للنقاش الرجاء من الكل المشاركه

[آخر شقآوهـ ..~]

السلام عليكم ورحمة الله

كيفكم ؟ اخباركم؟

اليوم أبغى أناقش وياكم موضوع وهو ظاهره منتشرة بس هالأيام كل يوم اكتشف ناس تكلم ع المسن أصحاب المنتديات أو عضو من الأعضاء بدون علم أهاليهم
طيب البنت لازم أتحافظ على شرفها ولو كان غرضها شريف
طيب الولد لو يصير إلى أخته يقبلها ما راح يقبلها لأن بيقول لا ويحط ألف عله بس هو ليش ما يحط إلى روحه ألف عله
مع إن هذا شرف بنت والبنت بطبيعتها حساسة بسرعة تمشي ورى عواطفها
ماقلنا الحب عيب بس شي يفرق عن شي لو كان عند أهلها خبر يكون إليها أفضل هي ماتدري الزمن وش يسوي
بس هي راح تعرف لو اتقول الى اهلها ما راح يقبلوا لأن الشي اللي تسويه غلظ فليش اتسويه من الأساس

وليش دائماً نبغى أنقلد الغرب في حركاتهم وتصرفاتهم
ليش أنقول إنا إحنا موالين إلى أهل البيت هل أهل البيت حللوا هذا الشي هل كان في زمنهم هذا الشي عادي
إني ما أقول حركاتنا في كلشي نتبعهم فيها بس نعرف الصح من الخطأ
والله قال في كتابه ..
(ولاتلقوا بأيديكم إلى التهلكة )
ليش تشوف البنت تسوي روحها شيخ قدام البنات وكل شي عيب وحرام وما يجوز وهي من ورى أهلها تلعب الدور


والولد نفس الحالة في البيت يبغى يطلع عضلاته ويزمخ وهو الكل في الكل وعلى قولته رجال البيت وبعدين يلعب بديله
إني عندي الوحدة والواحد لا يتعنصر قدام الناس ومن ورأهم هو غير
ليش يلبس قناع ليش ما يصير على وجه واحد بدون ما يغيره

ليش إحنا في رمضان الإيمان كله ينزل وبس يروح ننسى كل شي ليش علشان هو شهر الله

اللي يبغ يحفظ روحه يحفظها لو كان عنده كل شي واللي يعلب يعرف يلعب لو ماكان عنده شي
اخذوا الكتب اقروا وتثقفوا الثقافة حلوه بس ما هي في كل شي
ما نقلد أي شي
ليش بس نقرأ كتب الرومانسيات والروايات وننسى كتب الأئمة والأنبياء وكتاب الله فوق كل شي
هو اللي راح يعلمنا شلون نمشي في الصح ونترك الخطأ
امسك مره كتاب عالم البرزخ وشوف نفسك شلون راح يصير فيك
اقعد ويه روحكم فكروا شوفوا اللي سويتوه اليوم صح أو خطأ وش قال الأمام الصادق عليه السلام
__حاسبوا أنفسكم قبل أن تحاسبوا __
ليس منا من لم يحاسب نفسه
كلنا إخوان في الله واني ما كتبت هذا الشي إلا إلى مصلحتكم
وأتمنى أشوف النقاش وان مااحد يهمل الموضوع


مع خالص تحياتي ..
al
الضحكة البريئة

[شمعه تحترق]

يسلموو حبيبتي عالموضوع

ولي عوده ان شاء الله للنقاش

بس ادعي لي بالعافيه هاليومين مريضه واحاول اكون متواجده قد ما اقدر

اتمنى الكل يتفاعل مع الموضوع

[آخر شقآوهـ ..~]

تسلمي ع الدر والله يعافيش
وان شاء الله اشوف ردش مره ثانيه
تحياتي..
ضحكوووه

[ام باسم]

اسمحي اختي اشاركك الرأي

كلام واقعي وسليم بس مجتمعنا الحين الحمدلله والشكر اللي يحافظ عل مبادئه

يطلع انسان متخلف وش بيقولوا ؟؟؟

الدنيا وين صارت وفلان بعده في جهله

بس وش نقول ؟؟

الله الهادي

اشكرك اختي من كل قلبي ع الموضوع المفيد والاكثر من رائع

تسلمي

[آخر شقآوهـ ..~]

مشكوره ع الرد الحلو

بس هل كان على ايام الرسول والأئمه في جهل يسموه لأن ماعندهم هذا الشي وصدقتي الناس الحين كله عندها تخلف إذا ماتشوف الحرام بعينها والله يهدي الجميع
تحياتي لكِ
ضحكوووه

[دمعه حزن]

وعليكم السلام ..

