[.. في « سوالفنا ملامح (28) © ..]


ألاء ميلت راسها بصدمة وببطئ :: ويش !!؟؟؟
حسين غمض عيونه :: أ ح ب ش .. أنا أحبش ألاء
ألاء تأشر على نفسها وهي مو مستوعبه :: أني ؟؟؟
حسين ابتسم وطلعت غميزته وهز راسه بإيه ..
ألاء طالعته وهزت راسها بلا :: بس أني ما أبغاك تحبني
حسين تلاشت ابتسامته :: هااه
ألاء قالت ودموعها في عيونها :: ما أبغاك تحبني .. أصلاً لويش تحبني ؟؟
حسين هز راسه بصدمة :: وشو يعني لويش أحبش ؟؟ اسألي قلبي لويش نبض لش
ألاء غمضت عيونها وهي تاخذ نفس وتحاول تحبس دموعها .. قالت ببرود :: أني ماليي ذنب أنك حبيتني .. أني ما أحبك
حسين عوره قلبه .. جا بيتكلم .. بس ألاء قامت ببرود ولفت عنه .. لحقها !!!
حسين بألم :: ويش قصدش من كلامش ؟؟
ألاء عورها قلبها .. بس كابرت وببرود :: قصدي واضح
حسين بهمس متألم :: رفضتي حبي ؟؟؟
ألاء لفت بدون ما تجاوب على آي شي .. حست رجايلها بتخونها هاللحظة .. حست نفسها بتنهار بعد الكلام إلي سمعته
نزلت من الدرج .. وبس وصلت آخر درجة .. قعدت عليها .. وتسندت على الدرابزين بألم .. مو مستوعبه إلي صار
مو مستوعبه إلي سوته .. بدى تنفسها يتسارع .. وقلبها تزيد دقاته ..
سمعت صوت ريما وهي تدخل وتكلم ريلها ينتبه لبنتها إلي خلتها عنده .. وقفت بسرعة .. وراحت الصالة .. وثواني بس .. ودخلت ريما
ريما تطالع في ألاء :: بسم الله ويش فيش ؟؟
ألاء تطالعها بعدم استيعاب :: هاه
ريما خافت :: ويش صاير ألاء خوفتيني ؟؟
ألاء حست لروحها.. هزت راسها بحزن :: سلامتش ما فيه شي
ريما :: عجل شفيه وجهش منخسف ؟؟
ألاء بنظرة أنكسار :: تعبانة شويه
ريما فكرت أنها تعبانة عشان مرييم .. فحضنتها :: الله كريم غناتي
ألاء حست نفسها بتنهار .. ما تحملت أنها تحضنها .. نزلت منها دمعه .. مسحتها بسرعة :: متباركة ريوم
ريما تضحك :: هههههه الله يغربلش نسيتيني أسلم .. الله يبارك فيش .. كل عام وأنتين بخير
ألاء ابتسمت بجاملة :: وأنتي بخيير
قعدوا ثنتينهم .. ريما قالت بستفسار :: ويين يدتي ؟؟
ألاء :: ما أدري كانت هنا من شوي ! يمكن في غرفتها
ريما :: باقوم أشوف
ألاء هزت راسها .. وريما قامت وتوجهت لغرفة يدتهم .. ودخلتها
.
.
حـــــــــــــــــــــســــــــــيـــــــــــــن
ღ.
ღ.
ღ.
" بس أني ما أبغاك تحبني " .. هالكلمةهي البداية .. هي إلي خلت قلبه يعووووره .. تذكر كلمتها " أني ماليي ذنب أنك حبيتني .. أني ما أحبك "
وصارت تترد في باله .. ما تحبني .. ما تحبني .. رفضت حبي .. بدى ينزل لتحت " لأنه كان واقف " .. وتنفسه يتسارع ..
