.. الســلام عليــكم ورحمة الله وبــركــاته ..


القلب المرح

أشكرك على هالرد والتشجيع الحلو

لا عدمناك يا رب ..
,,
,

بيسان
أولا أحب أرحب فيك أختي بيسان
و يا هلا فيك ..
و أشكرك على هالإنتقاد .
بس على فكرة .. أني ما أتوقع كنت مقصرة في حق المواضيع
وقلت أي أحد عنده موضوع يحطه وأنا موافقه راح أحطه بالمجلة والإقتراحات بعد سبق و طرحوها الأعضاء في المجلة السابقة وكل إقتراح أني نفذته ما أتوقع فيه إقتراح إلى أحد الأعضاء تجاهلته ...
.. والأعضاء ما شاء الله عليهم متفاعليـــن مرة
,,
تحطمت لما شفت عدد المواضيع المختارة 4
وعلى فكرة بعد .. الأخت نور علي الله يسلمها كان حاطه موضوعين من هالمواضيع الأربعة ..
أني مو قاعدة أعاتب وزعلانة
بس ما توقعت يعني من كل هالأعضاء والمشرفين أحصل بس 4 مواضيع
حتى أني تحطمت وما حبيت أدور موضوع مفيد أحطه ..

كنت أتمنى من كل مشرف يوضع موضوع يخص القسم المشرف عليه
بس نقول إلى منو إذا المنتدى أعضاءه كثـــــــــــــــييرييين ما شاء الله والمواضيــع 4
بصراحة شي يقهر وما يشجع أبدا إني أصمم مجلة قادمة ..
,,
,
عموما مشكورين .. وأني مو قاعدة أطلب منكم تحطوووا المواضيع غصب
بس كنت حاطه ببالي قبل لا أصمم المجلة ألاقي مواضيع أكثر من كذا
مع العلم إني ما طلبت مواضيع من أقلامكم الخاصة
كلها مجرد أختيار أي موضوع مفيد ونقله إلى هنا ..
وأنا بقوم بتنسيقه وترتيبه
و أحب أقول إن تصميم المجلة أخذ مني وقت طويل لأني حاولت بقد ما أقدر أطلع خلفية من عمل يدي ...
بس مو شايفة تفاعل منكم ..
ما أنكر تفاعل البعض طبعا بس الأكثر .. شي عجيب !!
^
^
أخت بيسان أني مو موجهه هالكلام لك وبس
وإقتراحك على العين والراس راح أنفذه إذا كااااااااااااااان فيه إصدار ثالث .. لأن أني مو قاعدة أتعب وأصمم وما أشوف مواضيع ومساعدات ولو بسيطة ..
أني ما أبي أحد يساعدني بالتصميم
بس على الأقل أختيار المواضيع ..
وبالنسبة إلى عدد المواضيع على قولتك قليلة
أني ما عندي الوقت الكافي إني أدور مواضيع عدله وأصمم تصميم يعجبكم
أني سبق وقلت إلى شبكة الناصرة و قلت بعد بشكل عام إن التصميم عليي والمواضيع على الأعضاء والمشرفين المتعاونين
و إلك كل الشكر غاليتي بيسونه على إقتراحك ..
أوعدك إذا صممت الإصدار القادم أنفذ إقتراحك
بس أني ما راح أصمم إصدار ثالث إلا إذا شفت مواضيع من إختياركم ..

همس المشاعر
شيعية و أفتخر
زهرة القطيف

أشكركم على هالمرور والتشجيع
إن شاء الله قبل لا أصمم الإصدار الثالث بحط موضوع تحطوا فيه المواضيع المختارة <=== هذا إذا شفت مواضيع وتفاعل بعد

,,
,
عذرا على الإطاله بس حبيت أوضح لكم الشي الي حارق أعصابي
سـلام ..


أرق تحيـــاتي /
.: طـــــوق اليــاسمين: