البكاء - للشاعر نادر التتان
عيني من أنصارك .. ثارك .. تحمله
و المدمع نارك .. نارك .. تهمله
ما غيرك ذوَب .. عيني
يالسهمك صوَب .. عيني
ما غيرك ذوَب عيني
تبـﭽـي الناس الناس و دمعي .. ما يجري لغيرك يَحسين
يا صحبة ﮔـللبي و وجداني .. و أجمل حِلم على الرمشين
أبـﭽـي عليك و كل الدنيا .. مني تسيل على الخدين
لو بيدي آنا الصِرت أجري .. ذكر مصابك في كِل عين
آنا العبرة لخاطر جدك .. لا تمسحني ليوم الدين
و سامحني كلما مر يومك .. و بحزني ما ذﮔـت البين
يا سر جروحي .. بنوحي لو تطيب
أسـﭽب لك روحي .. بروحي و لا تغيب
عيني ..
يعميها فراﮔـك
عيني ..
و تظل تشتاﮔـك
عيني ..
*** *** ***
عيني من أنصارك .. ثارك .. تحمله
و المدمع نارك .. نارك .. تهمله
ما غيرك ذوَب .. عيني
يالسهمك صوَب .. عيني
ما غيرك ذوَب عيني
إيماني بجرحك يرسمني .. نار بجنة و جنة بنار
بنوحي عليك أبدأ مشواري .. بموتي عليك أنهي المشوار
أصرخ يا مذبوح العبرة .. و اتلوى و دمعي مِدرار
و ماتبـﭽـي و تهمل عبرتها .. عالأحرار الا الأحرار
و لو كل مَن يهديني عيونه .. أذرفها لعينك أنهار
يا عُمري ويا حيرة عُمري .. يالباسمك ترخص الأعمار
يا شوﮔـي بصدري .. و نحري و كل وريد
ما ﮔـوض صبري .. بعمري لو يفيد
عيني ..
لعيونك هامَت
عيني ..
لَجلك ما نامَت
عيني ..
*** *** ***
عيني من أنصارك .. ثارك .. تحمله
و المدمع نارك .. نارك .. تهمله
ما غيرك ذوَب .. عيني
يالسهمك صوَب .. عيني
ما غيرك ذوَب عيني
شِلي بـﮕللبي الما يتـﮕطع .. لَجلك يا رحمة الـﮕللوب
يالدمعه عليك تنجيني .. و تتكفل بأعظم الذنوب
لاهوب المحشر طفيته .. ﮔـطرة على الخِدر الملهوب
و سكَنت الونات بـﮕبري .. بوَنة على الشيب المخضوب
يالما آمنت الا بدربك .. و لغيرك ماريد دروب
ما أنساك و ما تنساني .. عهد على سنيني و مكتوب
وحدك في بالي .. الغالي و ما تهون
إرحم دلالي .. و حالي يالحنون
عيني ..
يالدمعه تنصرك
عيني ..
باﭼر تنتظرك
عيني ..
*** *** ***
عيني من أنصارك .. ثارك .. تحمله
و المدمع نارك .. نارك .. تهمله
ما غيرك ذوَب .. عيني
يالسهمك صوَب .. عيني
ما غيرك ذوَب عيني
يا سورة حِزني و آلامي .. أبـﭽـي عليك ويا التنزيل
ما تتورع دمعة عيني .. ليل نهار نهار و ليل
هاي القِصة و دمعة هاجَر .. كلما مرت بيها تسيل
أيام و ماتت بالحسرة .. بالما حل على اسماعيل
و اسأل نفسي شلون أتحمل .. ما تنهشني سيوف الويل
و شلون الهم ما غيبني .. و انته عليك تحوم الخيل
ﮔـاسيت لحالك .. حالك يالغريب
عافر برمالك .. مالك من مجيب
عيني ..
تتأمل وضعك
عيني ..
لو تمسح دمعك
عيني ..
*** *** ***
عيني من أنصارك .. ثارك .. تحمله
و المدمع نارك .. نارك .. تهمله
ما غيرك ذوَب .. عيني
يالسهمك صوَب .. عيني
ما غيرك ذوَب عيني
يتبع >>
رد مع اقتباس
المفضلات