ألف شكر للأخت .. الضحكة البريئه ..

موضوع جميل .. وفعلاً طرح بحاجه للنقاش ..

انا عن نفسي ما احب فكره ان البنت تكلم شباب ..

ولكن لنفرض ونقول ان الامر استدعى ان البنت تكلم شخص ..

اوكي مو مشكله ولكن تكلمه بالموضوع الا اجبرها ان اتكلم الشخص وبعلم اهلها طبعاً ..

لان البنت الا تخون ثقة اهلها فيها اكييد راح تخون ثقة اي شخص اخر ..

والبنت مثل ما قلتي اختي بطبعها عاطفيه ..

فعلى كل بنت ان تصون نفسها ..

لان اذا هي ما خافت وصانت نفسها لا تتوقع من اي شاب ان بيخاف عليها ويصونها ..

وكل واحد مسئول عن نفسه .. سواء بنت والله شاب ..

والله يهدينا ويهدي الجميع ..

واتمنى نشووف اراء الجميع وبالخصوص الشباب ..

ع العموم الله يعطيك الف عافيه خيووه ..

لا تحرمينا من جديدك ..

تحياتي
دمعه حزن

[القلب المرح]

السلام عليكم

كثير من يكلم بنت عبر المسنجر من الشباب

بعضهم يكلم بنت لغرض الاصطياد

وبعضهم يعيش قصة حب حتى تتحول لزواج

وهذا واقع وصار في مجتمعنا

والحمد لله حياتهم سعيده

لكن هناك شئ واحد دون علم الاهل

وهذا يسمى خيانة الثقه

لكن في مجتمعنا صار كل شئ مقبول

واصبح ايضا الزواج عبر النت شئ عادي

وكل هذا من عواطف القلب ولينته وايضا

الشاب له عواطف ويحس بكل كلمه

تقولها اي فتاة كالكلام الحلو واللطيف

حتى يخترق كلامها الى قلبه فيعيش في قصة حب

وهذا مالدي عن الموضوع

تحياتي للجميع بالتوفيق..

[شجون آل البيت]

السلام...

مشكووورة أختي الضحكة البريئة على طرح مثل هذه الفكرة المهمة..

ومثل ما أسلفت في قول ان البنت تتبع عواطفها ..

لذلك من الأفضل أنها ما توضع حالها في موقف مثل هذا..

ومثل ما ينقال الوقاية خير من العلاج ... وخصوصا إن هذا الأمر يمس سمعتها وشرفها

وسمعة البنت مثل عود الكبريت اذا احترق مرة مافي شي يخليه يستخدم مرة ثانية ..

فلأفضل إنها تتحاشى هذا الموضوع لأن ما يرضي الله وأكيبد ما يرضي والديها ..

وبعد المفروض الشاب ما يعطي البنت وجه لان ولو رخى معاها

شوي راح تكمل الدور الي معتقدة حالها بطلة فيه..

صحيح أن الغلط من مسؤوليتهم اثنينهم بس اذا قت البنت صد يمكن تحس على دمها

وبتعرف أن اللي تسويه غلط ولو كان صح كان صار لها اللي بالها ..

المهم الله بعدنا عن المشاكل ..

ويعطيك ألف عافية ضحوووكة على الفكرة اللي طرحتيها..

والسلام

أختك

شجووون آل البيت(ع)

[نور الهدى]

تسلمين خيتو الضحكة البريئة على الموضوع الحساس

الصراحة ما اؤيد ان البنت تكلم شاب على المسنجر خصوصا

لان البنت حالها حال البشر معرضة للغلط والخطأ وما هي معصومة

واذا كانت تبي السلامة لروحها خلها تكون بعيدة قد ما تقدر عن هذا الشي

حتى لو كانت واثقة من نفسها

لان ثقتها بنفسها ما تحميها من الوقوع في الغلط

وابليس الحلو موجود على طول لا تلف ولا ادور

وبعد اعتبر هذا الشي خطير خطير خطير

الي نسمعه ونشوفه في هذا الدنيا تبينا لنا مدى خطورة هذا الشي

اذا فتحت اليها هذا الباب الله يعلم انها ما راح تقدر تصكه مرة ثانية

الله يهدينا ويستر علينا ويحمينا من شرور انفسنا

وتحياتي لكي خيتو

ام محمد

[عبير الزهراء]

