الجزء السابع
الريم : بلاها عيونج منتفخات ؟
فطيم) طالعتها وانفجرت صياح .
الريم : فطيم بلاج حبيبي ؟
فطيم رمت عمرها عالريم وكانت تصيح صياح يقطع القلب ولمحهن مانع من بعيد .
مانع : بلاها فطيم ليش تصيح ؟
الريم : والله ماعرف بس إنت سير خلني أرمسها وافهم السالفه وبعدين يصير خير .
سار مانع وهو مضايج هي ليش صايحه ؟؟؟؟؟؟؟؟؟؟؟؟؟؟؟ .
عند الريم ..
الريم : فطيم إرمسي .
فطيم ) تمسح دموعها : هو مايستاهل دمعه من عيوني .
الريم : ويعه تويعج قولي آآآآآآآآميييييييين أنا كم مره قتلج إثقلي ولا تصيحين عسب واحد وبعدين تعالي هني يالخاينه منو ها اللي تعرفينه من وراي ؟ ) وسوت حركه بويهه ضحكت فطووم غصب عنها ).
فطيم ) تضحك وتبكي ): أسميج تحفه .... أولا أنا بسمع رمستج وما بصيح عسب واحد .
الريم ) تصفر : الحين بديتي تعقلين .
فطيم : لا تخليني أيي أدوس فبطنج ............. ثانيا أنا بصراحه صحت لأنه ) وردت عيونها تمتلي بدموعها )............ سمعت عمج يرمس وحده ويتفداها .
الريم : ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
فطيم : موب إنتي قايله إنا عمج يرمس بنات ؟
الريم : بس يتفداهن هاي شوي قويه .
فطيم : مافهمت ؟
الريم : جوفي عمي يا طمطم يوم يرمس وحده يضارب وياها ويلعوزها طبعا بعد ما تموت فهواه من ابتسامه أو نظره أو حتى تعليق لأنه أسلوبه وشكله يجذبون ويوم ادقله يبهدلها ويكرهها فكل الأولاد ويخليها تلعن اليوم اللي دقتله .
فطيم ) زادت دموعها : يعني هاي اللي يرمسها وحده يحبها ( وردت تصيح ) .
الريم : ياهي من ساعه ............ توج شو كنتي تقولين ؟؟؟؟
فطيم ) تمسح دموعها : هيه صح نسيت مابصيح عسب واحد ..... دموعي غاليه .
الريم : أشكر فنج .......... وساعة فهمج .
فطيم ) تضحك ): شرايج بعد تسوينها اغنيه .
الريم : ههههههههههههه ها الويه اللي أبا أشوفه .
فطيم ) لوت عليها ): فديتج والله أحبج ريامي .
الريم : إنزين قومي بنسير خيمتهم .
فطيم : بس .
الريم ) تزاعج : شو قلنا ؟
فطيم: يالله .
وساروا صوب الشباب .
الريم : السلام عليكم .
الجميع : وعليكم .
الريم : يالعيازه اللي فيكم ...... ماترومون تسلمون سلام كامل ؟؟
طحنون : كيفنا .
الريم : ماااااااااااالت .
مبارك : ريامي عيب .
طحنون ) مظهر لسانه حقها ) : وييييييييييييييييييييييو قفطوها .
مبارك : وانت لا تستويلي ياهل .
الريم ) تلعب بحياتها حركة غياظ ) : وييييييييييييييو قفطوه .
ضاحي : الله يرحمنا دام طحنون وريام إجتمعوا وثاني ومحمد إجتمعوا.
فطيم : ومانع وفطيم إجتمعوا .
طحنون ) صخ بعدين ضحك من خاطره : ههههههههه تتفلسفين حظرتج ههههههههههههههههه ماروم أنا والله إني هب رايم ههههههههههه الحين إنتي بتحطين راسج من راس ملك الغياظ اللي بنت أخوه مستويه شراته فالقهر والملسنه .
فطيم ) قعدت وتمت تطالع مانع باحتقار من فوق لين تحت ): هيه كيفي حره أنا .
مانع ) أنا شسويت الها تطالعني بهالطريقه الخايسه هاي ؟؟؟ والله بعلمها منو هو مانع ولد معضد إن ما يبت راسج يابنت أخوج ماكون مانع .
مانع : والله أنا وايد مستانس لأني أعرف إنج مجرد امممممممممم ساعدوني شباب .
طحنون : اممممممممممممم بعوضه .
مانع : هيه صح ........ بعوضه بتخزني بسمها وبيلتهب اليرح فتره وبيخوز .
