مها : عبدالوهاب وخر عني تراك أتعورني

عبدالوهاب : أبي أسمع هالولد ذا ليش دايم يذيك

مها : والله مو هو الا أبوه مذيني

عبدالوهاب : مها أرجوك لا تطلعين بكرة قدام المعازيم كذا بدبتك بتفشلينه

مها : بسم الله عليك أنا أحلى ألف مرة كذا ولا

عبدالوهاب : الشهادة لله أنتي من همرك أحلى وحدة تشوفها عيني

مها : أدري

عبدالوهاب(بخاطره): لأنك صاكة علي أبي أشوف هالتلفزيون زين موقادر

ما أشوف إلا أنتي

مها : شتفكر فيه


عبدالوهاب : أفكر بالولد الجاي

مها : وأن كانت بنت
عبدالوهاب : الي يجي من الله حياه الله بس أن كانت بنت بسميها حواري

مها : ماشاء الله عليك الأسامي الي تجيبها دوم حلوة , أما أن جاء ولد

بسميه أنا

عبدالوهاب : لا حبيبتي أمسمي روحه هو قبل لا يجي


مها : وش أمسمي روحه ياحياتي

عبدالوهاب: ولدي هو بو سعود عبدالعزيز بن عبدالوهاب بن

عبدالعزيزالحمد

مها: ترا كنت بسميه نفس الأسم على أبوي وأبوك عشان نكون متعادلين

عبدالوهاب:انزين حبيبتي روحي المستشفى وعرفي هو ولد ولا بنت

مها : أساسا هم قالوا لي

عبدالوهاب/: قالوا لك هو ولد ولا بنت

مها : لا قالوا تبين تعرفين ولا لا , قلت لهم الي يجي من الله حياه الله ,

ورفضت طبعا

عبدالوهاب: شسوي فيك أنتي غير أني بهجرك ساعة بالكثير وبرجع لك

كأني مطاط أنشد مليان شوق

مها : خذ معاك أسيل ترا أمتعبتني كثير

عبدالوهاب: صدق بابا

أسيل : لا

عبدالوهاب : أنزين وين تبين تروحين

أسيل : أبي بطاطس

عبدالوهاب: أخيرا نطقتيها صح

أسيل : بابا بابا علي يجي ويانا

عبدالوهاب: خلاص علي يجي ويانا من الحين تحجزين حق روحك

مها : بسم الله على بنتي بتشوف أن طول الله بأعمارنا المعاريس يتمنون

تراب رجلها بس هي الحين متواضعه

عبدالوهاب : ول خذيتيني شراع بلا مجداف خلاص عيب لا تحجزين حق

روحك أسيل عيب

أسيل تنزل راسها وترفعه موافق على كلام أبوها

عبدالوهاب: يله أسيل أنروح حق علي

........................................



الكل تجمع في بيت الجوهرة بعد العشاء

خالد : إبراهيم كيف وليد الحين

إبراهيم : نسيت أخبرك , وليد يسلم عليك ويتأسف

على الي صار منه ولا يدري كيف يعتذر

لكن وصاني أني أخبرك أنه غلط عليك

وعلى وليد وعشان كذا يعتذر منكم ويطلب

منكم أمسامحته لأنه سافر لأمريكا اليوم العصر

خالد : من جد تتكلم سافر

إبراهيم : أيه وصلته أنا للمطار راح يكمل دراسته هناك وقبل لا أنسى ,

وليد

وليد : سم عمي

إبراهيم : تسلم , خليل يبارك لك الخطبة من الجازي ويتمنى لكم الخير

من خالص أعماقه

وليد والغيض بقلبه على الي سواه خليل : الله يبارك فيه ويوصله سالم

يوسف: أنزين الحمدلله على كل شي وش صار على بكرة أغراض وعشا

والزي منوه

خالد : عبدالوهاب هو الي متكفل بالأكل

وكل شي هو الي قال , الا وينه هو

يعقوب : طلع مع أسيل وعلي أخوي