مشكورة اختي الضحكة البريئه على الطرح المميز والاختيار الموفق
لاحظت في هذه الايام انه هذي الظاهرة منتشرة بشكل غريب..
وهذا اكبر خطأ تقترفه الفتاة لمن تكلم شخص لاتعرف اصله ومن هو..
مافي شئ اسمه حب في هذة المحادثات كلها خدع...من اي منطلق صار هذا الفعل يجسد معنى الحب او المحبه.. بصراحة يلقى العتاب على الوالدين ..لازم تكون رقابة ولو بسيطة على الفتاة وكذلك بالنسبة للشاب..وكذلك العتب على الفتاة والشاب انهم فكروا في ونا ستهم ولا فكروا لو صار أي شئ شنو يكون حال اهلهم من الخزي والحزن...
اتمنى الهداية لكل من انجر الى هذا الفعل المشين...
وفقكم الله ورعاكم

[زمان]

أشكرك على طرج للموضوع الرائع
ابصراحة أنا ضد التشديد على البنات
و السبب ...
هناك أسباب عديدة و كثيرة ينظر لها الأهالي
و منها ... الشك ... الحفاظ ... و أشياء كثيرة من ذلك
و لكن هذا لا يمنع بأن البنت تحرم من أبسط حقوقها
مثلاً النت و التلفون و طالعاتها
مثال على النت ...
في بعض الآباء يفكرون النت انه ضياع و دمار ...
طبعاً هذولا الآباء اللي غير متحضرين
يعني على قولتهم في العصر الحجري ... بعدهم ما تطوروا
و لكن النت ليس ضياع ... و مو في كل الحالات النت يكون ضياع
و في بعض الحالات يكون النت مفيد ... و طبعاً النت مفيد
لكن في أشياء تقدر البنت تتجاوز عنها و تتبتعد عنها
و بكذا رح يكون النت مو ضياع لها
أما بالنسبة للتلفون البيت أو الجوال أو أي تلفون
بمجرد الأب ما يشوف بنته تسولف و الابتسامة شاقة الوجه
يشك فيها .. يقولها من تكلمني
أو يشوفها تتصاصر مع صديقاتهاعلى التلفون .. هم يشك فيها
فليش ... اذا انت مو واثق منها ... فليش تحطون تلفون في البيت أو ليش تعطونها موبايل إذا انتو مو واثقين منها
و على فكرة في بعض البنات تسوي هالحركات اللي ذكرتها بس بنية صافية
يعني تكون تكلم صديقاتهابس تدرون ليش اهي امخفضة صوتها
لأنها تستحي تتكلم جدام أهلها بالتيلفون
تخاف تقول كلمة مني و لا مناك كلمة غلط
و لا شافوها تضحك ... شكوا فيها ... ليش اهي و صديقاتها يسولفون ... حرااااااااااام الضحك
أما عن سالفة الطلعة و الروحات و الجيات
فممنوع تطلع البنت من البيت
على زمان أول و مازالو الآباء يقولونه للبنات
البنت مالها غير بيتها
يعني تنثبر في البيت
فليش ...
اذا تبي تطلع ... خلوها تطلع بس مع أخوها أو مع أماها أو مع أبوها
لكن تحرمونها من الطلعة أبداً ... أنا أعارض بشدة
و في بعض الأهالي ما يخلون بناتهم يطلعون و لو حتى لو في حديقة البيت
تدرون ليش
يقولون علشان الجيران ما يشوفونها
حتى في البيت يتحكمون في ملابس البنات
و بالذات الاب
لا شاف بنته لا بسة قميص و بنطلون
قالها
قومي و بدلي ما تستحين على وجهك

أرجو أني ما غلط و لا قلت كلمة تجرح شعور الآخرين
بس هذا الصح

[أمل الظهور]

السلام عليكم ورحمة الله وبركاته

اختي الحبيبه الضحكه

مشكوره على عرض الموضوع للنقاش

رأيي لو بنت صاينه نفسها وهي مربيه زيين لو توضع بين مئة شاب ما راح يغير من اخلاقها شيء

