[.. في « سوالفنا ملامح (22) © ..]
.
.
جـــــــــــــــــــــــــــــــــــــوري
ღ.
ღ.
ღ.
مدت ملعقة الآيسكريم لفمها وتوصخ خشمها بها
ضحكت وهي تمد إيدها عشان تسحب نشاف
بس جواد مسك إيدها
طالعت فيه بستفهام !
وبس شفت عيونه فهمت إيش يبغى
وشهقت :: آهـــــئ جوادوه لا
جواد ضحك وهو رافع حاجبه :: أحين صرت جوادوه " ورفع إيدها وعضها بقوة "
جوري صرخت بألم :: آي يا دفش عووورتني
جواد ضحك بنذالة
وجوري مدت بوزها وهو تسحب إيدها منه
وتسحب نشاف وتمسح خشمها
وبس خلصت رمت النشافه بطفوله عليه
جواد ضحك على حركتها ، وبصوت هادي :: خلنا ننزل البحر جورية
جوري ماده بوزها :: أنزل لحالك ، وبعدين أني جوري مو جورية شوهت أسمي
" وبقرف طفولي " ييييع وشو جورية
جواد ضحك وهو يسحب إيدها الي عضها ويبوسها بلطف :: أنزين أنا آسف
، وهذي بوسه مكان العضه إن شاء الله مسحت الآثر
جوري استحت وما ردت عليه
جواد ضحك :: ترى أحين بحملش وبنزل بش تعرفيني أسويها
جوري بروعة :: لا يلا خلنا ننزل
جواد ضحك
ونزلوا يتمشوا على البحر
جوري بسخرية :: جوادي يعني من زود الرومنسية جايبني كورنيش القطيف ؟
جواد ضحك :: والله وحشني هالكورنيش ، " تنهد " ما راح تعرفي غلاة كل شبر في القطيف إلا إذا تغربتي
جوري ابتسمت ،
جواد طالع فيها :: قمري ويش سوى في اختباراته ؟
جوري دق قلبها ومغصها بطنها :: يا ربي بموت خوف من النسبة وما أدري كم بجيب
جواد ضحك :: من دفارتش ، أنتين كم نسبتش الترم الأول ؟
جوري بتوتر :: 99,80
جواد ابتسم :: تمام إن شاء الله ما تنزل هالترم
جوري بخوف :: يّ رب ..
جواد مد إيده لـ إيدها يحاول يهديها :: وشخبار الرام ؟
جوري كشرت :: يه لا تذكرني بيه ، خخخ أول درجة ليي فيه عظيمة
جواد ضحك :: كم ؟
جوري بيأس :: 64 ، والله يستر من الاختبار الحقيقي
جواد ابتسم :: ترى أسئلة الرام اصعب من اسئلة القياس الحقيقية
جوري عكفت شفايفها بضيق :: أدري قالوا ليي خواتي
جواد بهدوء :: الله يوفقش يا قلبي
جوري من قلب :: ي الله " طالعت ساعتها وابتسمت " يلا رجعني البيت وروح بيتكم ريح ، أكيد أحين تعبان
جواد كشر وهمس :: من زينه بيتنا يريحني ، بروح فيه وبقعد ويا الغبار
جوري سمعته وضحكت :: لا أني أخلي خدامتنا تروح تنظفه كل اسبوع يعني البيت نظيف
جواد ابتسم ، وظل ساكت
ويش يقول ؟ ما فيه شي يعبر عن الي داخله ،
الحمد لله الي رزقني بيش يا جوري
وكأنه يعوضني بيش عن اشياء وايد
الحمد لله !!
.
.
مـــــــــــــــــــــــــــــــــــــــــريــــــ ــــــــــــــــــــــــــــــــــــم
ღ.
ღ.
ღ.
دخلت الحمام
وكان فاضي
خافت وجت بتطلع بس أحد سحبها من إيدها ودفها على الجدار
ولزق فيها
شهقت لما عرفت الشخص
أبداً ، أبداً ما توقعت أنها تكووون منى
لا مو معقول لحييين تفكر تنتقم مني
يعني أحين هي تخرجت من المدرسة
وبعدها تفكر فيني آهئ مو معقول
حاولت تخلص نفسها ودفت منى
منى طاحت على الارض وحاولت تتعدل
مريم فتحت شنطتها ودخلت إيدها داخل ولا طلعتها
دورت على الجوال بسرعه
حاولت تطلع الرسالة الي كتبتها في السياره ورسلتها
لـ ألاء
يا رب ألاء تعرف أنها مو مزحة
يا رب يا رب يا رب
أو أحد يدخل
آي شي ينقدني
يا رب بحق حبيبك محمد ،
غمضت عيونها بخووووف
وهي تترقب مصيرها
:
:
ألاء
ღ.
ღ.
ღ.
