قام وليد من دون أي مقدمات وطلع
عبدالرحمن : وش فيه
يعقوب : علمي علمك
ابراهيم : قولي فيصل وش اخبار الأسهم
فيصل : تدري عاد ودي اقول لكم مشروع ناجح حطوا شركتكم اكتتاب راح تربحون
يعقوب : والله فكرة انسويهاا اكتتاب وشوف الفلوس الي بتجي
عبدالرحمن : خلاص ادرسها لكم واقول لكم النتايج
فيصل : والله صدقتوا امزح معكم
عبدالرحمن : عاد الي الي صادق معك بس ابي اجاريك
عبدالوهاب : خلكم من خرابيط الأسهم وخلوني اقول لكم عن خليل وسوالفه في امريكا
يعقوب : اخيرا بنعرف شي عنه اهم شي سوالف كايدة نبي عشان ان جاء نعرف نمسك عليه شي
عبدالوها ب : أجل خذوا هالسالفة
................................
الجازي : يمه شيماء وين العنود من جيت ما اشوفها
شيماء : .............
الجازي : وش فيك يمه وين العنود
شيماء : فوق جالسة مو راضية تنزل
االجازي : وش فيها
شيماء : ما فيها شي بس تصيح عليك
الجازي : علي انا ليه وش صاير
شيماء : روحي لها وسأليها
الجازي : خوفتيني عليهاوش صاير
شيماء : روحي وبتعرفين كل شي
الجازي : ان شاء الله
راحت الجازي للصالة الي فيها لينة ومها
لينة : وين بتروحين جازي
الجازي : بروح اجيب العنود شكلها زعلانة علي
لينة: أجي وياك
الجازي : لا بروح انا لوحدي وانتي استفيدي من مها في سوالف الحمل
لينة : أي والله ذكرتيني مها احس بألم من وقت لوقت وش هذا
الجازي : الله يعينك مها عليها
الجازي اصعدت فوق وطقت باب الغرفة
العنود : قلت ما ابي اشوف احد قول يلهم اني مو هنا
الجازي : العنود انا الجازي
العنود بخاطرها : اخيرا جيتي والله ما ارد عليك انتي السبب
الجازي: ادخل ولا لا
العنود بخاطرها : ماراح ارد
الجازي : بدخل بسم الله
كانت العنود منسدحة على السرير وحاطه البطانية عليها ومغبية وجهها بالبطانية
الجازي : السلام عليكم
العنود : .................
الجازي : ما تبين تردين بكيفك بس قولي لي وش فيها عروستنا القمر
استعدلت العنود واجلست بقرب الجازي
العنود : أيسأل ومالك في المدينة وانتي مالك قولي لي وش فيك يا قمرن الا قمرنا ذيك اول بس الحين يا
الجازي: انا مو قمر الله يسامحك ادري صرت مو قمر لأني غيري أخذ هالمحلة مني غيري الناس تبيه وهو مو معطيهم وجه
العنود بخاطرها : وش فيها الجازي وش قصدها بكلامها
الجازي : ها وين رحتي
العنود : هاااا لا وياك وياك
الجازي: العنود ذبحتيه رحميه اشوي الولد تعبان ما بقى الا اشوي وتجيه سكتة قلبية
العنود : عن وش تتكلمين
الجازي : اتكلم عن اخوي يعقوب متعذب بسبب فلانة
العنود : ادري انه متعذب فيها ويبيها امبين هذا من زمان
الجازي : يعني تدرين
العنود : ايه ادري المفروض انتوا دريتوا قبلي مو انا قبلكم
الجازي: لا هذي ما احد يقدر عليها الا نتي انتي الوحيدة الي تقدرين تحسين فيها تدرين جاني الولد تعبان يشكي حاله قلبه ملتاع في حبها جننتيه شوفي له حل يبي القرب اخوي
العنود : وش فيك عن مين تتكلمين
الجازي: شوف هذي الي يقول مو دارية عن شي
العنود : جد والله عن ايش تتكلمين
الجازي : عنك ويعقوب الولد يبيك وش قلتي
العنود : انا
الجازي : ايه انتي
العنود بخاطرها : كيف انا كنت اتوقع ...... وش فيه هذا يكلم اخته عني المفروض يكلمها عن .....
