لاتظن إني ما أحبك ..... <<<<<< قصة روووووعة ..

[صمت الجروح]

الجزء الثالث والعشرين
عصر يوم السبت في بيت يوسف
الجازي: يعني خلاص مابقى الا أسبوع وبعدها تنتهي قصة حبي وتبداء قصة ثانية قصة الله العالم فيها وبعواقبها قصة الجازي والوليد هالأنسان ما عمري حسيت أنه يحبني وفجاءة من دون أي مقدمات تغير كل شي وجلس يدافع عن حبه كيف أقول حبه وأنا ما أدري أن كان يحبني ولا لا ليش تسوي كذا يا وليد ما عمري كرهتك ولا حبيتك أعتبرك ولد عم لي وا خو خربت حياتي ونهيتها أنت الي قررت بدايت النهاية أنت الي صنعتها وبنفسك راح تنهيها, كان خليل أهههه يا خليل ما أدري وش تسوي الحين لكن الي أعرفه أني باقيه بقلبك للأبد وأنت كذلك ما راح أنساك ياليتني أموت ولا أشوف اليوم هذا يوم أني أزف لغيرك لكن أعرف أن هاليوم حتكون فيه أنسانة غير الي تعرفها غير الجازي الي حبيتها وتمنيت تراب رجليها غير الي قاومت الكل عشانها ذيك الجازي لك أنت وحدك ماله أحد حق فيها أنت الي صنعتها أنت الي كونت مشاعرها دايم أتأملك وأتأمل كل شي تسويه كل يوم أكتشف فيك شي جديد كل يوم أعرف منهو حبيبي أهههه يا خليل ليتك ترجع وتوقف هالمهزلة
جلست الجازي تبكي في ظلام غرفتها الي ما دش لها نور من بعد غياب خليل
الجازي : جد أني كذابة ومنافقة يوم أقول روح ولا ترجع ويوم أقول أرجع لي يالجازي وش تبين خبريني وحددي هدفك أنتي مبعثرة ضايعة في عالم ماله نهاية وحتمين كذا لين ربك يشاء غير هذا
خليل أرجع لكن لاترجع
حبيبي وقرة العين أحضني لكن لا تقرب لي
قاوم العالم كله من أجلي لكن لا تطاوعني
أحبك حب الصحاري للمطر
أحبك عدد ذرات الرمل
حبك بقلبي والحشا مدفوناً ماله أثر
ياصاحب الذوق الرفيع لا تحزن على بقايا أسمها الجازية
أنت سلبت روحها من غيابك
والكل أمفكر أني معاهم
لا تظنون أني بليا مشاعر انهي حبي متى بغيت
حبي مانولد بيوم وليلة
حبي ربيته وأنا أمه
حبي علمته كيف التضحية وانا أبوه
علمني هو مين حبيبي من أول ما شافته عيوني
طقطقطقطقطق
سارة : الجازي يمه فتحي
الجازي تمسح دموع الكتمان وتفتح الباب لأمها
الجازي : خير يمه
سارة : يله بنروح السوق أنكمل الأغراض لك
الجازي : ليه أغراض وملابس وغيرها خلاص مليت
سارة : يا بنيتي ليه تقولين كذا أنتي مو فرحانة
الجازي بخاطرها : الفرح غادر قليبي من بعد غياب الخليل
سارة : جازية وين رحتي لا يكون تعبانة
الجازي بخاطرها : وش ذنبها أمي أخليها تزعل بسبتي عشان أني مو فرحانة أمي لازم تفرح أنا أول بناتها الي بيتزوجون لا تصيرين كذا يالجازية أنانية خلي غيرك يستانس وانتي مو لازم
الجازي : خلاص يمه روحي لبسي عباتك وانا جاية وراك
البست الجازي عباتها واطلعت مع أمها السوق وقمر وغادة وعائشة وياهم
……………….
