ابــيات شــعريه للصبايا

[دمعه حزن]

هــذا بنات اليوم برقع وجوال..ولا عباية كتـف هم يـلبسوها

والراس فوق الراس طرحه مع الشال .. حتى الخصال الطيبة افقدوها

يوم البنات اللي غدٍ سبت اهمال .. ويـوم السبايـب اهلهـا هملوهـا

الأم نامت والابو صار تمثال .. والبنت راحـت ويـن مـا يسألوهـا

بالليل تسهر بين هاتف وجوال .. والا علـى دش الفلـس سهروهـا

اقفاي هي ما بين الاسواق واقبال .. بلا غرض راحت ولا انشدوهـا

اللبس تلبس كل ما يطرب البال .. وفلوس لو تنقص عليهـا عطوهـا

من شافها باللبس يا ساتر الحـال .. يسبهـا ويسـب مـن خلفوهـا

كومة لحم وعيون والرمش قتال .. ويلا مشت كل الشبـاب اتبعوهـا

هم ما دروا لون البراقع بتنشال .. ونشوف وش تحت البراقع خفوها

يرتاح من صابه من اسبابها هبال .. ويشوف والله من عيونه هووهـا

وين البنات اللي بهم تضرب امثال .. ليت السلوم الطيبة ما تركوهـا

البنت زين البنت لا زانت الحال .. ما هو بلبس ولا علـوم خذوهـا

وين المراجل ما بقى غيره ارجال .. ليت الشوارب واللحى حلقوهـا

اللي على عاره رضي الذل ينقال .. ليت الكرامـة ليتهـم يرفعوهـا

ما عاد ينفع قول فيهـا ولا قـال .. لا الأم والله ولا الأبـو انفعوهـا

اصبح ضياع البنت بسباب جوال .. البنت ضاعت والأهل ضيعوهـا



مع تحيات اختكم فى الله
دمعه حزن

[عاشق الولاية]

هههههههههههههه اي والله هذا الواقع الحقيقه شر البليه ما يضحك

مشكوره اختي دمعة حزن تحياتي لك اخوك عاشق الولاية

[دمعه حزن]

الشكر لك اخوي على المرور الكريم

ويسلموووو على التعقيب اخوي

تحياااااااتي

[شجن]

هذول بنات هالزمن الله يبعدنا عنهم

وان شاء الله ما انصير زيهم احنا جميعاً والمؤمنات


ومشكورة دمعة حزن

[دمعه حزن]

ان شاء الله .. الله يسمع منج خيو

الله يبعدنا عن هالسوالف يا رب

الشكر لك اختي على المرور والتعقيب

تحياتي