اليوم الي بعده
ريم : امي من زمان ما تجمعتوا بتموون كذا على طول
ليلى : ما هو بيدي يا يمه انتي عارفه وش صاير
ريم : لازم فيه حل لازم تسوين انتي شي لهم
ليلى : اقول قولي الي في بالك قولي الصدق انتي تبين نتجمع ليه
ريم : يمه ما فيه شي بس ابيكم تتجمعون نرجع مثل قبل
ليلى : يا بنيتي انا عارفه وش تبين بغض الالنظر عن الجمعه خلاص انسيه انسيه
ريم : يمه
ليلى : سمعتي وش قلت والحين روحي لغرفتك ذاكري

اطلعت ريم لكنها كانت زعلانة: وش فيها ان فكرت فيه عيب اني احبه ما ابي منه شي ادري انه تغير بس يكفي اني اشوفه

.................................................. ...
في امريكا

عبدالوها ب: الحمدلله الدكتور طمني ان ولدنا بتتشافى يده اللهم لك الحمد وش كثر فرحان انا يا مها ولدي بيصير بخير
مها : ان احسنا الظن في الله راح ربي يساعدنا بس خلنا نحسن الظن بالله
خليل: الحمدلله على كل شي المهم لا تنسون حفلة زواج معاذ على روز بكرة خلاص
عبدالوهاب : وين بتكون
خليل : امسوي له مفاجأة بسوي عرسه في مركب في البحر وش رايكم
مها : جد انت رومانسي مرة وحدة اتذكر الرومانسية مع بعض الناس
خليل : لا تعورين قلبي تراه متعور انتوا يالمتزوجين ما تراعون حد ابد تراني اعزوبي فهمتوا اعزوبي يعني ما عندي حد يشاركني همي الا اوراقي
مها : إن شاء الله بتتزوج الي تحبها
خليل تغير وجهه وزعل وطلع
عبدالوهاب : هذا وقته اتذكرينه زين هو مبتعد
مها : والله ما اقصد حرام والله إلى الحين يحبها
.................................................. ..........
في المستشفى
كان الوليد مع الجازي ينتظرون موعدهم
الجازي : وليد تأخروا نبي ندخل
الوليد : وش فيك خايفة
الجازي : وش رايك اكيد خايفة ...وليد بروح للحمام لا تدخل انتظرني
وليد : روحي وردي بسرعة
راحت الجازي الحمام وفي نفس الوقت أذن للوليد انه يدخل
الدكتور جالس يقراء الورق : اخ وليد ليه مستعجلين الصبر زين وانتوا توكم شباب
وليد : دكتور لنا وقت ولا حصل أي مؤشر للحمل
الدكتور : دقيقة بس لو سمحت
الدكتور يركز في الأوراق وكأنه مو مصدق
وليد : دكتور وش صايرعلمني ارجوك فيه شي
الدكتور : اللهم لك الحمد على كل شيء اخ وليد كل شي مقدر ومكتوب وانت رجل مؤمن تعرف ان ربك ما يظلم حد وكل شي محاسبين عليه نحن معشر البشر سواء خير ولا شر
وليد : عطني الأوراق خلني اشوفها


ربع ساعة صمت
بعدها طلع وليد من غرفة الدكتور من دون أي كلام

الدكتور : وش فيه قام كذا بسرعة

في الخارج كانت الجازي توها جاية من الحمام

وليد : توك تجيين يالخايسة قصوا علي حسبي الله عليكم دنيا واخرة انتو اما تستحون تبون تتلصقون وتشفون حل بس لكم
الجازي : وش تقول انت
الوليد يمسك يد الجازي ويطلع من المستشفى
الجازي : وش قال لك الدكتور
الوليد : ركبي السيارة وتعرفين
الجازي : وين بتروح
الوليد : مالك دخل انتوا كفوكم الزبالة يا زبالة
الجازي خايفة منقبض قلبها وبخاطرها : لا الا هذا ما راح اقبل فيه اني اكون ...لا لا مستحيل وش بيصير فيني اهلي العالم وش بيقولون
وقف سيارته الوليد عند اقرب موقف ولف وجهه للجازي وعيونه حمراء يتطاير منها الشرار : سمعيني عدل انا لولا اني ولد عمك ولا طلقتك ورميت لأهلك الكذابين يكذبون علي انتي عقيمة تعرفين وش معنى عقيمة
الجازي انصدمت واجهشت بالبكاء : لا كذاب انت كذاب والدكتور كذا بتبون تقتلون اخر امل بحياتي طفل اسهر عليه ويلاعبني ويصير لي سند انتوا كذابين
الوليد : الأوراق هي الديل انتي عقيمة وش اسوي فيك اقطك هنا ويجي اخوك يشوف لك حل ولا وشو
الجازي خلاص ضاعت حياتها بالخبر هذا انتهى كل امل تعيش له هي عقيمة هي عقيمة
جلست تبكي يمكن البكاء يخفف عليها

سمعيني يا بنت العرب انتي بتروحين بيت عمي جلسي عندهم طول الأسبوع الجي بعد وبعدها راح اتصرف
الجازي نست كرامتها نست كل شي فكرت بس بالمجتمع الظالم وش بيسوي فيها : وليد لا تهدني وليد انت طيب اعرفك لا تهدني سو الي تبي بس لا تطلقني
الوليد وهو يضحك : اول تبين الطلاق ولاحين لا جد انك منافقة (يضربها كف )) الحين تبيني انتي كلبة وتستاهلين انك ما تجيبين اعيال
الجازي : انا كلبة بس لا تطلقني وش بقول للعالم وليد ارحمني احب ايدك احب رجلك اسوي أي شي لك وليد اصير خدامة عندك بس لا احد يدري ولا تطلقني
وليد يشعر بالندم : سمعي الحين روحي بيت عمي ويصير كل خير
الجازي تحب ايده وهي ذاله روحها له
انزلت الجازي لبيت عمها وراحت لشيماء تبكي
تبي تقول لها وش صار تبي حد يسمعها
شيماء : يمه وش فيك
الجازي :امي انا ما اجيب اعيال انا عقيمة
شيماء تسمع الخبر وتهل دموعها على وجنتيها تذكرت كم هو الضنا غالي تذكرت جمانة اجلست تلفي على الجازي وتمسح على شعرها
شيماء : جازي هذي مشيئة الله لا تقنطي لا تجزعي هو معاك بس صبري ربي راح يجازيك خير ععلى صبرك
الجازي : يمه انا عقيمة تدرين وش معناه هذا ماراح يجيني ضنا يعني بجلس وحيدة ما عندي حد يملئ علي حياتي اسمع صوت اصياحه يمه وليد بيطلقني راح اتشتت راح العالم كله يطردني
جلست تبكي على الي صار لها ومهما سوت ماراح حد يحس فيهاغير الي يذوق طعم الحرمان من الضنا