الجزء [21] والأخير من قصة ليش تزفوني لقبري؟؟




مها : جوفي ..... وحده للخطبه ...... ووحده للملجه ...... ووحده للصبحيه والعرس حاله ثانيه .
الريم : اوكي خلونا نسير نجوف الكتلوجات اللي عندهم ونختار .
الكل : أوكي.
كان عبدالله ميت من الوناسه لأنه العذر كان جذبه والثياب هاي كلها حق خطبتهم وملجتهم .
الريم : ها حلو صح ؟
مها : بس وايد فاصخ .
الريم : عادي نقوله يسوي مستر .
مها : لا لا إنتي ثيابج لازم تكون شوي أحلى من جيه .
الريم : لا لازم تكون عاديه وحلوه .
مها : سمعي كلامي .
الريم : اممممممم أوكي شو رايج فها ؟
مها : لا وايد عادي .
جرب منهم راعي ا لمحل : تفضلوا شو بدكن ؟
مها : نبا شي يديد وغريب وحلو ومتستر .
الريال : تكرم عينك خيتو تفضلي .
عطاهم كتلوجات حق ثياب حللللللللوه وتخبل .
مها : ها حلو .
الريم : لا شو ها لو انا اللي بملج مابلبس ها .
مها : لالا والله حلو حق الملجه .
خليفه : سمعي الكلام .
الريم : لا وااااااايد شغل فيه .
مها : ريامي حرام عليج بيستوي يخبل عليج .
الريم : بس شو بيقولون عني الخلق ؟
مها : مابيرمسون بالعكس بيمدحون .
علاو : هيه والله محد يروم يرمس عن صاحبة الملـــ... البيت .
الريم : لا لا أخاف يقولون أشياء موب أوكي .
حارب : ماعليج منهم الناس خذيه ريامي والله حلو .
الريم : ياربييي إنتو موب فاهمين هاي العروس بتلبس أقل عن جيه وأنا بنت عم المعرس بلبس جيه ؟
ذياب + شهاب : لا لا ماعليج إنتي خذيه وصدقينا محد بيرمس .
الريم: أمري لله ها حق الملجه وانتي شو بتاخذين ؟
مها : ها ؟
الريم : لا والله ؟ لا حياتي انا وياج بنطقم .
كلهم مره وحده : لا لا .
الريم : بسم الله بلاكم كلتوني ؟
ذياب : حرمتي بتلبس غير عنج .
الريم : أوكي بس طع شو اختارتلي وشو اختارتلها أنا مالي وايد هيه هادي .
ذياب : أوكي هذا خليه حق الخطبه .
الريم : هيه هذا حق الخطبه ... بس انا أفضل ما أحضرها .
شهاب : لا لا شو ماتحظرين لازم تحظرين .
نافع : الخطبه من دونج ماتنفع .
مانع : وماتسوى .
الريم : شحنتوا غروري مشكووورين .
مها : أوكيه الحين هذا حق الخطبه باجيلي الملجه والصبحه وانتي الخطبه والصبحه .
الريم : موب ها حلو حق الخطبه ؟
مها : نعم ؟
الريم : هيه حلو .
مها : لا لا موب حلو .
الريم : إنتي شكلج متوحمه عشي ... كل شي أختاره مايعيبج .
حارب :لأنه مايناسب .
الريم : الله يخليك ها مايناسب الخطبه ؟
حارب : بصراحه لا .
الريم : انزين شو رايكم تختارولي ثيابي إنتو وتريحوني .
الكل : أوكي .
وبعد ما اختاروا وبعد ظرابه ويا الريم وافقت عاللي اختاروه .
الريم ) تتحرطم : إنتو شو مختارين الله يخليكم عرس ولا خطبه وملجة ولد عمي ؟
ذياب : لا عادي ريامي ها ولا شي .
الريم : لا وسألتوا عن محل نعول أعراس وحفلات ؟
علاو : وانتي ليش مضايجه ؟
الريم : بس جيه مادري ليش .
سعيد : لا عادي بالعكس الثياب اللي اخترناها كانت حلوه وتناسب .
الريم : تناسب شو بالله عليك ...... والله العروس بتلبس أقل عني .
سعيد : اممممم عادي بعدين بتقولين الحمدالله اخترت جيه .
