سارة : يا بنات وياحريم الي تتغطى تتغطى ولدي بيدخل يسلم على أخته وجدته
دخل يعقوب وأول ماشافته الجازي أرتاعت توها بتقوم وامسكتها لينة جلستهلا
الجازي : هديني أخوي متعور
لينة : هو بيجيك نسيتي الحنا
الجازي توها مستوعبة : ايه
يعقوب : كاني جيتش وش هالحلا وش هالزين ( حب راس أخته ) حتى برلك خليني أشوف
لينة غطت رجل الجازي : عيب عليك
يعقوب وهو يبتسم : أختي مافيها شي
الجازي : تبي تشوفه
يعقوب : أيه
لينة : بصطرك ترا أن شاف شي
عائشة وغادة : أهليين
قام يعقوب وباس أيادي خواته ,,, وهو جالس كذا يدور على وحدة بس مو لاقيها
يعقوب بخاطره : وينها بسرعة لا أحد يشك ,,أيه كاهي أتسولف مع وحدة ثانية ولا معطتني وجه الكبر لله
سلم يعقوب على الباقي وطلع عند الرجال كلن فرح لقدومه
بالمقابل كان عبدالرحمن جالس مع عمر في الخارج
عمر : عبدالرحمن تحرك بسرعة
عبدالرحمن : وش فيك تكلم
عمر : أختي نورة جالها خاطب وأمي أموافقة وكلن أموافق حتى أنت وافقت لييه مع أنك
عبدالرحمن أمعصب : شتقووول أنت خبل أنت مين قال أنا أموافق
عمر : أبوي سأل أبوك وانت قلت له ما أبي أحجز
عبدالرحمن يضرب راسه بيده : أنا أحمار أنا غبي حسبي الله علي ليت ألساني أنقص قبل لا أقوله عمر والله موقصدي أختك تدري فيني أبيها وش بسوي وش بسوي بس لا أن مو زي خليل راح أسوي مصيبة لا أنا بتزوجها غصب عن الي ما يرضى أوريك أنا وش بسوي بس مو الليلة بكرا
عدت الليلة على خير والكل فرحان ومستانس الا عبدالرحمن ونورة وعمر
جاء اليوم الثاني يحمل معاه أجمل معاني الفرح والبهجة
سبحان الله فيه ناس يمش لهم الوقت بسرعة وناس ببطيء
الجازي محيوسة مع الكوافيرا
الجازي : عائشة شوفيها وش سوت
عائشة : مش كذا التسريحة الي نبيها كنا طالبن هذي الصورة فهمتي
الكوافيرا: أجل خلينا نبداء من جديد
الجازي : والله أني خايفة ما أخلص بالوقت المحدد
غادة : حبيبتي : حتى لو ماخلصتي أنتي قمر 14
.............
والوليد محيوس مع أعيال عمه الي خذوه المزرعة يسبحونه
وليد : شباب أشوي أشوي
عمر : أفا يا أخوي خلنا أنفركك زين
وليد ك فركوني بس مو تشيلوون الجلد
يعقوب : هالله هالله فيه دعشوه عدل نبيه يلق كأنه قزاز
وليد : صبر يا أبو القزاز في عرسك راح أنظفك أنا حتى العظم بخليه أيبين
عبدالرحمن : المهم بسرعة خلصوا ورانا الحلاق الحين أنخليه يصنفر بوخالد ويسوي له حمام بخار
وليد : الله لا يحيجني لأحد دامكم وياي هذا ينظفني والثاني يقلم أظافري والثالث يستشور شعري وش بقى صيوا بعد حرمتي
الكل : ههههههههههههه
...............................