منصور : آآآآآآآي إنت وياه إختي ماتهون وبعدين إنت يالحمار أخو عالفاضي ؟؟
طحنون : محد قالها تسوي جي ؟ ليش تحط راسها براس ريال ؟
منصور : ريام تحط راسها من راسط وما تسويبها جي ؟
طحنون : عيل إنت فعالم ثاني أنا والريم نظارب ونتلاسن زود عن جي .
منصور : ماعليج منهم حبيبتي تراهم لوووووووووووووح .
فطيم ) بابتسامه : الووووووووووووح مايباله إلا لوووووووووح وأنا وياهم بستوي لوووووووووووووووح .
ثاني : لا لا سأبلغ الحاكم عنكم لقد ارتكبتم جريمه فاختطاف معقل رقة الأميرة بدر الزمان وجعلتموني حزينا إلى الأبد وأتمنى الموت هنا في هذا المكان .......هئ هئ هئ هئ هئ.
الكل : ههههههههههههههههههههههههههه.
فطيم ) لوت عأخوها : فديتك والله .
ثاني : هيه هاي إختي بدر الزمان .
فطيم : هههههههه قتلك بستوي لوووح بس وياهم .
ضاحي : إنتي شي وراج إختي واعرفج .
الريم : مللللللللللللللللللللللللللللللللااااااااااااااااا اااااااااااااااانه ياعالم .
عبدالله : كح كح كح ( وقام عنهم ).
الريم ) وين بيسير ها؟ ......... الجو مووووووول موب مناسبه .
فطيم : وين سوافي ؟؟
ضاحي : أكيد بتحصلينه عند الضو .
فطيم : ريامي بسير عنده تيين ؟
الريم : أخوج الوحيد اللي أستحي منه وأعطيه إحترام زياده عن اللزوم هو سواف لو كلهم يستوون شراته يسووووووون خير فالأمه العربيه عطيني خمس دقايق وبييج.
منصور + أحمد : ماشاء الله مقاله هب مدح هههههههههههههه .
فطيم : علني فداه ........... خلاص عيل برايج بسير عنده وانتي سيري خذي دواااااج وبعدين تعالي( وشردت ) .
الريم ) بأرف ): اففففففففففففففففففففففففففففففف كريهيييييييييييين .
منصور : إنتي ماعندج إلا هالكلمه ؟
الريم : حره ( وسارت ) .
عند الشباب ........
منصور : الخبله هاي كل يوم تسنوي عنيده أكثر عن اليوم اللي قبله .
ذياب : محد خبل غيرك وحرمتك فديتها أحلى شي فيها طيبتها وعنادها وعصبيتها ولسانها ونظرة الخقه اللي فيها .
مانع : احم احم ................. حيهم اللي يشبهوني .
ذياب : عافانا الله عالخقاق .
مانع : توك تقول هالشي يعيبك .
ذياب : إذا ماسمعت الجمله كامله تراني قلت فيهااااااااااااا هي موب إنت .
مانع : آآآآهااااااااااااااا كله واحد .
ثاني : لا كله اثنين .
الكل : سخييييييييييييييييف .
ثاني : محد غيركم .
الريم سارت تشوف فلاح .
الريم : فديته ياربي.
فلاح فج عيونه : منو هذا اللي تتفدينه ؟
الريم : بسم الله روغتني ابصراحه كنت أتفداك .
فلاح : فديتج ريامي والله مادري من دونج شو كنت بسوي ؟
الريم : لا والله البيت كله باللي فيه مش سادينك ؟
فلاح ) يضحك : للأسف كلهم دفشين ماعدا الوالده وأماه وخالتيا بس هاييل كبار .
الريم : انزين .............. ليش ماتيي تقعد ويانا وناسه ؟
فلاح : لا لا هني أحسن مافيني أقوم .
الريم : إنت ليش جي ماقتلك يوم تتألم خبرني إنت من الصبح مش طبيعي .
فلاح ) بابتسامه : وإنتي شدراج ؟
الريم : أعرفك .
فلاح ) الله لا يحرمني منكم وخاصه منج ياريام : إنزين الألم وايد خفيف لو كان قوي ويرزى أقولج كنت قتلج .
الريم ) بطرف عين : سوري الأخ إنت مشكوك فرمستك .
فلاح ) ضحك : ليش إن شاء الله ؟
الريم : بس جي من دون ليش .
فلاح : فيني رقاد .
الريم : إرقد .
فلاح : وانتي بتمين عراسي .
الريم : للأسف نعم يوم أتأكد إنك رقدت بسير لأنك يمكن تحاول تخليني أسير عسب يفضالك الجو إنت وياها .
فلاح ) فج عينه عالآخر : منو هاي ؟
الريم : ماتعرف ؟
فلاح : لا .
الريم : اممممممم أنا بعد ماعرفها بس جي قاعده أسوي جو .