الريم : على فكره انا مااخترت شي انا انغصبت اختار الاشياء .
مها : ويييييييييييييو .
ذياب : بلاج ؟
مها : نسينا نسأله عن محل ثياب أعراس .
ذياب : لا لا أنا أعرف محل مصمم .
مها : الحمدالله .
الريم : وليش بعد ؟
مها : راشد طالب كتلوجات من عندهم .
الريم : حليله ولد عمي شكله مستانس .
عبدالله : أكثر عن ماتتصورين .
الريم : عساه دوم يارب .
عبدالله : آمين .
الريم : أرمس عن رشوود موب عنك .
عبدالله : وأنا بعد أرمس عنه .
الريم : أنا خلاص تعبت خلونا نرد مره ثانيه .
ذياب : لا خلينا نخلص الحين ونرتاح .
وساروا محل النعول .
ذياب : كل وحده تختار حق عمرها .
مها : ها حلو حق ثوبج مال الملجه .
الريم : يعني بس موب جنه وايد عليه الوان .
مها ) بطرف عين : تعرفين شو ريامي ؟
الريم : خير .
مها : قعدي مناك ونحن بنختارلج بعد .
قعدت الريم و حارب وسعيد وعلاو يظحكون عليها .
الريم : جب شو يضحك ؟
حارب : هههههههه والله ياناس مااروم طاعي شكلج .
نافع : حرام عليكم .
مانع : بييكم يوم .
سعيد : أنا ما أظن .
مانع : لا أظن ياعمري .
سعيد : انا موب عمرك .
نافع : عمره حرمته .
شهاب : خخخخخخخخخخخخخخخخخخخخ .
نافع : ها عبوود ؟
عبدالله : ها .
نافع : بلاك ؟
عبدالله : ماشي .
مانع + خليفه + حارب + علاو + سعيد : هههههههههههههههههههههههههه الأخ نايم في العسل .
عبدالله : جب لا .
الريم : خخخخخخخخخخخخخخخ استحى أول مره أجوف واحد مستحي .
عاد هني كلهم نقعوا من الظحك .
الريم : إنتو شي بلاكم والله .
علاو : ههههههههه لحظه بس ......... ااااااااه ياريام قسم بالله تنقعين من الضحك .
الريم : ماقلت شي يظحك .
عبدالله : ممكن تنجبون ؟
الكل : أوكي .
الريم : مشكور سويت فيني خير اليوم كلهم منقعين أو العداد عندهم متفتف .
عبدالله : عفوا .... فأي وقت .
مها : خلصنا .
الريم : أجوف شو اخترتي .
مها : لا في الشقه تجوفين كل شي وتلبسين خليني أجوفه عليج .
الريم : ياربييييييييييييييييييي.
الشباب : هههههههههههههههههههههههههههههههههههههههههههههههههه .
سعيد : الله يخليكم خلوني أقول الحين بتستوي السالفه أحلى .
خليفه : سد حلجك أحسن .
سعيد : ههههه أوكي .
الريم : لا خلوه يقول ...... شو مستوي ؟
سعيد : لا لا مافيني أخوج يكفخني .
الريم : جبااااااااااااااااااااااااان .
سعيد : اعترف .
الريم : مامنك فايده .
الكل : هههههههههههههههههههههههههههههههههههههههههههههههههه هه.
سعيد : مشكووره .
الريم : عفوا لو تبا بعد أي وقت .
سعيد : لا ما أبا جيه ويكفي .
الريم : خلاص أوكي ......... انا فيني رقاد .
مها : نو فديتج وين بتشردين بتلبسين الثياب لبسه لبسه وبنجوفه عليج بعدين بترقدين .
الريم : انتي فهمتي اللي اباه ؟
ذياب : ههههههههههههه والله انكن نكته .
وفي الشقه :
حارب : أوووه الحين ها كله تقايس أبا أجوفها موب مصدق إختي بتعرس .
ذياب : اشششششش هي ماتعرف وما نباها تعرف الحين .
خليفه : مهااااااااا يالله .
مها : الحين يايه .
ويتهم الريم لابسه ثوب الخطبه .
حارب ) يصفر : حلو والله عاشت اختي .
علاو : بصراحه يخبل .
نافع : روعه .
مانع : من كثر ماهو ماشاء الله حلو موب رايم أعبر .