ولو بنت اهلها حارمينها من ابسط الاشياء حتى التلفون والتلفزيون والطلعه والجيه وهاذي البنت في عقلها شيء غلط

ترتكبه رغما عن اهلها

موشرط نحرم بناتنا وخواتنا من اشياء علشان ما يرتكبون الغلط

بالعكس احيانا التشدد هو الذي يجلبهم لطريق الخطأوالعصيان

لأن كل ممنوع مرغوب

وان النفس تتشوق لمعرفة الغامض عندها

وهذا ليس معناه ترك الفتاة مطلق الحريه لها بل يزرعون فيهاالعقيده و الاصاله والمثل و يراقبونها من بعيد من غير

ما تشعر لتعزيز الثقه فيها

ومن هنا يأتي دور الام الفاضله والأب الكريم

يحاولون يفهمونهم ويوجهونهم للطريق السوي السليم

وان شاء الله البنت ما راح تغلط

وأما اذا اضطرت البنت انها تكلم رجال في الماسنجر كلمه ورد غطاها يعني اعتذار اسف شكر

استفسار محترم تراسله على الخاص مثلا

اما انها تكلمه وتصير بينهم علاقة حب ....لا انا لا اايد هذه العلاقه لان الرجل لو لو ارتبطت فيه سيبقى يذكرها

بأنه تعرفت عليه ورضيت تحادثه ويمكن يخطر في باله ان حدثت غيره كما حدثته

خاصة مع زوج غيوووور وشكاك

وهي سوف تدور في ذهنها نفس الافكار والهواجس

واساسا هي الفتاة كيف وثقت من هذا الشاب وأعطته الإيميل ببساطة ؟؟؟وهي لم تعرفه لكي تنشأ الثقه المتبادله

بينهما ألم تخاف على نفسها من أن ينشر الأيميل على شباب آخرين ؟؟؟؟

وأن تزوجا ايضا سوف يظل عالق بذاكرتهما هذا التعارف

وهكذا حتى تتحول الحياة الى جحيم لا يعقل وربما يكون الضحايا الأبناء

ولو قلنا ان الزوجين لم يقع بينهم اي خلاف لا ننسى دور الاهل وخاصة اهل الزوج كيف يتقبلون زوجة

ابن كانت تحادث ابنهم في الماسنجر وهذا سيقلل من احترامهم لها

وليس بالغريب اذا ما قاموا بإبعاد بناتهم عنها

فيجب على البنت أن تفكر قليلا بأن هذا الشيءقد يضر سمعتها

أختي الغاليه الضحكه انا ضد الماسنجر مع الجنس الآخر للتعارف ولكني مع دخول البنت عالم المنتديات والكمبيوتر

والنت

في ظل والدين ومراقبين عن بعد

ليحموا هذه الامانه الطاهرة التي اعطاها الله اياهم

فلا يحرمونها ولا يوفرون لها كل شيء دون حسيب ورقيب

وخير الأمور الوسط

أعذريني حبيبتي للأطاله وأتمنى أن يكون رأيي لم يزعجك
ومشكورره جزيل الشكر على فتح باب النقاش والتحاور

أختـــــــك المحبة لك :

امل الظهور

[ام ياسين]

بسمه تعالى
وصلاته على نبيه وآله

في البداية لك الشكر الضحكة البريئة موضوعك من اكثر المواضيع اثارة في وقتنا هذا
انا اييد من قال بعدم التشديد على البنات بس انا اسأل ليش البنات بس هم اللي يشددوا عليها ويخلون الولد فالت؟
اذا كان الولد فالت اكيد يبي يصيد له كم بنت لكن في النهاية اللوم يقع على البنت وليس الولد
المفروض يكون الاولاد سواء بنت او ولد تحت الاشراف وهناك فرق بين الاشراف والمتابعة وبين الشك والمراقبة
مثلا انا انظم لمجلس من المجالس الخيرية وهناك لجنة نسائية ورجالية فيكن لابد من الاتصال عن طريق الهاتف او المسنجر لمناقشة امور المجلس ولكنني وضعت اهلي في الصورة وكان اشراف منهم على ذلك وهذا اللي انصح فيه جميع الاهل عشان يكسبوا ثقة اولادهم ولا يكون هناك ما يخفى عليهم..
واحب ان اضيف ان بعض الرجال او النساء يعمدون الى مكالمة طرف آخر في المسنجر او الهاتف وهذا ايضا من ما لا يقبله الطرف ويكون خيانة للحياة الزوجية فكما قلنا يكون كل طرف مطلع على مكنونات الطرف الاخر.. حتى لا يحصل ما نخاف عقباه..بالاضافة لذلك يجب الاطلاع على الحكم الشرعي ورأي العلماء الافاضل في ذلك.
هذا رأيي الشخصي ولكم ما ترون..

