الدكتور : كانت كلمات أخوك الأخيرة يا بو راشد هالله هالله بعيالي
ليلى بصوت عالي : سامــــــــــــــــــــــــــــــــــــــي
ريم : يبــــــــــــــــــــــــــــــــــاه
منال : يبــــــــــــــــــــــــــــــــاه
خرجت الكلمات كالريح الخبيثة
وقالت ذهب الراعي وترك الرعية
اصمت ولا تعد قولها يا فتى
فقد قلت قولا لا تتحمله الجبال الأبية
بدء مسيركي يا ليلى فتشجعي
فإنكي لا تعيشين لنفسكي وكوني سخية
بثي حنانكي والزمي فلذات كبدكي
فهم أعطش للحنان من بعد كلمة كالشظية
انقلبت المستشفى بالصراخ والبكاء لا أحد يستطيع ردعهم ولا أحد يقوى على الصمت من دون نزول ولو دمعة الكل يحب سامي وإن لم يحبوه فإن منظر ليلى يكفي للصخر كي يحن ويصرخ
ريم : يباه ليه تركتنا يا يبه مين بيبقى لي مين يا يبه
العنود : ريم قولي لا إله إلا الله ولا حوا ولا قوة إلا بالله
ريم تهذي : بترجع أبوي أن قلتها أكيد يالعنود بترجعه بقولها مرة وثنتين وثلاث كملت أصياح
شيماء : ليلى لا تسوين كذا بروحك خلي قوتك لنفسش ترى أعيال أحوج لش الحين
ليلى : ليه يا سامي تترك علي هالحمل ليه يا سامي فارقتني من دون وداع ما أهون عليك ولا يهونون أعيالك
نورة تصرخ : يمــــــــــــــــه منال منال ما تتكلم
الكل سمع هالصوت وهب لمنال الصغيرة من أخوانها الي ما تنعمت بحنان أبوها كفاية
ريم : أختي أختي تكلمي أرجوك تكلمي
ليلى : منال حبيبتي أنا أمك تكلمي هذا أ[وك راح يجيب لك أيس كريم قومي عشان تاخذينه
منال بصعوبة : وينه بابا قولي له ماأبي أيس كريم أبيه يرجع قولي له لا يجيب شي لي خلاص ما أبي
أنفذت كلمات منال للجميع وحسوا بألم فظيع
عبدالوهاب : قومي حبيبتي خلينا نروح للدكتور (يمسح عبدالوهاب دموعه )
منال : لا ما أبيك أبي بابا وينه
بو راشد ما أستحمل كلام البنت : عطني أياها
منال : لا أبي بابا ماما خليهم يهدوني
بو راشد يصارخ من الحزن والوجع : تسمعون ولا لا أبوكم مات مات سامي خلاص لا تعورون قلبي زيادة سكتوها سكتوها
ركع بو راشد على الأرض وعبدالوهاب يحاول يطيب خاطره
ليلى : لا تصارخ على بنتي وخلوها عندي ابوها راح وما بقى لها غيري
منال : ماما خلينا نشوف بابا
ليلى : يله قوموا خلونا نودعه قومي ريم
ريم /:لا أنا مو رايحه ما أقدر بس يمه سلمي عليه
بوراشد : ما أنتي رايحه أخوي توفى ولا يصلح تدخلون عليه
ليلى والدمع بعينه لكن صايرة فهده: مالي خص بأحد أب يأشوفه ما أصدق انه مات أب يأشوف وخر عن طريقي
حمدان : يمه ما يصلح تدخلين
ليلى : ما أحد له شغل فيني
سلطان : أنا بدخل وياك يله
بوراشد : ما تسمعون مافيه دخلة
أدخلت ليلى مع أعيالها وحاول بو راشد يمنعها لكنها يا جبل ما يهزك ريح
بوراشد : خالد شفت أختك
خالد : وش أقول لك ترا الي جاها مو سهل والله أني أبي أشوفه لكن ما أقدر أخوك مثل أخوي وأكثر ما أدري كيف بيكون حالنا من دونه
أدخلت ليلى مع أعيالها لكنها أول ما شافته أرتاحت يوم شافته يبتسم وهو مرتاح