شهاب : حلو والله .
الريم : موب جنه حق الملجه أحسن؟
ذياب : لا .
الريم : والله إنه وايد .
خليفه : يابنت الحلال سكتي ........ نحن قلنا أوكي يعني أوكي .
الريم : امري لله .
حارب : يالله دور الثاني .
الريم : الله يعني .
وبعد ماجربت الثياب كلها وقعدت : ياربيييييي تعبت .
كانوا كلهم ماسكين الكتلوجات اللي اشتروها حق ثياب العروس ويجوفون شو أحلى .
ذياب : ها حلو .
مها : لا لا موب حلو .
شهاب : شو رايكم فها ؟
خليفه : تعرفون شي ؟
الكل : لا شو ؟
خليفه : أول مره أسمع عن وحده بتعرس يختارون ثيابها رياييل .
الكل : هههههههههههههههههههههههههههههههههههههههه.
حارب : شششششششش رقدت .
مها : حليلها هلكت هي روحها ما تحب السوق .
عبدالله : عادي أختار .
مها : مع السلامه مع الباب إنت ممنوع ادش أصلا .
حارب : يالله من غير مطرود .
عبدالله : ملااان بروحي فالصاله حتى سعيد هنيه .
خليفه : سعووووووووووووووووود.
سعيد : عرفت .... ) وقام يقعد مع عبود ).
حارب : ها حلو .
مها : وايد حلو .
ذياب : موب جنه وايد بدري نختار من الحين ثوب العرس ؟
مها : لا بس بنجوف مابنختار بعدين بعد فتره بتنزل موديلات يديده .
شهاب : انزين أصلا جيه ولا جيه هي بتعرف بعد الملجه خلوها تختار .
مها : وولد أخوك عاطي حد فرصه يدور بين الملجه والعرس شهر وشوي .
شهاب : وايد مايكفي ؟
مها : لا فستان العرس صعب واذا نبا مصمم يسوي الفستان عالأقل يباله شهرين وباجر عالملجه أصلا ثلاث شهور .
ذياب : توني أحس إنها صغيره .
مها : إنتو حرام عليكم بصراحه اللي قلتوه ..... كنتوا موافقين وهي توها ما بتظهر من الجامعه بتعرس .
مانع : شراتج ؟
مها : أنا غير وهي غير .
ذياب : الله يعينها يارب .
حارب : آي لا تجلبونها مناحه هو ماشاء الله عليه أول سنه جامعه ويشتغل وعنده سياره ويروم يتحمل مسؤولية بيت وعايله .
خليفه : هيه صح لا تخلوني أحس بالذنب .
علاو : لا صح كلام مها هي بعدها صغيره وصغيره وايد بروحها شكلها بيبي .
ذياب : من ناحية شكلها لا هي موب بيبي بس وايد ضعيفه وناعمه عشان جيه .
خليفه : إختي صغيره وبتعرس في الصيف حرام عليكم .
مها : تو الناس صباح الخير .
شهاب : ليش مانخلي العرس فنص السنه اليايه والملجه فالصيف .
عبدالله ) ياي من الصاله : إنتو محد يخليكم بروحكم تفجون مواضيع منتهيه ولا ناسيين إنه يدوه هي اللي حددت العرس والملجه ؟
مها : هيه والله بتزعل الوالده لو أجلنا .
خليفه : خلاص عيل لا ترمسون عن هالموضوع وهو منتهي .
اليوم الثاني قامت الريم ولقت الكل موجود .
الريم ) لوت على أبوها : باباتي .
أبو الريم : ههههههه شحالج الغاليه ؟
الريم : موب بخير .... كسروني أمس بغيت أمووت ماخلوني أرتاح من المطار أقولهم أبا أسير أرقد يقولون لا بنسير السوق نشتوي أغرض حق عرس رشووود .
أبو الريم : هههههههههه حليلج .
مها : عوذ بالله منج ومن لسانج الحين منو قال إنه مافيه رقاد يوم ظهرنا من المطار ؟
أم الريم : ماعليج منها تتغلا على أبوها .
مها : من طرينا السوق يا الكسل والنعاس والتعب وكله .
أم عبدالله : قلنالكم موب هينه فالسوق .
أم خليفه : ههههههه فديتها والله بنتي .
