من قبل واقفلي عليك .. ويادار مادخلك شر بس نصيحه اقعدي يومين لايشوفك ولا تشوفينه لانه يبي ينتقم لكرامته وبيوريك النجوم في القايله ..




شرايكم في الموضوع ابي الردود
منقول

[عبير الزهراء]

ههههههههههههه
والله فكرة.... نجربها ههههههه
تسلمين اختي نور الحوراء
وفقكم الله

[w_alwaheed]

ناويه على البنات ينضربو انتي

الله يسامحك

تعرفي لصبيان ايدهم طايشه

[آخر شقآوهـ ..~]

الله والله فكره عدله
يبغى لينا نسويها بس اياديهم ثقيله ادا ضربو
لاكن بسويها وعناد
ومشكوره خيتو
يعطيكِ ربي العافيه
بانتظار جديدكِ
تحياتي..
ضحكووه

[همس المشااعر]

هههههههههههههههههههههههههههههه خوش فكره بنجربها بس بنحكل وراها بقوص ورفسات من عدهم هههههههههه
تسلمي خيتو نور على الطرح الحلو
ربي يعطيك الف عافية
بنتظار جديدك
تحياتي
همس المشااعر

[نور الولاية]

احسنتم على النقل الرائع
فلا تحرمونا نور شمعتكم ..موضوع حلو
ربي يعطيكم العافيه .. ولا عدمناااااااكم..

[نور الحوراء]

مشكورين على المرور
همسوه وضحكوة اذا جربتوها قولولي شنهو النتائج
هههههههههههههههههههههههههه

[أمل الظهور]

مشكوره خيتو نور على التجارب

اجل بنات المنتدى لو طبقوا الانتقام

بيغيبون عن المنتدى اسبوع وعن المدارس بعد

الله يكون بالعون

تسلمييين

[أمير العاشقين]

هههههه مشاء اللله لا وتعرفوا ويش بيصير ليكم ..

يعني انجهز لبقوص والرفسات ..

الله يستر بس هههههههههه ..

الله يعينكم علينا بتروحوا فيها ..

خوب ضرباتنا والقبر ..

الي ناويه على نفسها تجرب هالطرق ..

يعطيك العافيه ..

أمير العاشقين ..

[أمل الظهور]

اخوي امير العاشقين

اسمحلي بالتدخل

الله يكون بعون اختك اذا كانت معانا في المنتدى وطبقت النظريه

مشكوره خيتو على الموضوع مره ثانيه

[دمعه حزن]

هههههههههههههههههه

حشى مو اخوان .. وحوش دام ضربه والقبر ..

ألف شكر لك خيووه ع هالمشاركة الطيبه ..

الله يعطيك ألف صحه وعافيه ..

ما نحرم منكم ..

تحياتي
دمعه حزن

[zuzu]

ههههههههههههههههههههه مشكورة اختي الموضوع اعجبني بس عاد اني عندي اخ صغير حرام اسوي في كذا واريد اكول لامير العاشقين الله اعين اختك, مع تحيات

[آخر شقآوهـ ..~]

هلا فيكِ خيتوو مره اخرى..
تبي تعرفي النتيجه
والله مافاد الحقران يقطع المصران
بس بعدين سويتها في اخوي الصغير وعدل عصب على حده
خخخ
مشكوره مره ثانيه..
تحياتي...
ضحكووه

[دمعة الاحزان]

ههههههههههههههههههههههههههههه
حرام عليك تبغينا نسوي كده ماتعرفين انه ضربهم والقبر
اي والله ضربه منهم طبله الاذن تدورين عليها ماتشوفينها
وامل لو سويناها مو بس اسبوع بنغيب الا قولي اسبوعين بس انا مستعده اغيب عن الكليه بس المنتدى نووووة
وامير زي ماقال الكل الله يعين اختك عليك اسفه اوكي بس امزح
يسلموووووووووو على النصائح الحلوةةةةة بس ماراح اجربها
لان اخواني اكبار والله يعيني عليهم لو اعاندهم واخوي الصغير تعرفي
شنو بسوي لما اعانده بيجلس يطالع في ويضحك علي ويقولي تباعدي انا بشاهد يوغي
بس بلهجه حلووة وهو يقولها وبعدين انا استحي على وجهي واروح عنه
ربي يعطيك العافيه
دمعة الاحزان

[.:روح وريحان:.]

ههههههههههههههه
ماعندش انتقام عشان ماقوم من على النت
اني لو اسوي في اخوتي جديه من اول خطوة نعال فوق راسي