ما سكات طبيعيه لبشرتك

[أمل الظهور]

بسم الله الرحمن الرحيم

السلام عليكم ورحمة الله وبركاته

طبعا كلنا بنعمل ماسكات وساعات بنعمل ماسكات مش ملائمة لبشرتنا انا جايبلكم شوية ماسكات لانواع البشرة المختلفة وكمان فية شوية نصائح ممكن تعمليها قبل ما تحطى الماسك على بشرتك ...................

النصائح هى :::::

1. وإنتِ بتحطي الماسك مش محتاجة حد يقول لك إنك تحطي المسك على وجهك مع تجنب المنطقة اللي حول العينين والفم، وطبعا اوعي تنسي تحطيه على الرقبة من الأمام والخلف.

2- كمان اوعي تنسي إنك تنضفي بشرتك كويس قبل وضع الماسك، وده بيكون بإنك تغسلي وشك بالماء والصابون، بس خلّي بالك إن الصابون ده يكون بيناسب نوع بشرتك.

3- فيه حاجة حلوة كمان ممكن تعمليها، وهي إنك تبلي فوطة بماء ساخن وتحطيها على وجهك شوية لمدة 5 دقائق قبل ما تحطي الماسك.

ودي فايدتها إنها بتخلي مسام البشرة متفتحة وبالتالي تكون البشرة قادرة على إنها تتقبل الماسك اللي إنت هتعمليه بسهولة.

ودلوقتى نشوف ماسكات البشرة الدهنية ................

وطبعا زي ما إنت عارفة إن البشرة الدهنية محتاجة عناية خاصة وده لإنها بتتميز بحساسيتها الشديدة..

علشان كده بنلاقي إن أنسب أنواع الماسكات اللي تنسابها هي الماسكات دي.

ماسك الطماطم

وطبعا مفيش بيت مافيهوش طماطم، وهتسأليني وتقولي ليه الطماطم بالذات؟ هاقول ليك علشان الطماطم بتتميز بمفعولها القابض للبشرة. وبكده يمكن الاعتماد عليها في تضييق مسام الوجه.

المكونات:
ثمره طماطم.
قشر نصف ليمونة.
عصير ليمون.

الطريقة :
اهرسي ثمرة الطماطم وضيفي إليها بشر قشر الليمون وعصير الليمون.
وبعد كده حطي الماسك على وشك لمدة ربع ساعة، ثم اشطفي وشك بعد كده بالماء الفاتر.

ماسك الردة

المكونات:
ردة.
ماء ورد.

الطريقة:
ضيفي ماء الورد إلى الردة لغاية لما تلاقيها أصبحت على شكل عجينة لينة.. حطيها على وشك ورقبتك لمدة ربع ساعة.

بعد مرور ربع ساعة افركي هذا الخليط من على وشك بس خلّي بالك إن عملية الفرك دي تكون بلطف.

وميزة القناع ده إنه بيقضى على الخلايا الدهنية الميتة وبيعمل على إزالة الدهون الزائدة من على البشرة، وكمان بيكون له تأثير واضح في إزالة التهابات البشرة وتلطيفها.

ده بالإضافة إلى أن ماء الورد بيضفي على البشرة انتعاش وتلطيف ورائحة جميلة قوى.. أكيد لما تجربيه هتشعري بده.

ماسك شرائح الخيار

وده بيعتبر من أسهل أنواع الماسكات وهو عبارة عن إنك تقطعي شرائح الخيار وتغطي بيها وجهك لمدة ربع ساعة، وبعد كده شيليها واغسلي وجهك بالماء الدافئ اللي مضاف إليه ماء الورد وهتشوفي النتيجة بنفسك.

ماسك الخميرة

المكونات:
خميرة بيرة (هتجيبيها من عند أي فرن أو حلواني).
ماء ورد.

الطريقة:
اخلطي الخميرة البيرة مع ماء الورد، بس خلّي بالك إنك تحصلي على قوام غليظ يشبه العجينة، وادهني بيها وشك ورقبتك على الأقل لمدة ربع ساعة.

وبعد كده اشطفي وشك بالماء الدافئ كذا مرة لغاية ما تتأكدي إنه مافيش أي أثر للخميرة على وشك..

بس كده دي كانت مجموعة من الماسكات اللي تناسب البشرة الدهنية، جربيها وابعتي لنا النتيجة، ولو كنتِ عارفة أنواع أخرى ابعتي وقولي لينا عليها.

ودلوقتى بقى حانتكلم على ماسكات للبشرة الجافة واختارى الماسك اللى تحبية ...........