مسح وجهه بإيدينه بعدم تصديق .. حلم .. حلم .. حلم .. أكيد إلي قاعد يصير حلم .. مستحيييل حقيقة .. مستحيل واقع .. كل هذا حلم
حس بألم في قلبه .. رفع إيده اليسار وحطها على قلبه .. وضغط بقووة .. في هاللحظة أبغى أشيلك من هنااااااا
آآآآآه يا قلببببببي .. ما توقعت ألاء قاسيه كذااااا .. غمض عيوونه بقووة وهو يهز راسه بألم .. يحس نفسه بيصيح .. بينهاااار
فجأة حلم حياته تحطم .. أختفت ألوان الحياة من عيييونه .. كل شي صار يشوفه أسوود ..
لا .. لا .. حلم وأكيد بقعد .. قام من الأرض وجا بنزل تحت .. بس ما قدر يمشي أكثر .. تسند على الجدار إلي جنب الدرج
صار يهمس لروحه وهو يتنفس بسرعة :: حسين صير أقوى .. لا تخليها تشوفك ضعيف .. لا تبين ليها أنه حبها مهم للدرجة ذي .." غمض عيوونه وضغط عليها ".. صير أقوووووى
وقف وهو يحاول يتزن .. أخذ نفس " أنا بصير أقوى " .. ونزل تحت
شاف ألاء في الصالة .. عووووره قلبببه وهو يشوفها .. كانت منزلة راسها وما تطالع فيه .. هه ما تحبك .. أحد قالك تبني أحلاااام عليها وأنت ما تدري عنها ؟؟
هذا إلي كان يقووله لروحه .. بلع ريقه .. وجا بيطلع من الصالة .. بس طلعت أخته ريما من غرفة يدته
ريما ابتسمت :: حسون .. هلا والله
حسين ابتسم بتعب :: هلا فيش .. متباركة خية
ريما جت وحضنته :: الله يبارك فيك .. كل عام وأنت بخير
حسين :: وأنتين بخير
ريما أنتبهت لشكله :: بسم الله ويش فيك أنت بعد ؟؟؟
حسين هز راسه :: ما فيني .. شي .. يتهيء لش .. يالله خيوه أنا بطلع .. مع السلامة
ريما هزت كتوفها :: براحتك .. الله يسلمك
.
.
ألاء
ღ.
ღ.
ღ.
جت ريما وقعدت وهي تقول بستغراب :: ما أدري ويش فيه حسين .. حاسه أنه فيه شي قوي
ألاء سندت راسها على الكنب وهي مغمضة عيونها " فيه أنه حب أنسانة غبية زييي .. آآآه يا ربي "
ريما هزت ألاء :: هي أنتين بعد ويش فيش .. حالكم أثنينكم مو طبيعي
ألاء توترت شوي :: هاه .. ما فيني شي .. بس توني جايه من عند مريم وأأ ..
ريما قاطعتها وهي تهز راسها :: بس ألاء مو تسوي في روحش جديه .. حالتش مو حاله !!!!
ألاء طالعتها بنظرة وما تكلمت .. ريما هزت راسها بستسلام من حالها
دخلت لجين الصالة بمرح :: أوهايوووو .. كل عام وأنتوا طيبين أوي
ريما ضحكت .. وقالت هي وألاء :: وانتي بخيير
لجين طالعت في وجه ألاء وتنهدت .. لأنها توقعت عشان مريييم .. هي توها جايه من المستشفى ويا مصطفى .. وقالت ليهم الممرضة عن إلي صار
قعدت جنبها :: ويش فيش
ألاء هزت راسها :: ولا شي
.
.
آخــــــــــــــــــر الــــــلــــــــــيـــــــــــــــل
.
.
ألاء
ღ.
ღ.
ღ.
دخلت الغرفة .. وقفلت الباب .. رميت حالي على السرير وأني مستوعبة إلي صار .. حسين يحبني أني !!!!!!!!