الريم ) سارت ولوت على ام خليفه : اماه والله هلكت طاعي كيف ريولي متورمه .
أم خليفه : ليش مسويين جيه فيها لاحقه عالسوق .
خليفه : هههههههههه محد قالها تقول إنها نشيطه وما فيها رقاد .
أبو خليفه : يعني هو عقاب ؟
حارب : لا والله ماتهوون علينا فديتها تعالي إنتي عندي .
سارت الريم وحطت راسها على ريول حارب ورقدت .
علاو : هاي صج راقده ولا تتفلسف ؟
ذياب : لا ريام ماتروم عالسوق وتتعب بعد ماتسير السوق .
علاو : خخخخخخخخخخخخ حليلها .
سعيد : الله يعينها بعدنا فالبدايه .
عبدالله : عمري ماجفت وحده يستوي فيها جيه .
حارب ) يصاصر عبود : إنت ما بتاخذ أي وحده انت بتاخذ الريم شيخة الحريم .
نزلت دمعه من عين الريم وما انتبه غير سعيد اللي غير الموضوع بسرعه .
مرت ايام لبنان عالريم وهي عالفراش بين حمى ومستشفى وسعيد قال لخليفه اللي جافه .
ردوا الامارات :
الريم : آآه ياراسي بينفجر .... ما اروم اجوف امايا .
علاو : فجأه مرضتي .
الريم ) تصيح : ماماتي موب رايمه عيوني بتنفجر .
أم الريم : تحملي يا يما .
الريم :آآآآآه ياراسي .
عمها منصور دش الحجره اللي قي المستشفى : سلامات الغاليه ما تشوفين شر .
الريم : الشر ماييك ياعمي .
وبعد كم من يوم رخصوها .
أيام الامتحانات :
الريم : بسم الله بسم الله بسم الله .
مها : هدي يا ريامي إن شاء الله يكون الإمتحان سهل .
الريم : إن شاء الله يالله فديتج بسير انا .
مها : الله معاج .
وبعد الإمتحان ........ يا ياخذها ولد عمها راشد .
الريم : السلام عليكم ........ وين بنسير هذا موب طريج بيتنا ؟
راشد : مها ولدت .
الريم : وااااااااااااااااااااااااو الحمدالله كيف حالها الحين ؟
راشد : علمي علمج ........ بس يابت ولد .
الريم : شو بيسمونه ؟
راشد : أكيد على أخوها الله يرحمه .
الريم : الله وناسه .
ويوم سارت المستشفى وجافت فاضل استغربت لأنه ما يشبه حد .
الريم : الحين هذا يشبه منو ؟
ذياب : أكيد خاله الله يرحمه .
مها : هيه يشبه اخوي الله يرحمه براويج صورته وهو صغير في الشنطه .
الريم يابت الشنطه وجافت فاضل اخوها : سبحان الله الخالق الناطق فكل شي يشبهه .
شهاب : يعني فاضل اسم على مسمى .
مها : فديته والله .
الريم : مبروك عليج وعلي اليوم أنا آخر يوم وانتي ولدتي .
مها : خلاص ولا يهمج من نظهر أسوي حفله حقي وحقج انتي وفطيم .
دشت فطيم هي واخوها منصور وضاحي وثاني .
الريم : بنت الحلا عند ذكرها .
فطيم : واااي فديتج مهايا مبروك غناتي ماصدق فيه ياهل فبيت عمي وناسه .
مها : خهخخخخخخخخخخخخخ إنتن حليلكن عندكن مجاعه وانا استويت المنقذه .
الريم : بزنطج لو غار تيوم منه .
مها : هيه والله أشك إنه ولدي بينذبح .
الريم: عمي ومهوي لو سمحتوا الإنتاج الياي بنت أنا مليت من الجنس الدفش .
الكل : هههههههههههههههههههههههههههههههههههههههههههههههههه ههه.
وبعد ما ظهروا من المستشفى كان البيت طبعا مشتل بسلامة مها والياهل اليديد.
في البيت :
سارا : مبروك الغاليه على ما ياج .
مها : الله يبارك فيج .
سارا : لازم أسير أنا بعد اشوي .
الريم : ماقعدتي .
فطيم : هيه والله ماشبعنا .
مها : هي أكله عسب تيوعون وتشبعون ؟
كلهم : ههههههههههههههههههههههههههههههههههههههه.
