الجازي أبتسمت قليل
لينة : أيه هذي الجازي الي نعرفها صح مو كلها لكن يكفي أن روحها ويانة
الجازي بخاطرها : روحي مو معي مع الغالي يحتفظ فيها وراح يردها لي
بردتها
لينة : الجازي طالبتك
الجازي : تم وش تبين
لينة : بنروح الحين الخبر مع دحومي
الجازي: منوا دحومي
العنود: أخوي العاشق الولهان
الجازي : كثير من العشق ما يذبح خلوه يتركد على روحه وعلى مسألة
الخبر عشانك بس ياللينة بروح لكن كلمي لي أبوي يوافق
لينة : يوسف أمره هين
الجازي بخاطرها : ليته كان معي هين وخلاني سعيدة طول عمري مو
كذا حالتي الي بتصير أدمر وأدمر كل يوم
أطلعت لينة عشان أتكلم يوسف والعنود توها بتلحق لينة لكن الجازي
أزهمتها
العنود : سمي
الجازي : قربي يالعنود
العنود : وهذاني قربت
الجازي : أبيك تسمعيني وتفهميني
العنود : كلي أذان صاغية رمسي
الجازي بعد تنهيدة طيلة : خلاص يالعنود أنتهى خليل من حياتي لأن
بدأفيها شخص ثاني لازم أكون أمينة معه طول حياتي لكن هالشيء
صعب كثير علي بعد ما كنت أحب أنسان وهو هم يحبني نتفرق غصب
عنا وبهالطريقة يزود الشوق بينا عشان كذا أبي أنسى أخوك زي ما
حبيته ,حبي له كأنه بحر ماله نهاية أبي هالبحر يجف أدري أنه صعب لكن
أرجوك يالعنود كوني وياي على طول لاتخلوني لا يغركم هيأتي الحين
تراني متحطمة حيل وأي قول أوفعل يخليني أفجر أنهار من الدموع لأن
الحزن الي بداخلي والألم ماله حد أوعديني يالعنود وما كلمتك أنتي إلا
لأن لينة راح تنخطب وما أبي أعكر عليها مع أني أدري أنها تحس فني
لكنها تبي تلهيني عشان أنسى لكن كيف كيف أخوك نفذ الي قلت له
وفارقني نفذ الي قلت له لكن ليه ليه
العنود : يعني أنتي الي
الجازي: بعد ما تهاوش مع وليد بالمزرعة جاء للبيت وشافني وقال لي كل
شي لكني كنت قاسية معي بقولي في أول شي وعلمته أني موافقة
على وليد وهو ماله أي وجود , لكن دموعي خانتني بالأخير ولا رضت أني
أكذب عليه وخبرته سبب قبولي لوليد وقلت له يبتعد عشان يرتاح أهو
والله مو عشاني لأني أنا خلاص بعده ما أتوقع راح ألاقي الراحة أبد أنا
راح أندفن وحبه معي وفي الدنيا مالي غيره وأن طالت الغيبة
جلست الجازي تبكي المر والعنود براقبه عاجزة عن فعل أي شي لكن
في النهاية
العنود حطت يدها على راس الجازي
العنود : أنتي فعلتي الصح وهو هم فعل الصح والمطلوب منكم الحين ,
صحيح مو حلوة كلمت مطلوب منكم لكن الواقع يفرض علينا أشياء أحنا
رافضينها لكن واجب علينا أتباعها لازم كل شخص منك يخلص للثاني زي
ما تفارقتوا عشان كلن يحب الثاني ويبي مصلحته لازم تنسون بعض
صحيح مو سهلة لكنك يالجازي راح تتزوجين رجل ثاني لازم تخلصين له
بكل شي وتنسين أخوي وهو ما راح يرضى أنك تتعذبين كذا عشان كذا
سافر يبيك تنسينه وتفكرين ببيتك الجديد والمستقبل في علم الغيب الي
علينا نفكر بيومنا بس والباقي على رب العالمين
الجازي أرفعت راسها : شكرا لك يالعنود على سماعك لي
العنود : لا تقولين كذا ترانا خوات
رد مع اقتباس
المفضلات