السلام عليكم ورحمة الله
كيفكم ؟ اخباركم؟
اليوم أبغى أناقش وياكم موضوع وهو ظاهره منتشرة بس هالأيام كل يوم اكتشف ناس تكلم ع المسن أصحاب المنتديات أو عضو من الأعضاء بدون علم أهاليهم
طيب البنت لازم أتحافظ على شرفها ولو كان غرضها شريف
طيب الولد لو يصير إلى أخته يقبلها ما راح يقبلها لأن بيقول لا ويحط ألف عله بس هو ليش ما يحط إلى روحه ألف عله
مع إن هذا شرف بنت والبنت بطبيعتها حساسة بسرعة تمشي ورى عواطفها
ماقلنا الحب عيب بس شي يفرق عن شي لو كان عند أهلها خبر يكون إليها أفضل هي ماتدري الزمن وش يسوي
بس هي راح تعرف لو اتقول الى اهلها ما راح يقبلوا لأن الشي اللي تسويه غلظ فليش اتسويه من الأساس
وليش دائماً نبغى أنقلد الغرب في حركاتهم وتصرفاتهم
ليش أنقول إنا إحنا موالين إلى أهل البيت هل أهل البيت حللوا هذا الشي هل كان في زمنهم هذا الشي عادي
إني ما أقول حركاتنا في كلشي نتبعهم فيها بس نعرف الصح من الخطأ
والله قال في كتابه ..
(ولاتلقوا بأيديكم إلى التهلكة )
ليش تشوف البنت تسوي روحها شيخ قدام البنات وكل شي عيب وحرام وما يجوز وهي من ورى أهلها تلعب الدور
والولد نفس الحالة في البيت يبغى يطلع عضلاته ويزمخ وهو الكل في الكل وعلى قولته رجال البيت وبعدين يلعب بديله
إني عندي الوحدة والواحد لا يتعنصر قدام الناس ومن ورأهم هو غير
ليش يلبس قناع ليش ما يصير على وجه واحد بدون ما يغيره
ليش إحنا في رمضان الإيمان كله ينزل وبس يروح ننسى كل شي ليش علشان هو شهر الله
اللي يبغ يحفظ روحه يحفظها لو كان عنده كل شي واللي يعلب يعرف يلعب لو ماكان عنده شي
اخذوا الكتب اقروا وتثقفوا الثقافة حلوه بس ما هي في كل شي
ما نقلد أي شي
ليش بس نقرأ كتب الرومانسيات والروايات وننسى كتب الأئمة والأنبياء وكتاب الله فوق كل شي
هو اللي راح يعلمنا شلون نمشي في الصح ونترك الخطأ
امسك مره كتاب عالم البرزخ وشوف نفسك شلون راح يصير فيك
اقعد ويه روحكم فكروا شوفوا اللي سويتوه اليوم صح أو خطأ وش قال الأمام الصادق عليه السلام
__حاسبوا أنفسكم قبل أن تحاسبوا __
ليس منا من لم يحاسب نفسه
كلنا إخوان في الله واني ما كتبت هذا الشي إلا إلى مصلحتكم
وأتمنى أشوف النقاش وان مااحد يهمل الموضوع
مع خالص تحياتي ..
al
الضحكة البريئة
رد مع اقتباس
المفضلات