سعيد : احم احم .
سارا : سعود فديت روحك من زمان ماجفتك .
سعيد : انتي منو ؟
سارا : سارا ما عرفتني ؟
سعيد : ماعرف وحده اسمها سارا .
سارا : هيه والله شذكرك فيني كنت ياهل ..... ) وقعدت تحكيه عن عمره يوم كان صغير وهو قعد يسمع لها وكان مستانس .
بعد ماسارت سارا :
سعيد : طيبه .
الريم : وااايد .
فطيم : حليلها والله .
سعيد : هاي هي حرمة عمي حميد الله يرحمه .
الريم : هيه .
سعيد : والله انها ما اشء الله طيبه .
الريم : غريبه انت ترمس وحده ما تعرفها .
سعيد : مادري طيبه وحبيتها .
فطيم : قول لبوك عنها يمكن يخطبها .
سعيد : ها ؟
فطيم : هيه والله .
والقكره رسخت فراس سعيد مع انه فطيم بس كانت تسولف بس .
وبعد فتره :
أم سيف : كللللللللللللللللووووووووووووولش .
الريم : عساها أايامج فرح يدوه شو مستوي ؟
أم سيف : إنتي وعمج إن شاء الله باذن الواحد الأحد عرسكم يوم واحد .
الريم : ها ؟
الكل كان قاعد وساكت .
الريم : شو السالفه ؟
أم سيف : ملجتج إن شاء الله الشهر الياي والعرس اللي بعده .
الريم ) دموعها لمعت فعينها : انا ؟
أم سيف : هيه .
الريم : بس أنا صغيره .
أم سيف : ماشاء الله عليج حرمة بيت وغيرج عندهن عيال .
الريم : بس أنا ما أبا أعرس الحين يا يدوه .
أم سيف : الكلام اللي قلته مابرد عنه .
الريم ) قامت وسارت حجرتها .
عند أم سيف :
مبارك : يا يما ريام بعدها صغيره و كان لازم ما نقولها بهالطريقه وبدال ما نغصبها كنا لازم نسألها .
أم سيف : هي موب كيفها توافق ولا ترفض .
مبارك : الله يسامحج يا أمي الحين إنتي العاقله تسوين فبنت ولدج جيه ؟
أم سيف ) دمعت : انا لين متى بعيش الفرحه ؟؟ اللي بعيشه ما يساوي ربع اللي عشته أبا أموت وانا مرتاحه إنتو ريايل ما ينخاف عليكم بس هي بنيه .
سيف : ماعليج الغاليه .... أنا برمسها وهي أكيد موافقه لو قلتلها منو اللي خطبها .
أم سيف : قوم ياولدي سير جوفها الله يرضى عليك .
سار سيف بيجوف بنته ) : ريامي يابنتي فجي الباب .
الريم : ما أبا اعرس .
سيف : فجي الباب وخليني أجوفج .
فجت الباب :
الريم : أبوي حرام عليك أنا بعدني صغيره ما ابا أعرس الحين والله حرام .
أبو الريم : وانتي حتى ما تعبتي عمرج تسألين منو اللي خطبج ؟
الريم : منو يعني ؟؟ موب صعب أعرف ....... أكيد عبدالله ولد عمي .
أبو الريم : منو قالج ؟
الريم : محد بس توقعت وأنا ماأباه .
أبو الريم : تردين عمج حمد ياريام ؟
الريم ) طاحت فحظن أبوها : باباتي أنا صغيره الدنيا جدامي طويله أنا ما أبا أندم عالقرار اللي بتاخذه لو وافقت .
أبو الريم : إنتي تخافين من التجربه موب من عبود ؟
الريم : لو ماكان أوكي شو بستفيد يوم أرد مطلقه شرات ساروه ؟
أبو الريم ) عرف إنه بنته متأثره بوضع سارا : سارا حالتها غير عن حالتج .
الريم : لا ماشي غير هي خذت ولد عمها وانا باخذ ولد عمي شو الفرق ؟
أبو الريم : إنتي تربيتي مع ولد عمج بس هي لا ...... هيه عرست قبل ......إنتي لا .
