:
:
[ . . مكان آخر ولأول مره نذهب إليه . . ]
" الساعه 4 عصراً "
:
:
فتحت عيونها بنزعاج على صوت جوالها
ما لبث هالانزعاج إلا وزال
لما عرفت صاحب النغمة
فزت وهي مبتسمة بحب
رفعته من الطاولة وحطته على أذنها
وبصوت مبحوح :: هلا شودي
المتصل ابتسم على دلعه :: هلا وردتي ، " وبحنان " شكلي قطعت عليش نومتش
وسعت ابتسامتها :: عادي يا قلبي فدووه لسماع صوتك
المتصل تنهد :: آه أنا من غير شي مشتاق ، أحين سمعت صوتش وأشتقت زيادة ، وحشتيييني جوريتي
جوري بحزن :: مو كثري جواد ، متى ترجع القطيف ؟
جواد ابتسم بخبث :: والله ما أدري على حسب ، متى أخلص امتحانات واكون ناجح أو لا
واذا نجحت على ما تطلع وثيقة التخرج
جوري تجمعت الدموع في عيونها :: يعني وشو ؟
جواد بحزن مصطنع :: يعني مطولة رجعتي ، حياتي أنزلي تحت مرسل لش هدية
جوري ابتسمت متعوده على هداياه :: طيب بس خليك وياي على الخط
جواد ابتسم :: أوكي
قامت جوري بسرعة من سريرها ، ونزلت تحت
مو جديد أنه يرسل ليها هدايا على البريد
يا قلبي عليه يتذكرني حتى في سفره
وصلت أخر درجة وشهقت وهي تشوف الواقف
رجولها ما عادت تحملها
وقعدت على الدرج
جواد ضحك وتوجه ليها
نزل لمستوها وحضنها
جوري بصوت مخنوق :: أنت جواد ؟
جواد ابتسم وبعبط :: لا جنيه
جوري رفعت راسها من صدره وضربته عليه :: دب لويه ما قلت ليي أنك بتجي
جواد ابتسم :: مفاجأة
جوري وهي توقف وياه وتمشي للصالة :: وأحلى مفاجأة يا قلبي " شهقت بقوة وهي تشوف شكلها على مراية الصالة " آهــــــــــــئ حالتي كديشه
وجات بتركض فوق
جواد ضحك على تعبيرها ومسك إيدها :: في عيوني قمر والله
جوري ضربت إيده وهي مبرطمة :: لعب عليي " توجهت للمراية وهي شوي وتصيح "
شعري كشه
قاطعها جواد :: شعرش ناعم يا شلاخه
جوري برطمت زيادة وركضت فوق :: خلاص روح بيتكم أني ما أحبك ، وبركب أنام
جواد رفع حاجبه :: لا والله
جوري التفت له من نص الدرج وبستهبال :: إيه والله
جواد ابتسم وقعد على الكنب
خخخ بتنزل بعد شوي ،
مرتي وأعرفها
تنهد وغمض عيونه بتعب
وهي يتذكر آخر مره جا القطيف
:
.:: في الماضي ::.
:
رجع من سفره ودخل بيتهم
توجه لغرفة صاحب هالبيت ، وعموووده ؛
فتح الباب ؛ ومثل ما توقع من الضوء المتسلل من أسفل الباب
كان صاحب هالغرفة قاعد على الكرسي
وماسك سبحته
ويصلي على النبي ويستغفر ويدعي لولده بالتوفيق
ابتسم جواد بشوق وحنان :: قواك الله أبويي
الاب ابتسم وهو يوقف :: الله يقوليك يبه ، وصلت بالسلامة ؟
جواد وهي يحب راس أبوه :: إي توني واصل ، وعلى طول جيت لك طيران ،
طمني عن صحتك ..
الاب ابتسم بود :: الحمد لله على كل حال
جواد بدى يسرد لأبوه ويش سوى في سفره
ومواقف الدراسة والجامعة ، لأبوووه
بـــــــــــــــــــــــــــــــــــــــــــــــــ ــــــــــــــــــــــــــس !!!
:
.:: الواقع ::.
:
كل هذا ذكريات الماضي
أبووي وين خبرووني
أبوي تحت الثرى
وهذي مجرد ذكريات والواقع مختلف عنها
هو رجع من سفره
بس ما راح بيتهم الخالي بعد نوره
هو تربى وحيد ، عنده أخوان من أمه بس
أمه الي تطلقت من أبوه ورمته عليه لما بغت تتزوج
لأن زوجها رفض يربي ولد أحد غيره
أمـــــــــــــــــي
تنهد
من زمان ما زرتها مهما كان هي أمي ولازم أبرها
حتى لو ...
