دمعة حزن .. أشكرش خيه ع النقاش وزي ماقلتي على كل بنت ان تصون نفسها ..
لان اذا هي ما خافت وصانت نفسها لا تتوقع من اي شاب ان بيخاف عليها ويصونها ..
وكل واحد مسئول عن نفسه .. سواء بنت والله شاب .. وهي ماتدري بكره وش بيقول عنها بحكمها هي بنت وسمعتها فوق كل شي ..

القلب المرح .. مشكور اخوي ع النقاش انت قلت ان البعض غرضهم الأصطياد وهذي اخطر شي بإمكانه يلعب عليها وهي اتروح فيها بعدين والبعض الحب يتحول الى زواج والزواج بعده يتحول الى مشاكل اكثرهم بهذي الطريقه لأن بكره بعد الزواج كل شي يتغير وعلى قولته ان الشاب عاطفي فالبنت اخوي عاطفتها اكثر من الشاب تتأثر اكثر منه وخاصه إذا بعد قال اليها كلام حلو ومعسول خلاص وش تبغى من البنت وإذا كانت حساسه في هالأشياء خلاص راحت فيها وبكره لو ادري ما سويت هذا الشي ولو ادري ما كلمتها بكره لو وياليت ماتنفع صار الشي وانتهى لو كان بعلم اهلها اهون الشي راح يكون لأن لو صار اي شي بكره هم يدروا وسمحوا اليها بهذا الشي .

شجون آل البيت .. مشكوره خيه ع النقاش والرأي السليم وصحيح البنت مثل عود الكبريت إذا احترق احترقت هي لأن خلاص كل شي ضاع منها .

أم محمد .. مشكوره خيه ع النقاش وهذا ابليس زي ماقلتي موجود وين ما انروح حتى في صلاتنا ويانا وش حال في هالموقف اكيد ميه بالميه موجود مانشك في الشي وكل واحد يغلط بس يحاول يصحح غلطه من اللي يسمعه كل يوم بس وين اللي يفهم.

عبير الزهراء .. مشكوره خيه ع النقاش هالأيام منتشره مو بس بشكل غريب الا اغرب من الغريب وهم على قولتهم حب بس ما يندرا خيه هالحب وين بيوصلهم بعدين وزي ماقلتي رقابة الأهل المفروض ان الوالدين يراقبوا البنت مو بس البنت حتى الولد حتى يقدروا يلحقوا عليهم قبل لا يوقع الفاس بالراس ما اقول المراقبه يجي ويقول اليها انا باراقبش او باخزن محادثاتش اني في نظري ان الوالدين عادي لو كانت البنت جالسه ع النت وجت الأم أو الأب وجلسواوياها بس البنت او الولد بيقول ليش جاين اكيد شاكين فيي لا المسأله مو شك المسأله خوف من الوالدين على اولادهم.

زمان .. مشكور اخوي ع النقاش .. بس اخوي اسمح اليي كأنك دخلت في اشياء احنا ما اتكلمنا عنها واحنا موضوعنا كلام البنت مع الشاب مو لبسها في بيتهم والله مكالماتها في الهاتف والله الجوال احنا في انها اتكلم شاب .. وحلو ان نظريتك من رايك ان ما في تشديد ع البنت سؤال الك هل انت ترضى اتشوف وحده من خواتك اتكلم شاب ع المسن بدون علم الوالدين ؟ واتوقع ردك لا لأن اي واحد يغار على اهله وما راح يرضى اليهم بالخطأ او انت يرضيك تلعب بمشاعر بنت وبعدين في النهايه باي مع السلامه انتي في طريق وانا في طريق ها وانا ما اكلم بنت مو زينه وانتين اتكلمي صبيان ع المسن ووو الى ما الى أخر انت بكونك شاب راح اتقول ما ارضاها الى اختي فالواحد بعد ما يرضاها الى بنات الناس صح .. وراح ارد على الشي اللي انت اتقوله ان الأباء يشددوا ع البنت اكيد راح يشدوا عليها من اللي يسموعه وكل واحد راح يسمع ولوا كان واثق من بنته راح يخاف عليها اكثر لأن الزمن ماتدري وش يسوي بعدين وانه يحرمه من اشياء هذاك شي ثاني أب نظريته شدي ما انقول مو متحضر بس اللي يصير هالأيام ايخليك باب بيتك وانت داخل البيت ما تأمن اتخليه مفتوح وان جينا الى الواقع حياتهم في الأول احسن من الحين لأن هم ينظروا الى الأول في امان الحين لا انت الجهال ما تأمن اتخليه على باب بيتكم من اللي نسمعه هذا مخطوف هذا مقتول وترى اخوي النت مو مفيد في كل شي لو نظرت اله سلبيات واله ايجابيات وكل شي اله سلبيات وايجابيات ام انه ينظر اليها وهي اتكلم لو ابتسمت هذا شي راجع الى الأهل هم ادرى ببناتهم . واسفه اخوي ع الأطاله.

أمل الظهور.. مشكوره خيه ع النقاش الحلو والرأي السليم لأن هو صحيح البنت تبغى ترعف الأشياء اللي هي ممنوعه منها حتى تتعرف عليها بس لازم الوالدين يقوموا بالنصايح بالمراقبه لأن اي شي راح يصير راح يطيح فوق سمعة الأهل وراح العائله بكبرها تتبهدل مو بس البنت صغيرهم وكبيرهم .

واتمنى من الكل ان ما احد ازعل من اي رد رديته.. واتمنى من الله يبعدنا ويبعدكم عن كل سوء