الريم : لا ابوي ما اباه ليش تبوني امووت وانا بعدني صغيره ؟
أبو الريم ) حرج من اللي قالته : ريام كلمه ومابغيرها عرسج بعد شهرين وانا اجوف انه ولد عمج بيصونج ويحفظج عدل ....... وانا لو اعرف انه موب ريال ما كنت قربتبه.
الريم : يا بوي حرام عليك أنا بنتك الوحيده وترفضلي هالطلب ؟
أبو الريم : كل شي له حدود وانا هالشي يوم فكرت فيه ماكنت باخذ رايج لأني أعرف الخير لج .
الريم : يا يبا لو خذيت عبدالله وزفيتوني له بتزفوني لقبري .
أبو الريم : انا بخليج تفكرين فالموضوع عدل بس لاتحاولين تفكرين تغيرين رايي .
ظهر أبو الريم وهو مضايج من الي سواه بس هو من حبه لبنته ما يباها تضيع .
حالة الريم يوم عن يوم كانت تسوء .
وفطيم كانت تحاول تغير مزاجها ومها بعد بس محد قدر .
يوم العلامات :
فطيم : ياربييي خايفه .
الريم : انجبي حرام عليج بروحي تعبانه .
فطيم : انتي لازم تستانسين ملجتج بعد اسبوعين .
الريم : سكتي لاتذكريني .
فطيم : بس إنتي دلوعه عبود ريلج تغير واااااااايد عن قبل .
الريم : موب ريلي انجبي .
فطيم : حيج بتعرسين مع عمج .
الريم : انزين افيدينا بسكوتج عالأقل عمي بياخذ ساروه والإثنين موافقين .
فطيم : تراج وايد دلوعه .
ثاني ) دش الحجره : احم احم إلى الفتاتان الغبيتان الراسبتان فطام وريام .
فطيم : ظهرت علاماتنا ؟؟؟
ثاني : هيه ظهرت .
فطيم : ارمس حرام بتييني الجلطه .
ثاني : ريام ........ مبروووك 98.4 .
فطيم ) لوت عليها : مبرووووك غناتي .
الريم : الله يبارك فيج .
ثاني : افرحي يالاستاذه .
الريم : فرحانه موب شرط أوضح بردة فعل وفطيم كم خذت ؟
ثاني : 97.8 .
الريم : مبروووك فديتج تستاهلين .
فطيم : الله ونااسه .
وقعدت تصيح فطووم من خبالها ووناستها .
وقبل الملجه بيوم :
الريم : الحنا موب حلوه وأنا خسفه ويعله يتروع ويشرد .
مها : بس ريام خلاص لاتعبين عمرج باجر بتستوين حرمته .
الريم ) دموعها استوت شي عادي ينجاف : ما أباااااااااااه أكرهه .
فطيم : ياربييييييي يا ريام بسج صياح بتخربين عمرج .
الريم : انتو اللي بتذبحوني .
مها : لا تعورين قلبي ياريام حرام عليج .
الريم : لو انزفيت لعبود بموووت .
دش ذياب الحجره وهو حامل فاضل :
ذياب : ممكن اشوي ابا اكلم العروس .
ظهرن من الحجره وقعد ذياب عالكرسي .
ذياب : ليش هالدموع فعينج ؟
الريم : يعني ماتعرف ؟
ذياب : بعدج موب موافقه ؟
الريم : لا وما بوافق ؟
ذياب : وكيف بتستوين حرمته باجر ؟
الريم : مابوقع .
ذياب : ياريامي حرام عليج والله حرام .
الريم : أنا ما أبا أعرس .
ذياب : انزين فهميني ليش ؟
الريم : لو ماكان أوكي انا اللي برد مطلقه .
ذياب : شو هالافكار اللي فراسج ؟
الريم : ها الصج .
ذياب : إنتي موب رافضه عبود إنتي خايفه من التجربه صح ؟
الريم : هيه والله خايفه عمي .
وصاحت .
خليفه دش الحجره ولقاها تصيح فحظن ذياب .
ذياب : ليش ماقلتيلنا من الصبح هالكلام ؟
الريم : ماعرف مادري بس خفت أقولكم كنتوا كلكم موافقين .
ذياب : بس الفكره اللي فراسج هاي غلط .
الريم : بس انا بعدني خايفه .
ذياب : سيري غسلي ويهج وتعالي .
الريم : اوكي ) وسارت غسلت ويها وردت قعدت عداله