تذكرت وهو يقولها " أنا أحبش " .. حست قلبه يدق بسرعة .. آهئئئئئ أني غبييية .. من متى أحبببه وأتمنى أنه يحبني آهئئئئ .. ولما حصلت ليي الفرصة
رفضتتتتها !!!! .. نزلت دمعه من عيونها .. بس أني ما أبغى أتعود على وجوده في حياتي .. وأفقده .. زي مرييييم آهئئئئ
آآآه حسين .. أنييي أحبببك بعد آهئئئ .. بس إلي سويته أحسسن ليي ولك آهئئئئ .. آآآه الحمد لله بكرة بسافر .. عشان أنساه شوي آهئئئ
غمضت عيونها وهي تذكر " حسين غمض عيونه :: أ ح ب ش .. أنا أحبش ألاء
ألاء تأشر على نفسها وهي مو مستوعبه :: أني ؟؟؟
حسين ابتسم وطلعت غميزته وهز راسه بإيه .. " .. قلبها قام يراقع .. ويليي يحبني .. أخذت نفس .. ألاء بلا عبط أنتين قلتي له ما تبغيه يحبش
خلاص .. أنسييييييييييه
.
.
لـــــــــــــــــــجـــــــــيــــــــــــن
ღ.
ღ.
ღ.
دخلت غرفتي .. وسكرت الباب .. فصخت العباية .. ورفعت الجوال .. وأني أتمدد على سرييري
وصلني صوتها المهموم :: هلا
لجين :: هلا فيش لولي .. " وبجدية " .. ويش فيش
ألاء تجمعت الدموع في عيونها .. وهمست :: ولا شي
لجين بتريقه :: إيييه واضح ما فيش شي !! .. ألاء تكلمي مو زين تكتمي كذا ..
ألاء قالت بغصة :: حسين يحبني
لجين انصدمت .. ما فهمت هي تسأل ولا تقول ليي :: أنتين تسألي والله ويش ؟؟
ألاء شهقت :: آهئئئئئ .. لا ما اسأل .. قاعده أقول لش .. أنه يحبني
لجين هزت راسها بصدمة :: وأنتين من وينا دريتي ؟؟؟
ألاء بصوت متقطع :: هـ ـ ـو قـ ـ ـا ل لـ ـيـ ـي
لجين ابتسمت ::أدري أنه يحبش
ألاء بستغراب :: كيفا عرفتي ؟؟
لجين :: مصطفى أخويي قال ليي ..
ألاء :: وأخوش من وين عرف
لجين :: حسين قال له
ألاء شهقت :: لحظظظظظظة أخوش بعد يدري أني أحب حسين ؟؟
لجين ضحكت :: إيييه
ألاء تفشلت .. ولجين تضحك علييها :: أقول يا الهبله من شوي لويش تصيحي ؟؟ إذا إلي تحبيه يحبش
ألاء بلعت ريقها بألم :: لأني قلت له أني ما أحبه .. ولا أبغاه يحبني
لجين شهقت :: يا علييييي .. وشششو يا المجننووووونة .. ولويش ؟؟ غبييييييييييية أنتين ؟؟ .. أحد يحصل له إن إلي يحبه يبادله الشعور .. وأنتين ترفضي بكل بساطة
ألاء شهقت :: آهئئئئئئئئئئ ماني مجنووونة .. أنيييي خايفه أتعلق فه زياااااادة .. وأفقده !!! .. زي مرييييييييم .. آهئئئئئئئ شوفي من كثر تعلقي فيها .. مو عااارفه أعيييش
ولا أخليييكم تعيشوووا .. آهئئئئئئئ .. قلبببببي ما فيه يتحمل أنه يفقد أحد .. خلاااص .. على الأقل فقدته بإراااادة مني .. مو القدر سلبه مني
لجين عصبت :: بااايخه وقسم باايخه .. حرااااااام عليش .. كسرتيييه .. يا مجنونة .. كسرتي قلبش وقلبه !!