وجا موعد العرس
جاوا المعازيم
والكل منبهر ببناتنا وجمالهم
الجازي : لينة لا تخليني خايفة حيل
لينة : وش منه الخوف ترا هي فترة قصير وترووح
الجازي : الله يعين يارب
سارة : كلولولولشششششششش ألف الصلاة والسلام عليك ياحبيب الله محمد ماشاء الله بدر في مكانه مبروك يابنيتي عليك
الجازي : الله يبارك فيك يمه
ريم : الجازي كلمي
الجازي : منوا
ريم : كلمي أنتي
الجازي : ألوووووو
ليلى : السلام عليكم مبروووك ألف مبروووك
الجازي : أهلين عمتي الله يبارك فيك والله مشتاقين
ليلى : تكذبين علي تشتاقين لي الليلة بدل بو خالد مايصير
اجازي : فتحي قلبي وسأليه أن كان يرضيك
ليلى : سلامة قلبك المهم ماوصيك هلا هلا بالتصوير أبي أشوف كل شي
الجازي : أفا عليك أنتي أول وحدة بتشوفيين كل شي حبيت تكونين ويانا بس الحمدلله على كل شي
ليلى : الحمدلله
المهم ماوصيك بزوجك خليش مررة مثلي
الجازي : ليتني أصير ظفر من ظفرك ياعمة
ليلى : لا أنتي قدها يله أدري فيك خايفة بس لا تخافين وادعي ربك بالخير فمان الله
الجازي : فمان الله
سارة : حبيبتي يله بندخلك الحين
الجازي : الحين , عطوني دقيقة أسترخي واشم هوا خايفة
بعد دقيقة أدخلت الجازي للصالة والكل مبهور بجمالها لأنها تاخذ العقل بصراحة
أم نواف : مبرووك يا وخيتي
منيرة : الله يبارك فيك
أم نواف : ها ترانا نبي العرس اليوم قبل باشر متى بتردون علينا
منيرة : أبشرك كل الأمور زينه وماشية زي ماتصورتها وأنتي لا تستعجلين على البنت تراهي لنواف مو لأحد ثاني واحنا في ذاك اليوم الي تنسبونا فيه تدرين يكفي انكم جيرانا أول
أم نواف : الله يبشرك بالخير بشرتيني يالله فمان الله
منيرة : المهم خلينا نشوفك الليلة
خلونا نروح للشباب وعرسهم
الوليد بجنبه يوسف وأبوه بالجنب الثاني كان منشغل بالسلام على المعازيم
أما الشباب فكان يعقوب أمرسم مع عمر وأحمد
وسلطان كان ماسك التصوير للعرس من البداية بالمزرعة أماالي بدنيا ثانية وجالس يفكر هو عبدالرحمن
عبدالرحمن :بخاطره : مافي غيره حل , وين أبوي كاهو هناك ,,أبوي ,,,أبوي
إبراهيم : قرب هنا
جاء عبدالرحمن جنب أبوه
إبراهيم : سلم على عمك
سلم عبدالرحمن على صديق أبوه
عبدالرحمن : أبوي أبيك أشوي
إبراهيم : عن أذنك حبيبي بس أشوف ولدي وش فيه
إبراهيم : ها وشفيك
عبدالرحمن : أبوي انت سألتني ذاك اليوم عن أن كنت أبي أتزوج ولا لا
إبراهيم : أيه وقلت لي لا
عبدالرحمن / أبوي أب يأتزوج وبأقرب وقت والجامعة مابقى لي فيها شي باقي فصلين واحد أطبق فيه والثاني أتخرج منه
إبراهيم : خلاص بس أنت مين تبي
عبدالرحمن : أبي بنت عمي
إبراهيم : عمك مين
عبدالرحمن : بنت عمي خالد نورة
إبراهيم جاله هم كبير : وش تقول أنت أختار غيرها ما أقدر
بعبدالرحمن : ليه
إبراهيم : لأن نورة جاها عريس وأخوي ممكن كلمه ولا يصلح تخطب على خطبة رجال ثاني
عبدالرحمن : أنا ولد عمها وأحق من أي أحد
إبراهيم : ياولدي لا تصير زي أخوك وحالته ليه ماتجون الا بالوقت الضايع ليه
عبدالرحمن : ان ما كلمة عمي بكلمه أنا
إبراهيم : كيفك بس أن عطا الرجال كلمة أنا ماني أمزوجك لها عيب علينا
عبدالرحمن : إنشاء الله ما عطاه كلمة بروح له الحين البنات يترقصوون وفرحانين الا نورة راح عبدالرحمن اتجاه عمه خالد
عبدالرحمن : عمي بغيتك بكلمة راس ضروري
خالد : عن أذنكم بشوف ولد أخوي
راح خالد لعبدالرحمن : سم وش بغيت
عبدالرحمن : عمي أرجوك لا تخذلني تراك أخر أمل لي
خالد : وش فيك
عبدالرحمن : أنا عبدالرحمن ولد أخوك أقرب لك من أي أحد ثاني مابقى لي بالجامعة غير فصلين وبخلص عشان كذا بغيت أتقدم واطلب يد بنتك نورة
خالد منبهر بالكلام : ....................
عبدالرحمن : عمي تكلم قول شي
خالد : ماأدري وش أقول لك بس أحب تعرف أن فيه أحد متقدم لها وبعد ما تقدم كلمت أبوك وانت رفضت والحين تجي تقول تبيها لا
عبدالرحمن بعصبية : ليه بأمر مين أبيها لي أنا
خالد : لا مو معطيها أحد غيرك
عبدالرحمن فرحان والأرض مو شايلته : من جدك عمي تتكلم بتزوج نورة أنا بتزوج بنتك نورة ماني أمصدق مستحيل
يوم خلصت الأغنية راحت خالد : ها بس لازم نورة أتوافق
عبدالرحمن : الحين أكلمها
خالد : نعم وش قلت
عبدالرحمن : قصدي عمتي منيرة كلمها حتى هي لازم توافق