الجازي : ها وين اسرحت القمر
العنود اوراقها متلخبطة ما تدري وين تحطها الأفكار ووين ترحلها
الجازي: وش قلتي الولد يبي رد عشان يتقدم رسمي
العنود بخاطرها :مستحيل اوافق على يعقوب هذا كذاب يظهر شي وباطنه شي ثاني وما فيه حد اكشفه غيري
الجازي: مليت حبيبتي من الأنتظار ابي اعرف كيف كان ينتظر كل هذا الوقت
العنود : الجازي وش فيك الزواج مو لعبة ولا القرار يجي من يوم وليلة يعني خليني افكر وراح ارد عليك بس صبري مثل ما صبر اخوك على قلتك
الجازي: يكفي انك بتفكرين فيه والحين يله نزلي بنزل لهم صيفت عليهم مع السلامة اشوفك تحت
العنود : مع السلامة
اطلعت الجازي والعنود جالسه على سريرها لازالت اتفكر
العنود : هذا ما يستحي يرسل اخته يبي يسوي مسرحية عشان يقرب لي لا والف لا, لو ما بقى في الدنيا غيره ماراح اخذه ,كذاب وانا ما احب الكذب ابد............ شوف هذي اطلعت من دون ما ادري وش فيها هين يالجازي بدل ما اعرف وش فيك جالسة تحلين مشكلتنا ...قلت انك طيبة وطيبتك لغيرك مو لك
.................................................. .....
في بيت الجوهرة كان الكل متجمع هناك كعادتهم
البنات جالسين مع بعض عائشة ونورة وهيبة وغادة
والحريم مع بعض ملتمات قمر وسارة ومنيرة الي كانت طول الوقت اطالع الجوهرة الي كانت اتكلم بنتها
الجوهرة اتكلم ليلى على التليفون : يمه تعالوا ما فيه حد
ليلى : امي دام هذي موجودة بينكم مستحيل اجي امي هذي اهانتني واهانت زوجي وش تيبن بعد كلكم ما تقدرون عليها كلكم اتجارونها ليش وش امسويه فيكم هذي امي خلاص كافي تعبت وانا اتكلم مع السلامة خليني بين اعيالي اقلها كرامتي ماهي في الأرض
الجوهرو : يمه مين قال ان كرامتك عندنا في الأرض...........
ليلى : ............
الجوهرة : يمه وينك
طوط طوط طوط
الجوهر : حسبي الله على من كان السبب
منيرة : وش فيك عمتي
الجوهرة : ما فيني شي جهزوا العشاء نبي نحطه
قمر : راح انشبه انا مين بيساعدني منكم يا بنات
البنات يطالعون قمر وكلهم في نفس الوقت : لا لا لا
عائشة : لا الا انا بقوم وياك خلاص ما بقى شي لازم اتعلم كيف ينشبون العيش
نورة : ههههههههههه المهم الملاس لا تنسينه اهم شي تدرين غرت منك بقوم معك
هيبة : اما انا ما راح اغار ماني ناشبة العيش بجلس هنا مع غادة ولا بتروحين معهم
غادة : لا بتم هون كرمال هالعيون السود
هيبة : هيه انتي انتي بنت مو ولد تتغزلين فيني
غادة : ولو بدي اتغزل فيك شو فيها
هيبة : ما فيها شي تغزلي اقلها فيه حد يلاحظ جمالي الساحر
نورة من بعييد تعك بوجها : هاش كفوش أي جمال ساحر أي بطيخ
هيبة : يممه شوفي بنتك الناس يتغزلون فيني وهي تعك بوجهي
منيرة : ما عليك منها
هيبة : اقول نورة القافلة تسير والكلاب تنبح هو هو هو
نورة : اوريك ان رجعت لك يا سحيلة يا ام الخلاقين
هيبة : ان خاطبك السفهاء فقل لهما سلاما نورة سلاما
نورة: هين هين انا سلاما بس خليني انشب واجيك
الكل يشاهد مسرحية متكررة بين نورة وهيبة اختها
منيرة : عادي هذا حالنا يوميا سلاما وشلب ينبح يقول هاو هاو
اثناء ما كانوا البنات يعدون الأكل كان جوال عائشة يرن
سارة : يمه عائشة تعالي جوالك يرن
عائشة : كاني جييت وين الجوال
تاخذ عائشة الجوال وتشوف اسم المتصل (( بديع الزمان ))
رد مع اقتباس
المشاركة الأصلية كتبت بواسطة همسات وله
المفضلات