فلاح : هههههههه إنزين أبا الدنيا عندنا مطر .
الريم : تنكتت .
فلاح : والله أحاول ...... صح ريام بسألج وينه عبوود ؟
الريم : عبيد ولا عبود ؟
فلاح : امم خلاص عيل وين الإثنين .
الريم : عبيد راقد كالعاده وعبود قام من عندنا وماعرف أكيد تم يمشي بروحه .
فلاح : إنزين ما عليج أماره دواه عندي وما خذاه من العصر .
الريم : لييييييييييييييش؟ ؟ والله بكفخه ماعليه .
(خذت الدوا وسارت).
سارت الريم ادور عبدالله لين مالقته قاعد بروحه يرسم عالرمل ويكتب أبيات شعر .
الريم : شو اتسوي ؟
عبدالله ) بابتسامه : أرسم وأكتب .
الريم )قعدت عداله : خذيت دواك ؟
عبدالله : هيه موب مثلج أنا... كل دقيقه والثانيه حد قالي دواك .
الريم ظهرت الدوا من الشنطه اللي كانت وياها : انزين الله يخليك بس خذه يالجذاب قاعد عندي من الصبح قلت بيسألون عنه لكن للأسف خاس وقطن وانا ماباه .
عبدالله :......................................
الريم : عبدالله .
عبدالله ) عيون عبدالله ......... روح عبدالله .....: هلاا .
الريم : لوسمحت عندي طلب .
عبدالله : آمري .
الريم : ما يامر عليك عدو ............... ( نزلت راسها للأرض ) رخصني .
عبدالله : شووووووووووووووووو؟
الريم : سمعت على ما أظن قلت رخصني ماباك أنا بتاخذ وحده تكرهك أنا سمعت كل شي يوم كنت ترمس فالصاله .
عبدالله ) مارام يتحمل : كل شي سمعتيه وما حسيتي فيني ؟ كل شي سمعتيه وماقلتي مسموح ياولد عمي ؟ كل شي في قلبي ظهر وما .............. ( ضحك ) تعرفين أنا عندي لج حل أفضل من ها .
الريم ) ين الريال قاعد يضحك : شو هو ؟
عبدالله : أولا ما برخصج لو الموت ................. ثانيا ردي رمسيني شرات قبل عادي عندي تعودت الألم منج استوى روتين في حياتي ............... وكرهج لي استوى شرات الماي اللي يرويني ................ أي شي من صوبج زين ولا شين له دور في وجودي حي للحين ................ لو إني قلت أحبج فانا جذاب لأني أموت فهواج .............. ولو قلت بنساج فانا جذاب كيف ينسى الإنسان ياخذ أنفاسه ؟ ..................
الريم : عبدالله الله يخليك أسلوبي وياك كان عقاب ووقته خلص ............. تحسبت إنك بتهدني من سوء أسلوبي وياك بس دام إنك ما هديتني فانا ييت أطلبها منك الحين ................ ودرني .
عبدالله ) وقف : سمعيها كلمه مني واحفظيها زين .......... ما برخصج لو الموت ............... لو بيذبحوني مارخصتج فاهمه ولا لا؟ ولا تحاولين ترمسين فهالموضوع لأنه بالنسبه لي خارج عن نطاق المناقشه أوكي ( وقام ) .
الريم ) دموع القهر على خدها : ليش ياربي أكون أنا ضحية العايله وتخلف أفكارها وعاداتها .
أحمد ياها من بعيد ) : رييييييييييييييييميييييييييييييييي.
الريم ) مشت دموعها ورسمت ابتسامه مصطنعه : هلاااااااا .
أحمد ) قرب : شويسوون الحلوين ؟
الريم : ما شي .
أحمد : أنا قلت الحلويين .
الريم : في حد غيري هني .
أحمد : يالشكاكه .
الريم : موب شكاكه بس قلت آخذك على قد عقلك .
أحمد : متى بترقدين ؟
الريم : ماعرف .................... منو رقد ؟
أحمد : أسوووووووووم وحمييدان وثاني وضاحي ونافع وشهاب ومبارك .
الريم : يعني الباقيه المتبقيه هم : أنا..... إنت.... فطيم ... عبدالله .... عمي مانع .... عمي ذياب ..... طحنون ..... منصور ....وراشد .
أحمد : هيه .
الريم : شو قاعدين يسوون ؟
أحمد : يلعبون كيرم .
الريم :الله أنا أبا ألعب .
أحمد : لا مش الحين .
الريم : ليش إن شاء الله ؟
أحمد : لأني أنا ماأبا ألعب .
الريم :so أنا شو يخصني ؟
أحمد : إمشي وانتي ساكته .
الريم : وين بنسير .
