لاتظن إني ما أحبك ..... <<<<<< قصة روووووعة ..

[صمت الجروح]

........................................

ريم: امي وش البس بكرة
ليلى : كيفك الي تلبسينه
منال : لبسي الفستان الأسود يجنن عليك

ريم : مين قال لك أحلى علي
منال:انا الي اطالعك مو انتي حلو عليك كثير ولا تقولين بتلبسين فستان من الفواتح ألوانه
ريم : هذا الي ودي
ليلى : مثل ما قالت أختك لبسي الأسود
ريم : وانتي يمه مو رايحة
ليلى : افا يا بنيتي انتي تقولين كذا نسيتي العدة
ريم : نسيت يايمه الله يعينك ,,,الا وين حمدان ولا سلطان
ليلى : بعد وين عند التلفزيون فوق يشوفون لك مسلسل طاش ولا غيره ,,,وانتوا ليه ما رحتوا
ريم : ساعدنا الخادمة في الغسيل وهذا احنا بنروح
.................................................. .........
في اليوم الثاني كان الكل نزل للأحساء لخطوبة عائشة الي بتكون الساعة تسعة بالليل بعد التراويح
في بيت خالد الساعة 4 العصر
عمر : أمي بروح أفطر بيت عمتي ليلى
نورة : رووح الله يسهل عليك
منيرة : انتي امه ولا انا
الجوهرة : وش فيها بنتك ما قالت شي خطاء خليه يروح بيت عمته
منيرة : لو سمحتي خالتي هذي امور بيني وبين اعيالي لا تدخلين فيها
الجوهرة من اسمعت كذا جاها حزن كبير
الجوهرة اطلعت من المطبخ وراحت لغرفتها
نورة : يمه ليه تسوين انتي كذا ليه تقسين على جدتي
منيرة وعلامات فرحة بقلبها: انا ماقلت شي خطاء قلت الي بخاطاري
عمر وعلامات الحزن بقلبه : ومين قال ان كل شي بخاطرنا نقوله ,لو كل شي بخاطرنا نقوله كان كان عرفتي كيف حبي لك صاير
منيرة : هذا سحر من عمتك أمسويته لك كذا تقول عني وانا امك
عمر بحرقة قلب وفيه حزن يؤدي للبكاء: دامك ما أحترمتي جدتي وش تبيني اقول وعمتي طيبة اقلها تحبني وتحب الخير لي مو دايم تهزئني ولا تنهرني ولا تمنعني ولا تصارخ ولا تخلي البيت ما ينطاق مليت يمه مليت حياة كلها أصراخ ومشاكل ونية شينة على الكل وحقد وكراهية مليت
منيرة عصبت على كلام ولدها : اطلع برا بيتي اطلع برا
منيرة تمسك عمر وتطلعه برا البيت
منيرة تكلم روحها : صبرك علي يا عميرر ان ما علمتك كيف تحترمني كذا تسوي فيني وانا امك وش تتوقع مني قدام هالعيلة راح ادمرهم وانتوا اعيالي لا ماني امدمرتكم لكن صيروا من صفي ما فيه غير هيبة هي الي معي وعبدالله
نورة من بعيد تشوف امها وخايفة منها
الجوهرة : هذا اخر عمري كذا يصير لي انهان قدام الكل وقدام الخدم وقدام أعيالي واحفادي ولا احد يسوي شي لي أو يدافع لهذي الدرجة أفااااا يا دنيا كذا تخذليني من بعد ماكبرت وعلمت وعطفت ومن بعد الطق الي يجيني لأجل هالعالم أفااا يا دنيا وينك يا عبدالعزيز تشوف وش صار لي ,,وليه اناديك خلك بقبرك احسن لك ما يندرى ان كنت حي وش بتسوي فيك هذي ,,يا رب خال خاتمتي على قوة يارب ربي لا تخليها على ضعف وانكسر وانهان لضعفي ((انزلت دمعة من عين الجوهرة بعدها غفت لها أشوي ))

منيرة : الو ليلى
ليلى : هلا منيرة
منيرة : لا هلا ولا مسهلا وش سويتوا في ولدي انتي ساحرته ها,, تمرد علي وطقني بسببك انتي يسبني عشانك مين انتي .هل قمتي فيه وراعيتيه بصغره انتي حملتي فيه ولا تعبتي له كل مرة مو طايق البيت احس امسوي احد له سحر ودايم يبي يجي بيتكم تبون تلعبون على عقله انتي وبنتك حسبي الله عليكم دنيا واخرة يالساحرة الكبيرة وبنتك الساحرة الصغيرة خلوا ولدي يبحاله يكفي ما جانا منكنم ولا عشان مات ابوكم لا زم تنتقمون من الكل
ليلى هنا ما أقدرت تستحمل : شب ولا كلمة استحي على وجهك يالخايسة كذا تكلميني وانا اخت زوجك لكن الشرها مو عليك الشرها على الي يعطيك وجه انتي وولدك
سكرت ليلى الخط وكانت متنرفزة وبناتها حولها
منال : وش فيك امي فيه شي صار
ريم : عسى ما شر امي
ليلى هنا عصبت وتذكرت ريم كيف تحن على عمر : انتي سكتي يا مقصوفة ارقبه انتي سبب البلاوي كلها لا عمرك تشوفين عمر ولا تكلمينه ولا تناظرينه سمعتي انا ساحره وانتي ساخره بعد سحرنا الولد عن امه ان اينقال لي كذا والله ياريموه لأذبحك ان عرفت انك مسويه شي لعمر
ريم ما قدرت تستحمل الموقف واطلعت غرفتها تصيح
ليلى جالسة لحالها بالصالة وتبكي
ليلى : يعني منو وين القايها يارب أول شي ولدي حمدان بهدلني وعيشني بخوف يوميا ويوم انه تاب تجي المصيبة ببنتي يا رب تعبت , تعبت أشيل الهم لحالي أبي حد معي يشيل الهم أحط همي على الأقل عليه لو أشوي ,,اختي ما ودي أذيها يكفي تعب البيت الي هي فيه وشمياء بالظهران ولا هي الأقرب لي يا رب بنتي وش أسوي لها