ألاء شهقت :: أدرررري .. لا تعوري قلببي زيادة لجين .. آهئئئ .. ما شفتيه ويش صار فيه لما قلت كذا .. آهئئئ بس أحسن لييي وله صدقيني أحسن
لجين أنقهرت :: أنزين يا مجنونة .. كيفا بتتحملي تشوفيه .. بعد إلي قلتيه له ؟؟
ألاء " أنتيين ما تدري أني بسافر .. هه .. عرفتي كيفا .. أني ما بشوفه أصلاً " :: ما أدري
لجين هزت راسها :: أني مو مستوعبه هالجنون إلي سويتيه .. ما أتوقع أنش عاقله
ألاء أنجرحت من كلمتها :: أبشرش أني من فقدت مريييم صرت مجنونة .. عادي عندي انتحر حتى
لجين عورها قلبها عليها :: ألاء مو قصدي شي .. بس فكري فيها بعقل .. من متى أنتين تحبيه .. وتبغي تعرفي أنه يحبش لو لا ؟؟ .. وأحين لما حصلت لش الفرصة
ألاء قاطعتها :: رفضتها .. لجين إذا فقدتي أحد غالي لا سمح الله .. بتعرفي ليش رفضضته .. وبتحسي بشعوري .. " وبألم " .. ما أحد فيييكم حاس بشعوري .. ما أحد !!
لجين :: ألاء لا تقولي كذا .. أحنا حاسين فيش
ألاء ابتسمت بستهزاء .. وقالت :: مع السلامة لجين .. أبغى أنام
لجين بستسلام :: الله يسلمش .. تصبحي على خير
ألاء :: وأنتين من أهل الخير
.
.
حـــــــــســــــــــيــــــــــــــن
ღ.
ღ.
ღ.
أخذ نفس وهو يضغط على قلبه .. إلي يعوره كل ما تذكر كلامها .. كلامها خناجر تطعن في قلبه .. ما عمري توقعتها قاسيه كذا ..
آآآه .. أنا أستاهل .. من بعد ما رفضت فراس .. وأنا تعلقت فيها زيادة .. لأن توقعت قلبها خالي .. آآآه .. ياربي ويش أسوي .. مو مستوعب الصدمة اليوم أبداً
أبغغغغغغى أحد أفضفض له .. آي أحد .. يعلمني الشي الصحيح إلي أسويه .. لأنه تايه .. نزلت منه دمعه .. مسحها بسرعه .. غمض عيونه وهو يهز راسه
أبغى أنساها .. أبغى أنسى إلي صار .. هز راسه .. أنسااااااااهااا .. هي ما تحبك .. تذكر كلامها .. " أني ماليي ذنب أنك حبيتني .. أني ما أحبك " .. وصار يتردد في باله
جد هي ماليها ذنب بقلبي .. مو مجبورة تحبني .. أنا علقت نفسي فيها .. بس .. بس .. ألاااء مو كذا .. هي عمرها ما كانت تتصرف كذا .. ترمي كلام بدون أدنى أهتمام بالي قدامها
هي ما صارت كذا إلا بعد ما صار لمريم الحادث .. قلبببببي يقوول ليي حاول مره ثانيه .. بس خايف تردني .. ما أبغى أتحطم أكثثثثر .. ما أدري أحاول لو لا
طالع في كفوف إيده .. وسرح شوي .. بعدين ابتسم .. بحاااااااااوووول .. ما راح أستسلم .. لأنيييييي أحبش يا ألاء .. بحااااول كم مرة .. ما راح أستسلم من أول مره
لأنننننننني أحببببببببش
.
.
صـــــــــبـــــــــــــــــاحـــــــــــاً
.
.
ألاء
ღ.
ღ.
ღ.