تقبلوا تحياتي
ام ياسين

[بيسان]

مشكوره خيتوو ضحكووووووووه

ع الطرح الرائع والقيم


بصرااحه اني قريت معضم الردود وكان كلامكم صح

والاخوان كفوا وووفو وزادو ووماقصرو..


طبعا الكل مايقبل هذي العاااده وبالنسبه لي حررررام البنت تكلم الشاااااب على المسن او بالجوال او .. لانه اساسا

في نظره انها فريسه سهله .

وخااصه البنت الا تحب ترفع راس ابوها وسمعتها نظيفه

بتكلم ليكم بصرااحه في وحده وياانا في الفصل تحب شااب اوكي الى هني اني ابلعها

وطبعا حاوله انصحها بس في البدايه ماقتنعت من كلامي مااقلت ليها حرام وماادري وش ومن هالكلام

لا ماكان ذا اسلوبي المهم كان الشاب من اصله من الدمام بس هو سااكن في الرياض وليس من مذهبنا

تخيلو الوضع الى هدرجة ترضى على نفسها المهم هم كانو يتصلو الى بعض ويتكلمو والمهم اخر الاياام

صاار تخيلو يجي من الراياض الى هني بس عشاان يشوفها وزي مره قالت لي انه عطاها مسدس قال ليها

اذا لمستش قتلسنس تخسلو الموقف وقلت لا واني وثقه فيك ومن هالكلام بس لقاائتهم كانو دائما في بركانات

قلعه القطيف يعني بمكان عاام بس بسيااره هو حاوول يقنعها ان يتقدم ليها بس ماارضيت الا انه يغير مذهبه

هي صاارت تودي له الكتب الدينيه وهو يجي يتسمع في محرم والناصفه يجي يعني في بعض المناسباات

تخيلو في مرهاتصل ليها صااحبه يقول ليها انه خويه يحبها وكل يذكرها ومن هالكلام المعسول والمهم لما قالت له

في اخر لقااء لهم غير مذهبك وبتزوجك قالها بشرط ؟؟ انش تغير انتين مذهبش بعد.."وتركته "

تخيلو الوضع بعد ذلك..

شوفو كيف سمعتها الحين في المدرسه تنعرف السالفه بس شكلها مايدل على هالنوع

ولا يطوفكم بعد اهلها متشددين ممنوع الجوال والكتف والطلعه لحالها بس مااحد يدري في البيت احد عنها

ابي اعرف الحين البناات الا يسون كذا وش يستفيدون ..

غير ذله والفضيحه والكل بيطلعهم بعيون فيها الريبه والازدراء

وتسلمي خيتوو

والله يعطيك العااافيه

تحيااااااتي

بيساااااان

[آخر شقآوهـ ..~]

دمعة حزن .. أشكرش خيه ع النقاش وزي ماقلتي على كل بنت ان تصون نفسها ..
لان اذا هي ما خافت وصانت نفسها لا تتوقع من اي شاب ان بيخاف عليها ويصونها ..
وكل واحد مسئول عن نفسه .. سواء بنت والله شاب .. وهي ماتدري بكره وش بيقول عنها بحكمها هي بنت وسمعتها فوق كل شي ..

القلب المرح .. مشكور اخوي ع النقاش انت قلت ان البعض غرضهم الأصطياد وهذي اخطر شي بإمكانه يلعب عليها وهي اتروح فيها بعدين والبعض الحب يتحول الى زواج والزواج بعده يتحول الى مشاكل اكثرهم بهذي الطريقه لأن بكره بعد الزواج كل شي يتغير وعلى قولته ان الشاب عاطفي فالبنت اخوي عاطفتها اكثر من الشاب تتأثر اكثر منه وخاصه إذا بعد قال اليها كلام حلو ومعسول خلاص وش تبغى من البنت وإذا كانت حساسه في هالأشياء خلاص راحت فيها وبكره لو ادري ما سويت هذا الشي ولو ادري ما كلمتها بكره لو وياليت ماتنفع صار الشي وانتهى لو كان بعلم اهلها اهون الشي راح يكون لأن لو صار اي شي بكره هم يدروا وسمحوا اليها بهذا الشي .