أحمد : المول وين بعد بنمشي .
الريم ) رفعت كندورتها وبان بنطلونها الجينز .
أحمد : سويتيها يالهرمه ............ كم مره قنالج عقيهم هالبناطيل ؟
الريم : ما يخصني يعيبوني .
أحمد : أوكي أنا ما يخصني لو حد هزبج .
الريم : لا محد يروم دام عمي ذياب عندي .
أحمد : واثقه .
الريم : واااااااااااااااايد .
الريم : كلهم فالخيمه ؟
أحمد : هيه .
الريم : عادي أبطل الشيله ؟
أحمد : كيفج .
الريم ) بطلت الشيله وساح شعرها البني على طول ظهرها .
أحمد : تف تف تف فعين العدو اللهم لا حسد .
الريم : جنك أول مره تجوفه .
أحمد : لا بس اليوم أحلى .
الريم ) ماعليه أدريبه ناوي يحرجني : ثانكس ............. دومي انا حلوه وكل يوم أحلو .
أحمد : وتحلوين أكثر فعيني .
الريم ) بكفخه هذا : صدق أحمدوووه شعري طويل ؟
أحمد : هيه وايد موب احسن تقصينه شوي .
الريم : مستحييييييييييييييل أربيه كل هالسنين وفغمضة عين وحده تمسك مقص وتقصه لااااااااااااااااااااا.
أحمد : صمختيني زين خلاص قولي ما أبا بس لا تزاعجيين .
الريم : أوووووبس سووري .
أحمد : قولي السموحه .
الريم : السموحه .
أحمد : مسموحه .
الريم : غصبن عنك .
أحمد ) هو بصراحه غصبن عني مش بكيفي عكيف قلبي : لا موب غصبن عني .
الريم : امبلا .
أحمد : بسألج سؤال .
الريم : تفضل .
أحمد : ماتلاحظين إنج تغيرتي قالتعامل وياي ؟
الريم ) الله يستر : أنا لا .
أحمد : لا وايد تغيرتي .
الريم : كيف يعني ؟
أحمد : استويتي ......................... لا خلاص إنسي .
الريم : أحمد بسمعك أبيات كتبتها .
أحمد : تفضلي .
الريم :
كلمه لاني قادره أكتبها ولا هي فيوم كتبتـــــني
كلمه صعـــب تنطـــقها أو تسمـــعها إنـــت مني
حروفـــي أربع إذا فيــوم حاولت إنك تعددنــــــي
ابتـــدي بحرف يبتــدي فيه إسمك يامن تنصتلـي
وآخر حروفـــي يعود ملكك ياللــي قاعد بقربـــي
أولها" ألف" وآخرها "كاف" شاللي بالوسط يعنـي؟
خلي شكـــك عصوب وطلبتك : تكفى لا تعذبنـي
عرفـــت اللغز و لا تنتظر نظــره و تــرد تسألنــي
" أحبك " كلمتي هي سهله و لا صعبه يعنــــي؟

أحمد )صخ معقووله هي تحبني شرات ما أنا أحبها؟
الريم ) ياربي كيف قلت هالأبيات ياربي سامحني .... إن شاء الله ما يكون فهم حرف منها ..... كيف ما فهم وهو شاعر .

أحمد : اسمعي هالأبيات رد عأبياتج :

يامن كتبتي في حبي أمثال و ابيات و قصــيـدي
قلبي صدقيني يابنت ما هو بكيفـي أو بمــــلكي
قلبي ينبض لوحده ويقول وحده ماغيرج يالريمي
قلبي لج و بطوعج.. إنتي الوحيده اللي تمشيني
كلمتـــج نطقتيها وتنتـــظريها ياترى فهاليوم مني
أحبـج لا تشكي ولا تقولي يا أحمد بكلامك أكدلي

الريم ) يحبني ............. ماصدق ............ بس ماببين هالشي : الله حلو .
أحمد : أبياتج أحلى بوايد .
الريم : انزين خلينا نرد .
أحمد ) صراحه ما شاء الله عليها للحين ثابته لو غيرها كانت ميته بس أنا اللي بموت : يالله .
وطبعا اليوم في عيون مانامت واللي هي : عيون أحمد والريم وعيون عبدالله .
8* الأبيات من كتاباتي .
شو تتوقعون يستوي ؟
الأجزاء بدت تكشف حقايق وايده ..تتوقعونها تكشف أكثر عن جي ؟
منو تفضلون أحمد ولا عبدالله ؟
الريم تتوقعونها معجبه فأحمد ولا بس تحبه ؟
أحمد ظنكم يحب الريم ولا يلعب عليها ؟
عبدالله بيرضى يخليها ؟وانتوا تبونه يخليها ولا لا ؟