أنقطعت أفكاره على نزول أهم شخص في حياته
جوري أو زي ما يحب يسميها " وردتي ، جوريتي "
ابتسم لما شافها مغيره ثيابها
جواد بمزح :: ترى مافيه فايده شكلش من شوي ثبت
جوري مدت بوزها وتجمعت دموعها في عيونها > دلوعة :: ما أحبك يا الدفش ،
جواد قام وهو يضحك ويحضنها :: يعني ما تعودتي على دفاشتي يا عمري ، تعرفي أنه مو قصدي كذا ، والله أنتين تصيري أحلى وحده في الدنيا حتى لو لابسه خيشه
جوري حقرته وهي لحين مادة بوزها
جواد سحب خشمها بلطف :: آسف يا قلبي " وباس خدها "
جوري ابتسمت بخجل ودلع :: بسامحك لأني طيبه
جواد ابتسم ليها بحب ورد سرح شوي
جوري تحرك إيده :: جوادي
جواد رجع للواقع :: هلا
جوري مدت بوزها :: في ويش تفكر ؟
جواد تنهد :: أبغى أزور أمي من زمان ما زرتها
جوري ضمت كفه بين كفينها :: خلاص يا قلبي بروح وياك لأني من زمان ما زرت عمتي =)
جواد تنهد بحب :: الله لا يحرمني منش
جوري ابتسمت :: ولا منك
جواد ابتسم :: عندي لش مفاجاة ثانية
جوري تحمست :: وشوو ؟
جواد ابتسم :: رجعت بلا عوده
جوري عقدت حواجبها بستغراب لمدة ثواني
بعدين وسعت ابتسامتها وهي تصرخ :: والــــــــــــلــــــــــــــــــــه !! يعني خلصت دراسة ؟
هز جواد راسه بالايجاب
وجوري حضنته بفرح
لفت على أصوات وراها
أبوها يسلم على جواد :: خلعتينا بصراخش
جوري بحرج ودلع :: بابي يعني تبغاني أعرف أن جواد خلص دراسة وما أفرح ؟
أبوها ضحك :: لا لاتخلي شي في خاطرش
مدت جوري لسانها بمرح ، وبعدين سألت جواد :: من متى مخلض ؟
جواد ابتسم :: من أسبوع تقريباً خلصت كل إجراءاتي
جوري شهقت :: الله ولا نزلت إلا ألحين ، " تخصرت " ما يندرى ويش كنت تسوي هناك !!
جواد فطس ضحك :: عشان لا أشغلش عن أمتحاناتش ، ها شوفي من أول يوم خلصتي أنا نزلت
جوري بنص عيون :: متأكد ؟
جواد ضحك :: لا
أبوها ضحك :: أخلييكم أحين
جواد ابتسم :: عمي أنا باخذ جوري وبطلع وييها
أبو جوري هز راسه بالموافقه وهو يركب
جواد مسك إيد جوري :: يلا روحي البسي عباتش بدور وياش
جوري راحت بدون ما تقول شي ورجعت بعباتها
وطلعوووا ؛
( جوري : 18 سنة ، اليوم خلصت أختباراتها ، تخصص علمي )
مخطوبة لـــ /
( جواد : 23 سنة للتو أنتهى من دراسة الهندسة في امريكا )
:
:
ألاء
ღ.
ღ.
ღ.
ضحكت على كلمة مريم :: بلا هباله
مريم بعبط :: لا جد أحسها جاية من بيئة نائيه ، أختلعت لما دخلونا عليها عشان جايبين 100 الترم الأول هع
ألاء ضحكت :: أشوى أن أحنا مو في قاعة وحدة والله جان قالوا أحنا نغش هع
مريم ضحكت :: أقول أنتين وفيسش سكري الموضوع " تنهدت " أخيييييراً خلصنا مدرسة
ألاء ضحكت :: كم مره قلتيها اليوم
مريم بستهبال :: لربما مائة مرة
ألاء دفتها :: هي مائة قلتيها خطأ ، هي مئه " وبستهبال " ترى هذي من الاخطاء الاملائيه الشائعه
مريم حطت راسها بين ايدها :: لآه لآه ماهذا الغوبار من متوسط كح كح
ألاء ضحكت :: أقول أنتين وفيسش سكري سالفة المدرسة والدراسة
" وبصوت راجي مضحك " بس اليوم خلينا نفتك بلييز
مريم ابتسمت :: خخخ جب أقول بلا دلاعه
ألاء ضحكت :: جب يجبج يا غبيه " وبحماس " فيه سالفه أنما إيه
مريم تحمست :: ويش صاير
ألاء :: تخيلي فيه حرامي داخل على ناس بيتهم ، في الليل وهم نايمين ، دخل غرفة البنات
مريم فتحت شفايفها بصدمه وفهاوه :: وششو !!