سكرت الشنطة .. بعد ما تأكدت أنه ما فيه شي ناقص .. طالعت في كف إيدها .. وتنهدت .. تتمنى عندها شي من حسين .. هزت راسها بنفي .. لا ألاء .. مو أنتييين تبغي تنسيه .. وشو تتمني عندش شي منه
تنهدت .. يا عليي أحسني متناقضه بقووووة .. أحبه .. ورفضت حبه لي .. أبغى أنساه .. بس أبغى أحمل ويايي شي يذكرني فيه .. ويش هالتناقض إلي عايشته أنا ؟؟؟ .. آآآآه مرييييم .. لو كنتي موجووده
ما صاار لي كل هذا .. كنت منش أستمد قوتي .. ولما أتحير في قرار .. كنتي تساعديني .. وييينش أحين .. محتاجتش بقوووة .. رمت روحها على السريير .. وغمضت عيووونها .. وعلى طول أنعاد على ذاكرتها.. إلي صار أمس
حسين .. ونظراته ليها .. وبعدين وجهه لما أنقلب .. أنيي كيف صرت قوييية أمس ورفضت حبه .. كنت مو في وعيي .. لو يتكرر الموقف .. أكيد بضعف
قمت وهي تهز راسها .. لا .. لا .. لا مستحيييييييل أضعف .. ضمت أصابيع كفها .. ورفعته .. أنييي قووووية.. ياااااااارب ارحمنني برحمتك .. يارب مدني بالقوووة .. يالله
رفعت راسها لما أنفتح الباب .. ابتسمت .. كانوا أحمد وأيمن .. وقفت ليهم .. وظلت تطالعهم .. وحست بغبنة .. بتصير ما بتشوفهم كل وقت .. قرب منها أحمد وحضنها :: ما غيرتي رايش ؟؟
ألاء تباعدت عنه .. ولفت عشان لايشوف دموعها :: لا .. أطلعوا برا .. أبغى أبدل
أحمد وأيمن طالعوا في بعض .. تنهدوا :: براحتش
طلعوا .. وسكروا الباب وراهم .. لحقتهم وقفلت الباب .. تسندت عليه وهي تحبس صيحتها .. مو قادرررة تتحمل .. تتحمل ويش .. تترك ويش ؟؟؟؟؟؟
تتحمل ألم فراق مريييم .. إلي موجوده ومو موجوده !!!!!! .. والله ألم رفضها لـ حسين !!!!!! .. والله ألم فراقهم وهي مسافرة .. محتارة !!! .. إلي تسويه أحين صح .. والله خطأ
آهئئئئئئئ محتاجة أحد يساعدها .. ما فيها تتحمل أكثثثثثر .. آآآآآآآآهئئئئئئئئئ .. " مسحت دموعها " .. خلاااااااص ألاء أنتين قلتي بتصيري قوية " ابتسمت بستهزاء " .. كم مرة قلت بصير قوية .. " تنهدت " .. هالمرة إن شاء الله قول وفعل
توجهت لغرفة الملابس .. وبدلت ثيابها .. راحت لجهة التسريحة .. لمت شعرها .. وبعدين أخذت الشنطة إلي موجودة على جنب .. حطت فيها أغراضهاالموجودين فوق التسريحة .. طالعت في عطر جديد مو مفتوح .. وتنهدت .. هذا العطر شرته ويا مرييم .. طالعته بحيرة
أخذه !!! .. طالعته بحنين .. باخذه .. ما أقدر أنسى مريييم .. أبغى أتذكرها .. ضمته .. وتنهدت .. دخلته الشنطة .. وسكررتها .. فتحت علبة الاكسسوارات .. وتغرقت عيونها بالدموع .. هذا السوار هدية من مريم في عيد ميلادي
هذا السلسال شريناه جمييع .. عشانه فيه حروفنا .. يا ربي مو قادره .. كل شي أشوفه يذكرني فيها .. يعور قلببببببي .. آهئئئئئئئئئئ .. آآآآآه .. قعدت على الأرض بستسلام .. أني ضعيييييييفه .. بدونش مرييييم.. كيفا أعيش بدوونش .. آهئئئئئ
صارت تتنفس بسرعة .. وكل مواقفها ويا مريم تنعاد قدام عيونها .. ودموعها تطيح .. وتطلع منها شهقات .. هزت راسها .. خلاص ألاء .. قومي أمسحي دموعش .. تنهدت .. ووقفت وهي تسمح دموعها .. طالعت في ساعتها .. بروح لمريم ألحين
لبست عباتها .. وطلعت برا غرفتها .. تدور أخوانها .. شافتهم في الصالة .. قالت بصوت كئيب :: أبغى أروح لمريم من بيوديني ؟؟
أحمد طالعها بنظرة .. ولف عنها .. أيمن وقف :: أنا .. جاهزه ؟؟
ألاء هزت راسها .. أيمن :: أوكي يالله على السيارة
وطلعوا .. أحمد تنهد .. ألاء فيها شي غير مريم .. متأكد .. لأنه حالتها زاااااااايدة ..
.