عمر : ها أخوي ما قلت لي كيف النتايج
زميل عمر: أبشرك كل الي قلتي أنقبلو ا بالكلية ريم سامي وغادة يوسف إحياء وعائشة يوسف فيزياء
عمر : الله يعطيك الف عافية وانشاء الله نخدمك بالأفراح
زميله : لا تنسان من البشارة أهم شي
عمر : أبشر حقك محفوظ وما نأخرك فمان الله
زميله : فمان الكريم
عمر : يا فرحتي الحين أقدر أروح بيت عمتي وابشرها
عمر راح بيت عمته يبشر ليلى
……………………
في بيت الجوهرة كان الوضع سكون غير أن فيه دوشة داخل غرفة لينة
لينة : فيصل قلت لك ما فيه روحه
فيصل : وليه عاد
لينة : تسأل بعد ليه كأنك مو عارف
فيصل : عارف بس أنتي ليه يروح تفكيرك لبعيد أنا رايح مع الوالد
لينة : ولو ما تروح البنات هناك حلوات قصدي أزبالات
فيصل : ههههه ليش كل هذا الصراخ ما تقولين
لينة : لأنك لأنك حبيبي وأغار عليك
فيصل : حلفي أنك تحبيني وتغارين علي
لينة : والله العظيم وبرب الكعبة أحبك موت
فيصل : ليه أنتي ظالمة تبين أتعبيني بس أنا كيف أجيك الحين لازم أضرب خط
لينة : ليه
فيصل : أخاف أموت وأنتي مو جنبي تدرين قلبي ما يقوى على الكلام الحلو
لينة : أجل كيف تتركني وتروح للفلبين
فيصل : قلت لك يا حياتي عشان أبوي ولا أقدر أخليه يروح لوحده
لينة : والله بتوحشني
فيصل : أيوه يا سيتي أولي زيادة
لينة : أنقلبنا مصاروة خلنا سعوديين المهم فيصل تعرف أني ما أقدر على بعدك بس عشان عمي بتروح لكن أنسى تعيدها
فيصل : وابشرك بنروح تايلند
لينة كانها تبكي : لا لا الا هناك
فيصل : صدقتي ولا يهمك تعالي معاي
لينة : ياريت اتمنى اليوم الي يجمعنا ونكون بعش واحد
فيصل : تدرين حبيبتي فيه مقولة تقول البنت قبل الزواج ما تتمنى شي غير الزواج لكن من تتزوج يا هي طلباتها ماتخلص بتطلب كل شي عكس الرجل الي قبل الزواج كل شي يبيه بس بعده مايبي شي غير يكونون أهله مرتاحين
لينة : مين الي قالك
فيصل : والله قاريها من كتاب
لينة : أنت تقراء كتب
فيصل : أقول راح تعرفين ضرتك الي بالبيت بس تعالي
لينة : أيا الخاين تغشني وتكذب على أهلي أفرك متزوج
فيصل : لينة لينة وش تقولين أقصد الكتب أنا أعشق القرايه
لينة : أهاا تحب القرايه أجل خذ راحتك بس اياني وياك تسوي غير هالشي
فيصل : تدرين كنت أعايب على الرجال الي يخافون من حريمهم وكنت دايم أسال ليه الحين عرفت ليه
لينة : زين عرفت
فيصل : حبيبتي تدللي وش تبين من هناك
لينة : أبي سلامتك بس
فيصل : خلش عن المنافق
لينة : كذا يا فيصل تظن أني أنافقك أجل باي وراح تعرف من الي ينافق
سكرت لينة السماعة
لينة : أنا أنافق وعلى مين زوجي خله يجلس الحين يحرقص
فيصل : وش سويت أن هاللسان يبيله قص الحين كيف أراضيها خلني أدق مرة ثانية
الجوال يدق عند ينة لكنها مو رافعته
فيصل : هذي ثالث مرة أدق ولا ترفعها يا ربي وش هالورطة مع هالبنت ما فيه غير حل واحد أنزل الحساء واقابلها وبالمرة أودعها
جهز فيصل أغراضه وودع أهله
………………………….
في بيت سامي
سلطان : يمه أتوقع أنك تعيانة
ليلى بخاطرها : وكيف ما أتعب بعد ما حملت هم ثقيل على قلبي ما أقدر أشيله لوحدي
سلطان : أمي اكلمك
ليلى : هلا حبيبي وش بغيت
سلطان : لا أنتي جد تعبانة , أبوي شوف أمي وجها شاحب
سامي : ليلى وش قلنا خلاص
ليلى بخاطرها : وش تبيني أسوي أضحك ولا أرقص خبر وفاتك ما هو سهل علي
سامي بخاطره : أعيالي يا ليلى لا يدرون لا تحسسيينهم بشي
ليلى بخاطرها : أدري وش تبي لكن
جرس الباب يطق
حمدان :قوم أفتح الباب
سلطان : وانت ليه ما تقوم
حمدان : انا الأكبر ولازم تطيعني
منال : أنا ماني قايمة لا تطالعوني
ريم : لا أنت ولا أهي أنا الي بقوم أفتح الباب
ريم : الو مين
عمر بخاطره : هذا صوتها أكيد
عمر : السلام عليكم
ريم : وعليكم السلام , سكتوا ما أسمع
عمر: بغيت عمتي موجودة
ريم : منوا أنت
عمر : أنا أنا عمر
ريم بخاطرها : كيف ما عرفت صوته كيف
عمر : الو لبنان
ريم : هلا دقيقة أدخل المجلس
دخل عمر المجلس
ريم : أمي هذا عمر بالمجلس
ليلى : وش فيه جاي بعد
سامي : ليلى وش قلنا , وانتي وش فيك تخربصتي بس دريتي ولد خالك هنا
ريم : ها لا ما فيه شي
ريم بخاطرها : عمر هنا ما أنسى هذاك الموقف بالمجلس
عمر : ياربي هنا كان أجمل ذكرياتي شفت فيه الغاية (غصن البان ) شفت ريم حتى أسمك حلو وش الي فيك مو حلو قولوا لي
ليلى : السلام عليكم
عمر : وعليكم السلام والرحمة