شجون آل البيت .. مشكوره خيه ع النقاش والرأي السليم وصحيح البنت مثل عود الكبريت إذا احترق احترقت هي لأن خلاص كل شي ضاع منها .

أم محمد .. مشكوره خيه ع النقاش وهذا ابليس زي ماقلتي موجود وين ما انروح حتى في صلاتنا ويانا وش حال في هالموقف اكيد ميه بالميه موجود مانشك في الشي وكل واحد يغلط بس يحاول يصحح غلطه من اللي يسمعه كل يوم بس وين اللي يفهم.

عبير الزهراء .. مشكوره خيه ع النقاش هالأيام منتشره مو بس بشكل غريب الا اغرب من الغريب وهم على قولتهم حب بس ما يندرا خيه هالحب وين بيوصلهم بعدين وزي ماقلتي رقابة الأهل المفروض ان الوالدين يراقبوا البنت مو بس البنت حتى الولد حتى يقدروا يلحقوا عليهم قبل لا يوقع الفاس بالراس ما اقول المراقبه يجي ويقول اليها انا باراقبش او باخزن محادثاتش اني في نظري ان الوالدين عادي لو كانت البنت جالسه ع النت وجت الأم أو الأب وجلسواوياها بس البنت او الولد بيقول ليش جاين اكيد شاكين فيي لا المسأله مو شك المسأله خوف من الوالدين على اولادهم.

زمان .. مشكور اخوي ع النقاش .. بس اخوي اسمح اليي كأنك دخلت في اشياء احنا ما اتكلمنا عنها واحنا موضوعنا كلام البنت مع الشاب مو لبسها في بيتهم والله مكالماتها في الهاتف والله الجوال احنا في انها اتكلم شاب .. وحلو ان نظريتك من رايك ان ما في تشديد ع البنت سؤال الك هل انت ترضى اتشوف وحده من خواتك اتكلم شاب ع المسن بدون علم الوالدين ؟ واتوقع ردك لا لأن اي واحد يغار على اهله وما راح يرضى اليهم بالخطأ او انت يرضيك تلعب بمشاعر بنت وبعدين في النهايه باي مع السلامه انتي في طريق وانا في طريق ها وانا ما اكلم بنت مو زينه وانتين اتكلمي صبيان ع المسن ووو الى ما الى أخر انت بكونك شاب راح اتقول ما ارضاها الى اختي فالواحد بعد ما يرضاها الى بنات الناس صح .. وراح ارد على الشي اللي انت اتقوله ان الأباء يشددوا ع البنت اكيد راح يشدوا عليها من اللي يسموعه وكل واحد راح يسمع ولوا كان واثق من بنته راح يخاف عليها اكثر لأن الزمن ماتدري وش يسوي بعدين وانه يحرمه من اشياء هذاك شي ثاني أب نظريته شدي ما انقول مو متحضر بس اللي يصير هالأيام ايخليك باب بيتك وانت داخل البيت ما تأمن اتخليه مفتوح وان جينا الى الواقع حياتهم في الأول احسن من الحين لأن هم ينظروا الى الأول في امان الحين لا انت الجهال ما تأمن اتخليه على باب بيتكم من اللي نسمعه هذا مخطوف هذا مقتول وترى اخوي النت مو مفيد في كل شي لو نظرت اله سلبيات واله ايجابيات وكل شي اله سلبيات وايجابيات ام انه ينظر اليها وهي اتكلم لو ابتسمت هذا شي راجع الى الأهل هم ادرى ببناتهم . واسفه اخوي ع الأطاله.

أمل الظهور.. مشكوره خيه ع النقاش الحلو والرأي السليم لأن هو صحيح البنت تبغى ترعف الأشياء اللي هي ممنوعه منها حتى تتعرف عليها بس لازم الوالدين يقوموا بالنصايح بالمراقبه لأن اي شي راح يصير راح يطيح فوق سمعة الأهل وراح العائله بكبرها تتبهدل مو بس البنت صغيرهم وكبيرهم .

واتمنى من الكل ان ما احد ازعل من اي رد رديته.. واتمنى من الله يبعدنا ويبعدكم عن كل سوء