الـــــــــــــــــــــظــــــــــــــهـــــــــــ ـــر
.
قعدت ألاء على طاولة الطعام .. وهي تحاول تاكل .. بس ماليها نفس .. كانت تحوس في الصحن .. وصلها صوت أمها :: أكلي .. وراش سفر
ألاء ابتسمت بتصنع .. وهي تقرب الملعقة :: هداني أكل أماه
أمها طالعتها بعتب .. ما ودها تسافر .. بس بعد ما تقدر تشوف حالها كذا .. الله يعين =(
أحمد عشان يغير الجو :: أقول ألاء ما ودش تسوي لينا حلا قبل لا تسافري ؟؟ لأخر مره خخخخخ
ألاء ابتسمت وهي تطالع ساعتها :: أحييين ئه ؟؟ يمكن ما يمدي !!!
أحمد :: سويه أنتين .. يمدي ليش ما يمدي .. " وقال بحماس " .. بسوي وياش
ألاء بدهشه :: أمبيه أحمدوه مو صج " وضحكت "
أيمن تحمس :: إيه أنا بعد أبغى أطبخ وياااكم
ألاء ابتسمت :: أوكي .. " وقالت بصوت حاولت تسويه مرح .. تخفي وراه الألم " .. ذكرى قبل أسافر =(
أحمد عوره قلبه عليها .. آآآآآه الله يعين .. الله يهديش يا ألاء .. صايره مره عنييييدة :: يلاا قووموا خلنا نطبخ
أمهم ضحكت :: كملوا غداكم أول
ثلاثتهم قاموا بحماس :: لا ما نبغى شبعنا
ضحكوا عليهم أمهم وأبوهم
دخلوا المطبخ .. وألاء طلعت الجوال .. وفتحت النوته .. تدور حلا سهل وينعمل بسرعه منه .. :: أممم إيش تبغوا ؟؟ السينبون الكذاب ؟؟
أحمد بتفكير :: اممم مش بطال .. هو مو صعب مو ؟؟
ألاء ابتسمت :: لااا .. " وبمرح " .. ما أسوي إلا السهل .. لأني خايبه " وضحكت "
أحمد وأيمن أبتسموا .. أحمد :: أقول قولي المقادير خلنا نخلص
ألاء :: أممم أيمن طلع الصمول وقطعه دوائر .. " ضحكت " .. شوف قطع الوحده لثلاث أو أربع بالكثير .. مو أكثر .. فهمت خخخ ؟؟
أيمن هز راسه :: ياهل ما أفهم ؟
ألاء :: حاشاك .. أحمد طلع البيض والزيت ولماي والسكر والقرفه والفانيلا .. يلا جيبهم خلني أحطهم في الخلاط
جابهم أحمد .. وغسل البيض :: أكسره ئه ؟؟
ألاء هزت راسها .. طلع أحمد طاسه .. قرب من ألاء .. وضرب بيضه بالخفيف بجبهتها .. ألاء اختلعت :: يا علي .. دب
أحمد وأيمن يضحكوا .. جاب أيمن الصمول وحطه جنب ألاء .. وأحمد جاب البيض .. وحطته ألاء في الخلاط ويا باقي المقادير
وقاموا يشتغلوا .. ويغمسوا الصمول في إلي سوه في الخلاط وهم يسولفوا .. وبعد ما خلصوا .. دخلته ألاء الفرن بعد ما صفته في صينيه
سكرت ألاء الفرن .. ولفت ليهم وهي متسندة عليه :: أحين بقى إلي نحطه فوق .. أيمن طلع المقادير .. بتشوفها في الجوال .. وأنت أحمدون طلع الجوز وكسره
هزوا أخوانها روسهم .. طلع أيمن المقادير وعطاها ألاء .. إلي حطتهم في الخلاط .. ألاء قالت بحماس :: يالله أيمن خلنا نساعد أحمد
أيمن قرب وهو يهز راسه .. سحب جوزه وضرب بيها راس ألاء .. إلي ضحكت وسحبت وحده وضربته .. أحمد ضحك :: يهالوه صدق .. كملوا شغل بس