ليلي تمسك الحاجز مال السرير بكل قوتها تحس أنها تتقوى فيه
ليلى : منال شفتي بابا مرتاح ويبتسم خلينا نخليه نايم
منال : أنا أبي أنام معاه روحوا وإذا حا بجي معاه
ليلى : ماما لا تقولين كذا أزعل خلينا نروح
منال : روحي أنتي وخلني
ليلى مو قادرة تستحمل أتركت منال مع أبوها وأطلعت
عمر : وينها منال
ليلى : تقول ......تقول (تهد الصيحة ) تبي تجلس مع أبوها يمه وينش تعالي لميني يمه
جات الجوهرة تلم بنتها
هيبة عمر بدخل على منال وبجيبها
عمر : روحي
راحت هيبة لمنال لقتها مع أخوها سلطان بالغرفة
منال : أوششششششش لا تطلعين صوت بابا نايم وان صحا بيزعل
هيبة مو مستحملة تشوف صديقتها كذا : منال خلينا نطلع ونخليه يرتاح
سلطان يشوف الموقف وكله حزن على أبوه وعلى أخته
منال : لا هيبة أنتوا روحوا وأنا بجلس مع أبوي يمكن يبي شي
هيبة مو مستحملة صديقتها تعيش بعالم ثاني : منال أبوش مات عمي مات
منال بعصبية : كذابة أبوي مامات أبوي نايم
سلطان : منال أبوي مات خلينا نطلع وهو يرتاح
منال تهجم على هيبة صديقتها وتضربها وتروح لأخوها وتضربها
منال : أنتوا كذابين أنتوا كذابين أبوي مات مات مــــــــــــــــات
تلوي على هيبة وتبكي معاها وهيبة تبكي وسلطان يبكي طلعوها ن الغرفة واتركوا سامي لوحده بالمستشفى جاء اليوم الثاني وادفنوا سامي كان العزاء ببيت سامي مضت ثلاثة أيام كانت ثقيلة على النفس فيها بكى ونحيب ونياحة كل شخص تذكر فيها إنسان متوفي عزيز على قلبه بكى عليه
في اليوم الرابع من وفاة سامي كانت ليلى جالسة مع أخوانها ومعاهم بناتها
يوسف : وش قلتي يا ليلى وين بتجلسين
ليلى : ما يبي لها كلام بجلس ببيتي هنا وماني متحركة
خالد : مايصير كذا تجلسين لحالك
ليلى : معاي أعيالي وأمي بتجلس وياي لأن لينة تزوجت وما بقى لها أحد بالبيت
خالد : كل شي تكلمي فيه إلا جلست أمي معاش أمي بتجلس وياي بالبيت والأمر أنتهى وأنتي كيفش أعيالش يبي لهم مين يداري عليهم وانتي حرمة وش بتسوين لحالك
ليلى : هالحرمة من زمان متحملة مشاغل البيت هالحرمة عندها أعيال بيوقفون وياها
خالد : كيفش المهم أنا أترخص وعلى فكرة وش بتسوين بقضية الورث والشركة
ليلى : كل شيء على ماهو عليه وراح تكون أنت النايب عني وعن أعيالي في كل بوكلك وكالة عامة
خالد : براحتك الي تشوفين صح سويه مانتي صغيرة أنعلمها الصح من الخطاء
مشى الكل وما بقى غير ليلى وأعيالها وعمر وهيبة
عمر : عمتي مو محتاج أوصيك أي شي تبينه أمري بس أنتي وراح أسويه لك
هيبة : كيفش منال
منال : إنشاء الله أحسن هيبة ............ سامحيني على الي سويته لش بالمستشفى والله غصب عني
هيبة : الحين بزعل أنا أزعل من صديقتي وحبيبة قلبي
سلطان : ليتنا أمصورين الي سويتيه فينا كلن عرفتي كيف ضربش يعور
منال : هاااااا قلت لكم أنسوا
سلطان : خلاص يالغالية نسيت
قام عمر واخته وودعوا ليلى والعيال
مر أسبوعين والكل متضايق على وفاة سامي حتى أن لينة ما خبروها ولا خليل عشان ما ينزعجون