فتحت جوالها على رسالة مريم
وضحكت
فاضيه بنت خالتي تمزح
أكيد أنها تمزح أكيد
بس هي قالت أنها لو رسلتها مو بخير
خلني أقول أشوفها
بس يمكن مقلب منها
لا لو مقلب أقدر أرده
بس لو كانت في خطر بتندم أني ما ساعدتها
بتندم وايييييييييييييييييد
قامت ألاء بخووووف وهي تتوجه للحمام
فتحت الباب وشهقت وهي تشوف منى
دفتها عن مريم بسرعة
ورفستها في بطنها
وصرخت :: حقيييييرة
منى ضحكت :: ويعني كلمتش ذي بتخليني أتراجع ، أحين عندي بدل الضحيه ضحيتين
ألاء توترت بس ضحكت بتريقة :: يا ماما أنتي ما تقدري تسوي شي ليي
منى بسخرية :: وليش ؟
ألاء طلعت مراية من شنطتها وكسرتها ورفعت جزء حاد :: لأنش بتموتي قبل لا تقربي
" بتهديد " إن قربتي لوحده منا بتشوفي
منى طالعت في مريم
وهي تفكر
وبعد فترة :: أترككم بس ما تشتكوا عليي ..
مريم نطقت :: بس ما تتعرضي ليي أبداً
منى ابتسمت بخبث :: طيب ، ومشكورين لأنكم ما بتشتكوا
ألاء توجهت لمريم وسحبتها برى الحمام
وهم حاقرين منى
ألاء ضغطت على إيد مريم :: أنتين بخير ؟
مريم ما نطقت بشي
سحبت إيدها وهي تمشي
بس ما قدرت تكمل لأنها طاحت
وهي مو مصدقه الي صار
ألاء رفعتها وسندتها :: بسم الله عليش يا قلبي ، أنتين بخير ؟
مريم بصوت ميت :: ألاء أني أحلم صح ؟ " شهقت "
ألاء حضنتها بقووة وما همها الناس :: يا عمري ريومه لا يهمش الي صار بس ماتدخلي
مكان لحالش من اليوم ورايح
مريم تنهدت :: خلينا نرجع البيت
ألاء تطالع ساعتها :: لا بنرووح المطعم لأن أكييد ا بنوصل القطيف إلا البنات اجتمعوا فيه
مريم بضيقه :: ما أبغى أروح ألاء
ألاء :: ريومه لا تخلي الموقف يأثر فيش ، أنتين دايماً أقوى مني ، دايماً قوتي أستمدها منش
لويش ألحين تضعفي ؟؟
مريم بضيق :: ما أقدر أكون قويه دايماً يا ألاء ، لكل أنسان حد " تنهدت " وعند منى يوقف حد قوتي
ألاء تنهدت وبستعطاف :: ريومتي خلنا نرووح المطعم ، حاولي تنسي منى أو حتى تتناسيها
مريم " بروح عشانش ي ألاء بس " ابتسمت :: طيب بس الي صار ما يطلع لأحد
ألاء كشرت :: وليش ؟ المفروض نشتكي عليها ، لأني متأكده بتعيد الحركه ذي !
مريم هزت راسها :: حتى لو خلنا نكون أحنا الصادقين ، " وبمرح " وبعدين أنتين دايماً ويايي
مع سلاحش السري " تعني المراية "
ابتسمت ألاء بخوف :: بس يا مريم مو في كل مره تسلم الجره
مريم بقناعه :: ألاء خلاص سكري الموضوع خليني أنساه
ألاء طالعتها بنظرة :: طيييب
:
:
مـــــــــــــــــــــصـــــــــــــــــطـــــــــ ـــــــــــفـــــــــــــــــــــى
ღ.
ღ.
ღ.
ابتسمت لـ لجين أختي ابتسامة كرتونية ،
لجين بملل :: مصطفوه لك مليون سنة تبغى تتكلم بس ما غير توزع هالابتسامات
اخلص ويش تبغى يا اخي العزيز
مصطفى يتنحنح :: احمم أبغى أخطب
لجين طالعته بدون فهم للحظات وبعدين فطست ضحك :: أحييين كل هالاستنفار عشان تبغى تخطب هع
زين لويش ما كلمت أمك أو أختك الكبيرة مو أني
مصطفى طالعها بقهر ، بس سكت :: لأن أبغاش تعرفي البنية موافقه أو لا
لجين طالعته بشك :: أعرفها أني
مصطفى هز راسه بالايجاب :: مريم
لجين استغربت :: متى شفتها أنت عشان تعرفها
مصطفى بنص عيون :: مالش شغل أنتين كلميها وبس
لجين أنقهرت :: أنقلع والله ما أكلمها ويا اخلاقك ، وشوف هداني حلفت ،
ولو تموت ما صمت 3 أيام على حسابك
مصطفى قام منقهر ورمى عليها المخده ، لجين إذا حلفت ما ترد فيه
وأكبر دليل سالفة ألاء وحسين
ولا واحد منهم يدري أنه الثاني يحبه
لأنها حلفت لـ ألاء ما تفتح الموضوع أبداً ولا تقول لحسين عنه
وحلفتني وييها الغبيه
تقول أصلاً لو ما كنت أنت ويايي في الغرفه وحطيت السبيكر ما دريت
وخلاص بكيفها الغبيه هي بتضيع روحها > تعني ألاء
رفع كتفه
صدق بكيفها هي الي ما تبغى تسمع ولا تبغاه يدري
أحنا حاولنا نساعدها وهي عنودة
صح ، صح ، صح
ألاء لويه ما جا في بالي أخليها تسأل مريم ؟
مو هي توأمها !!!
بس مو أحين بعد أختبارها القدرات لا أشغلها
ابتسمت بنصر
ما أحتاج مذلتش لجينوووه
ما احتاجها =d