ماسك زيت الزيتون بالبيض

المكونات:
صفار بيضة.
ملعقتان زيت زيتون.
ملعقة دقيق.
ملعقتان لبن طازج.

الطريقة:
اخلطي المكونات دي كلها مع بعضها، وبعد كده حطيها على وشك وسيبيها لمدة ربع ساعة، وبعد كده اغسلي وشك بالماء الدافئ كذا مرة وهتشوفي النتيجة.

ماسك عسل النحل بالخميرة

المكونات:
ملعقة عسل نحل.
ملعقة حليب طازج.
خميرة بيرة.

الطريقة:
اخلطي المكونات السابقة مع بعضها البعض، وبعد كده ضعي الخليط على وشك باستخدام فرشاة، وبعد كده سيبيه على وشك لمدة ربع ساعة، ثم اغسلي وشك بالماء الدافئ أكتر من مرة لغاية ما تلاقي إن الماسك مابقاش له أي أثر على وشك.

وعلى فكرة الماسك ده غير إنه بيفيد البشرة قوي، فهو كمان بيمدها بفيتامين "ب"؛ علشان كده بنلاقي إن كل بيوت التجميل بتستخدمه.

ماسك الكمثرى

المكونات:
ربع ثمرة كمثرى.
بياض بيضة.
نصف ملعقة عسل.

الطريقة:
افرمي الكمثرى جيدا وضيفي إليها خليط من العسل والبيض وامزجي كل المكونات دي مع بعضها وحطيها على وشك لمدة ربع ساعة، ثم اشطفي وشك بالماء الفاتر.

بس كده دي كانت مجموعة الماسكات اللي تفيد البشرة الجافة جربيها وابعتي لينا وقولي لينا على النتيجة، وكمان لو عندك وصفة ياريت إنك تبعتيها لينا.

ودلوقتى حانقول ماسكات للبشرة العادية ....................

ماسك الموز بالطماطم

المكونات:
نصف كوب زبادي.
ثمرة موز.
ثمرة طماطم.
عصير نصف ليمونة.

الطريقة:
تخلط هذه المكونات مع بعضها، وبعد كده تحطيها على وشك لمدة ربع ساعة، ثم تغسلي وشك بالماء الدافئ وهتشوفي النتيجة.

ماسك الخيار بعسل النحل

المكونات:
خيارة.
عسل نحل.

الطريقة:
اهرسي الخيارة جيدا في الخلاط وحطي عليها ملعقتين من عسل نحل واخلطيهم جيدا مع بعض، ثم حطي الماسك على وشك لمدة ربع ساعة، ثم اغسلي وشك بالماء الدافئ.

قناع الرده بالبيض

المكونات:
بيضة.
نصف ملعقة صغيرة عصير ليمون.
ملعقتان كبيرتان من الدقيق.

الطريقة:
اخلطي المكونات كلها مع بعضها لغاية ما تبقى على شكل عجينة، وبعد كده حطيها على وشك لمدة ربع ساعة وبعد كده اغسلي وشك بالماء الدافئ.

ماسك الزبادي والبيض

المكونات:
بياض بيضة واحدة.
4 ملاعق كبيرة زبادي.

الطريقة:
اخلطي بياض البيضة مع الزبادي، وبعدين اتركيه على وشك لمدة ربع ساعة، ثم اغسلي وشك بماء دافئ.

ممكن بعد كده إنك تمشِّي قطعة مبللة من المية الباردة على وشك، وعلى فكرة الماسك ده بيغذى البشرة قوي.

حنتكلم بقى عن البشرة الحساسة ..............

من اسمها كده يبقى بتتميز بحساسيتها الشديدة علشان كده نلاقي إن أنسب أنواع الماسكات اللي بتناسبها هي الماسكات دي، بس خلي بالك إن مدة الماسك على بشرتك لا تزيد عن عشر دقائق فقط، لأن البشرة دي مش محتاجة أكتر من كده، وكمان مش بتستحمل أكتر من كده.

ماسك الدقيق

المكونات:
ملعقة كبيرة من الدقيق.
4 ملاعق كبيرة من ماء الورد.

الطريقة:
يتم خلط المكونات السابقة مع بعضها لغاية ما يكون على شكل عجينة لينة جدا توضع على الوجه والرقبة لمدة 10 دقائق، ثم تزال بقطعة قطن مبللة بماء الورد، ثم يغسل الوجه بالماء الفاتر.