ألاء :: ولا بعد حسوا له تخيلي قعدوا وشافوا حرامي في نص غرفتهم
مريم خافت :: ويحي ، تخيلي يدخل علينا
ألاء ضحكت وهي تكمل :: ولا بعد هددهم أنه أن تكلموا بيشوفوا شي ما شافوه
البنية الكبيرة ما سوت شي
والصغيرة قامت تصيح فراح ليها يهددها
قامت الكبيره وكتبت رسالة بسرعه ورسلتها لأبوها
بس أبوها نايم وما شاف
ومن حسن حضها أنه في سكينه في غرفتهم
أخذتها وراحت تهدده ، وهو خاف وطلع
ولا بعد تخيلي مو ملثم وعرفوه وطلع من أهل الديرة
مريم ارتجفت :: يا ويلي نمت الليلة لا بالله ، فتحت جوالها
وكتب رسالة مضمونها " help me please "
وبخوف :: وليووه لو رسلتها لش أعرفي أني مو بخير
ألا ضحكت :: أسم الله عليش ، ويش بصير لش يعني بلا جبانة
مريم ضحكت وهي تفتح باب السيارة :: ماتدري ويش بصير ، أقول أنزلي خلصينا خلنا نتسوق
ألاء فتحت باب السيارة ونزلت وأخذت نفس عميق :: أمبيييه مو صج وحشني المجمع
مريم ابتسمت :: الي يشوفش كل يوم تجي له
ألاء ضحكت :: لا مو كل يوم بس متعوده أتسوق كل أسبوع وقطعت
هالعاده الجميلة بسبب الامتحانات لمدة شهر ونص وتبغيني ما أعبر عن دواخلي
مريم بنزعاج :: خلاص انزين عبري عن دواخلش بس لا تزعجينا
ضحكت ألاء ودخلوا المجمع
مريم بستهبال :: أني أبغى أروح parmod
ألاء ضحكت :: يعني غصب طيب تذكرينا بالمدرسة
مريم ضحكت :: غصباً عني يا أختي ، من دخلت السوق تذكرت معلمتنا الكيمياء العزيزة
وتعليقها على بضاعة parmod
ألاء ضحكت :: على الاقل لبسها مرتب وحلو مو سوليشن تلبس ماركات بس هيلق
مريم ضحكت :: إيه والله مو مهم الواحد يلبس ماركات على قد ماهو مهم يكون مرتب
ألاء ابتسمت بستهبال :: بس أحسنا خارقين واحنا نعرف المعلمة ويش لابسة
مريم تكمل عليها بستهبال :: عواينا مقصات " بجدية مصطنعه " يا أختي طالبات ويش تبغي منهم ؟
ألاء ضحكت وهي تأشر على محل :: أقول شوفي هالفستان جميل خلنا ندخل نشوفه عدل في المحل
مريم :: طييييب
وبدأوا رحلة التسوق ونسوا حالهم بين زحمة الملابس
:
[ .. الساعه 7:30 .. ]
:
مريم
ღ.
ღ.
ღ.
مريم بعجله :: لولي أبغى أروح الحمام ضروري
ألاء بملل :: روحي أني بستناش هنا عند الكراسي
مريم دخلت الحمام
وكان فاضي
خافت وجت بتطلع بس أحد سحبها من إيدها ودفها على الجدار
ولزق فيها
شهقت لما عرفت الشخص
أبداً ، أبداً ما توقعت أنه يكووون هو
حاولت تخلص نفسها ودفته
طاح على الارض وحاول يتعدل
مريم فتحت شنطتها ودخلت إيدها داخل ولا طلعتها
دورت على الجوال بسرعه
حاولت تطلع الرسالة الي كتبتها في السياره ورسلتها
لـ ألاء
يا رب ألاء تعرف أنها مو مزحة
يا رب يا رب يا رب
أو أحد يدخل
آي شي ينقدني
يا رب بحق حبيبك محمد ،
غمضت عيونها بخووووف
وهي تترقب مصيرها
:
:
ألاء
ღ.
ღ.
ღ.
فتحت جوالها على رسالة مريم
وضحكت
فاضيه بنت خالتي تمزح
أكيد أنها تمزح أكيد
/
\
/
\
نتوقف هنا ،