ألاء تخصرت :: لا والله من ضربني بالبيضه من شوي ؟؟؟؟؟؟
أحمد بستهبال :: ولد الجيران
ألاء :: هاهاهاهاهاهاهاها
أحمد :: أطفي الخلاط ؟؟
ألاء هزت راسها :: إييييييييييه .. " طالعت الساعه " .. يوه خلني أشيله من الفرن لا يحترق .. " وشالت الصينية "
فتحوا الخلاط .. عشان يصبوا إلا فيه على الصينية .. أيمن أخذ ملعقة شال من إلي في الخلاط .. وحطه على إيده .. ورماه في وجه ألاء .. ألاء شهقت :: غبببي لا تلعب بيه .. خله للحلا
أيمن ضحك عليها .. وألاء مدت بوزها وهي تغسل وجهها :: آخر مره أسوي وياكم شي .. توصخوا الواحد
أحمد وأيمن ضحكوا .. أحمد بستهبال :: كفك أخوك
أيمن مده إيده له بستهبال .. ألاء ابتسمت عليهم وهي تحط الجوز فوق الحلا :: هبلان صدق .. أقول أحمد الله لا يهينك طلع الهرشي من الثلاجه أحسن من هل الهباله
أحمد ابتسم وفتح الثلاجه وطلع الهرشي .. طالع في أيمن بهبل :: ألقف أخوك
أيمن ضحك .. وبعبط :: يالله أعطيني أخوك
ورماه أحمد عليه .. ألاء عقدت حواجبها وطالعتهم بسحتقار .. ضحكوا .. ومد أيمن الهرشي ليها .. أخذته وحطته فوق الحلا وفي ساكته
بعد ما خلصت سكرته .. وتنهدت داخلها .. بدت تحس بالغبنة .. بتفاااارق اخوانها .. بتفارق استهبالهم وعبطهم .. يا علييي كيف بتحمل أعيش بدونهم ؟؟؟؟ الله يعييييييين
لفت ليهم وهي مبتسمة بتصنع :: هاا خلاص .. " وبخنقة " .. أروح ألبس عباتي عشان تودوني المطار ؟؟؟
أحمد يطالع الساعه :: بلا هبل .. الساعه 3:30 ورحلتش 6 .. أنتظري أقلاً لين 4:30
ألاء هزت راسها :: لا أحين أبغى أروح
أحمد طالعها بقهر .. وأيمن قال :: إذا أبويي وأمي خلوش .. روحي شوفيهم
ألاء طالعتهم بغبنة وخنقة :: أنتوا بتوصلوني ؟؟
أحمد وأيمن هزوا روسهم بإيه .. وألاء طلعت برا المطبخ .. راحت الصالة .. وقالت بهدوء :: أني أحين باروح المطار ..
أمها طالعت الساعة بستنكار :: بس بقى وايد على أقلاع طائرتش
ألاء هزت راسها بلا :: حتى لو باروح أحين " أمها جات بتوقف قاطعتها " .. خليش أماه بيروحوا ويايي أخواني .. " قربت من أمها وحبت راسها وحضنتها " .. أدعي ليي أماه
أمها حست بغبنة .. :: الله يوفقش .. ويسهل لش .. وترجعي رافعه راسي
ألاء حست دموعها بتخونها .. قامت .. وراحت لأبوها في مكتبه .. دقت الباب ودخلت :: أني بروح ألحين
أبوها وقف :: مو باقي وقت ؟؟
ألاء هزت راسها بلا وما تكلمت .. قرب أبوها وحضنها :: توصلي بالسلامة يبه .. الله يوفقش .. إلبسي عباتش باوصلش
ألاء بخنقة :: أنت أستريح .. أحمد وأيمن بيوصلوني
أبوها طالعها بنظرة وتنهد :: إلي يريحش
ألاء بعدت عنه .. وطلعت من المكتب .. سكرت وراها الباب .. وركببببببت فووق بسرعة .. طالعت أغراضها .. تجمعت دموعها فعيونها
آآآآآآآآآآه ويش هذا إلي يصيييييير .. أحسن نفسي أحلم
.