ماسك عسل النحل الخالص

المكونات:
5 ملاعق كبيرة من عسل النحل.

الطريقة:
مفيش أسهل من دي طريقة، وهي إنك تدهني وشك بالعسل النحل وتسيبيه على وشك لمدة 10 دقائق، وبعد كده تدلكي وجهك بأطراف أصابعك المبللة بعسل النحل، وتستمري في التدليك لمدة 3 دقائق، ويا سلام بقى على الانتعاش اللي هتحصلي عليه وإنت بتمرري قطعة من القطن مبللة بماء الورد. وبعد كده تغسلي وشك بالماء الفاتر.

ماسك الجليسرين

المكونات:
2 ثمرة خيار.
جلسرين.
ملعقة دقيق كبيرة.

الطريقة:
اضربي الخيار في الخلاط، وبعد ما تضربيه ضيفي إليه كمية من الجلسرين مساوية لكمية عصير الخيار اللي عندك، وضيفي إليه ملعقة الدقيق.
بعد ما تجهزي الخليط ويكون بقى على شكل عجينة لينة حطيه على وشك وسيبيه لمدة 10 دقائق.
بعد مرور 10دقائق مرري قطعة مبللة بماء الورد على وشك وبعد كده اغسلي وشك بالماء الفاتر، وهتشوفي النتيجة.

وحاقولكم بقى شوية ماسكات للبشرة المختلطة ................

البشرة المختلطة بتجمع بين البشرة الجافة والدهنية وعلشان كده فأنسب أنواع الماسكات للبشرة هي دي..وبيسموها تي لأنها من فوق الوش تبقى جافه
ومن جهة الأنف تبقى دهنيه
ماسك الجزر

المكونات:
½ جزرة متوسطة الحجم.
¼ ملعقة عسل نحل.

الطريقة:
قطعي نصف الجزرة شرائح واعصريها وصفيها، وبعد ما تحصلي على هذا العصير ضيفي إليه العسل واخلطي هذا الخليط، وادهني بيه وشك لمدة ربع ساعة، وبعد كده اغسلي وشك بالماء الدافئ.

والماسك ده مش بيرطب البشرة وبس، لا ده كمان بيغذي البشرة بفيتامين أ.

ماسك الورد

المكونات:
ورد ناشف.
عسل نحل.

الطريقة:
اطحني الورد واخلطيه بالعسل وحطيه على وشك ورقبتك لمدة نصف ساعة.

أن شاء الله بيعجبونكم الواصفات مدري والله السوريه ولا المصريه

تحياتي لكم

منقوووووول

[شمعه تحترق]

يعطيك العافيه خيوووه أمل

بصراحه كفيتي ووفيتي

وباللهجه المصريه ههههه
ألف شكر

[شبكة الناصرة]

السلام عليكم ورحمة الله وبركاته ..

تسلمين خيتوو على هالموضوع ...

يعطيك ربي الف عاافيه ..

بنتظاار جديدك ؟.؟

كل المودة

[الليل الأليل]

بسم الله الرحمن الرحيم
اللهم صلي على محمد وآل محمد
سلمت اناملك أمل الظهور على الماسكات
المفيده للبشره ننتظر منك المزيد.

الليل الأليل

[فرح]

خيتوووو امووووله
يعطيك ربي العافيه
وتسلمي ع نقل المعلووووومات
فـــــــــــــــــررررح

[نور الهدى]

مشكورة خيتو والله يعطيك العافية

تسلمين على الماسكات

تحياتي لك

ام محمد

[أمل الظهور]

شكرا لكم على مروركم الحلوووو

شمعة تحترق ،شبكة الناصرة ،الليل الاليل ،فرح ، أم محمد

تسلمووون

ربي لا يحرمنا منك

[ملكة سبأ]

مجهود طيب تشكري عليه ياااااااا اموله

[أمل الظهور]

مشكوره ملوكة

على طلتك الحلوة

تسلمين يااارب

[.:روح وريحان:.]

يسلمو خيتو
بس اول مرة اسمع بهم بس الخيار سمعت به

[أمل الظهور]

هلا بيك خيتو بشاير

يلا تعلمتي طرق جديده

الله لا يحرمنا منك

[براءة روح]

يسلمو حبيبتي ع الطرح الرائع والمفيد ...

ربي يعطيكِ الف عاافيه ...

لا عدمنا جديدكِ وحسن أختياركِ.....

بأنتظار جديدكِ دوووماً..

دممتي بوود ..... براءة روح

[أمل الظهور]

مشكوره على المرور خيتو

تسلميين يااارب