ريم وهي على سريرها تصيح :
يمه ليه تسوين فيني كذا
ليه تبعديني عن الي حبيته
عن الي خذ قلبي من دون شوري
ولحفه بلحاف الحنان والحب
بعد هذا تبيني أنساه كيف
كيف وانتي كننتي تساعديني من دون علمك
كيف وانتي تحسسيني بحبه لي
بعد هذا تبيني انساه وافارقه
لا يا يمه لا تصيرين ظالمة
لا تظلمين حبي الأول
ما حبيت غيره ولا راح أحب غيره
أنسى مواقفي معه
أنسى ان قلبه أهداه لي
أنسى بسمته
أنسى ظله
يا ما تمنيت أشوف ظله بس
يكفيني حسه
يكفيني همسه
يكفيني وجوده
وهواه أسنشقه برئتيني
ليه يا يما ليه خليتيني احبه

طق طق طق طق
ريم : ............................
يد تمسح على شعر ريم
ريم: امي ليه تقولين لي كذا
ليلى تمسح دموعها وتستنشق الهواء : يا بنيتي ما أبي أخسر حد ثاني بعد أبوك صرت ضعيفة وحملت هم فوق طاقتي أخوك والحمدلله تاب اما انتي لا ما أبي أحد يجي جنبك وان كان على حساب قلبك يا بنيتي عمر طيب لكن امه شينة أتسوي أي شي لأجل تبعدك عنه يا بنيتي خذي هالقرار انسي عمر
صدمة قوية تضرب ريم
ليلى : انسيه وفكري بدراستك أهم شي فرحيني وفيه غير عمر يشتريك وهو هم لازم ينساك وينسى هالبيت طول عمره يكفي يسلم علي ببيوتنا هناك عند خوالك أما هنا خلاص ادري القرار صعب بس هذا حكم القدر لا زم نرضخ له يا بنيتي لا ترديني وتحرقين قلبي عليكك اليوم عدتنا سحار بكرة ما أدري وش بنصير
ريم تنظر لأمها نظر التوسل : أمي قولي لخوالي
ليلى تسكر فم ريم : يا بنتي هالأيام ما تدري من هو أخوك ولا غيره ان قلنا بنكون حنا الغلطانين خلينا نمشي جنب الدار أنداريه لا يطيح علينا اليوم كلن مشغول بروحه ويالله يتحمل هم اهله كيف أحملهم هم ثاني هم اختهم خليكي عفيفة عن الكل لا تطلبين حد وابتسمي للكل وانتي نفعيهم بس لا تطلبينهم وان طلبتيهم بتشوفين أوجيه ما تمنيتي تشوفينها ,,ها يا ريم وش قلتي
في هذا الوقت كان عمر توه واصل لبيت عمته ليلى وكان لابس نظارته الشمسية السوداء الي تضيف هيبة للي لابسها يدق الباب وراحت الخادمة تفتح الباب
عمر : السلام عليكم
الخادمة : وعليكم السلام
عمر : وين ماما
الخادمة : دقيقة
دخل عمر لبيت عمته في الصالة
الخادمة تدق الباب على غرفة ريم
ليلى : ها يا بنيتي
ريم : أكذب عليك يا يمه ان قلت خلاص لكن بنسى عشانك وأقسى على قلبي
ليلى : هذا الخير لنا كلنا وما ندري وش كاتب لنا ربي,,,مين على الباب
الخادمة : ماما هذا بابا عمر تحت
ليلى : خلاص روحي,,,ريم لازم ننهي كل شي الحين وانا الي بنهيه
ريم : يمه لا يمه لا
اطلعت ليلى من الغرفة واتجهت لتحت عند عمر
سلم عمر على عمته ليلى وحب راسها
عمر بتسم ابتسامة اصطناعية : كيف حالك عمتي
ليلى بنبرة حزم : عمر لو سمحت لا تجي هنا مرة ثانية وانسى بيت عمتك هذا , وانسى ان كان لك بنت عمه ,الي بين وبينك بس ببيت امي أكون عمتك هناك