[..في « سوالفنا ملامح (16) © ..]


.:: بــــعــــد مــــرور شـــهــــر ونـــص تــــقـــريـــبــــاً ::.
.
.
.
ألاء
ღ.
ღ.

تثاوبت بنعس شدييييييد
وهي تطالع الكتاب الي قدامها
تنهدت بتعب
هانت
بقى صفحتين وتخلص الماده
طالعت ساعة غرفتها إلا تشير للساعه ١١:٠٠
يا ربي
اول مره اسهر واواصل كذا
تعبانة حدي
جسمي ما احس به من الالم
ظهري مقسوم نصيين
آه
جد ثانوي مرحلة مختلفة تماماً عن متوسط
طالعت في الماده الي قدامها وهي تكششر بضيق
ماده دسمة كلها حفظ وماليها داعي في الحياة
يعني وششو يعلمونا في الحاسب
غبااااااء يعلمونا هالماده
احنا ويش نبغى بالي داخل الكمبيوتر ااااف
هزت راسها وهي تحاول تصفي افكارها
وترجع لكتابها
بس ما تحملت
ربع ساعه وسكرت الكتاب
بتذاكر الصباح
عند قعدتها للصلاة
بدل ما تنام شوية
بتستغلها في مذاكرة الصفحتين
سكرت الكتاب وخلته مرمي على مكتبها
اخذت جوالها ووقفت متجهه لسريرها
تمددت عليه
وفتحت جوالها
ضبطت المنبه حقها
وفتحت برنامج القرآن
قرأت اخر ايتين من سورة الكهف " الي يبغى يقعد إلى صلاة الفجر يجرب يقراها
وسبحان الله تقعدي وانتين تسمعي صوت المؤذن ^^ "
وحطت راسها على المخدده
وبدون ما تحس
غرقت في النوم
. . . .
إيـــــــمــــــان
ღ.
ღ.

دخلت عليها امها غرفتها
شافتها قاعده على اللابتوب حقها
وكتاب الحاسب مرمي جنبها
امها رفعت حاجبها :: لويش ما نمتي ؟.
إيمان بدون اهتمام :: ما خلصت مذاكره
امها عصبت :: ما شاء الله ما خلصتي والقاعده على خرابيطش
إيمان تجمعت الدموع وكانت على وشك النزول بس حبستها وببرود ظاهري :: إيه عادي
امها بعصبيه وهي تتقدم منها :: اششوف ويشش تهببي في النت ؟
إيمان سكرت الصفحات بقهر :: ما فيه ,
امها طالعت فيها وهي محموقة :: لو كنتي واثقة من نفسش انش ما تسوي خطأ خليتيني اشوف
إيمان انهارت وبصراخ :: تراش تشككي بتربيتش , " شهقت بقوة " لكن ربي بيحاسبش على كل ظن سوء تظنيه فيني
امها طالعتها بنظرة معصبة :: افتحي الكتاب وذاكري " وبتهديد " نص ساعه وبرجع ان شفتش قاعده على هذا الخراب باشيله ولا عاد بتشوفيه
إيمان انتظرت امها تطلع وبعدها دفنت وجهها في مخدتها وهي تصييح
بس بصوت خفيف
تحاول تكتم شهاقتها المقهوره وهي تردد :: لويش ماني زي مروى آهــــئ لويش امي مو زي امها آهــــئ اكرهها اكرهها لويش ما تحس فيني آهــــئ يعني تفكرني كبرت وما عدت محتاجه حنان آهــــئ ما تدري اني احبن محتاجتها اكثر آهــــئ ما تدري !
. . . .
مــــــروى
ღ.
ღ.
كانت تتحرك حركات عبيطة
تتنقز وتحرك إيدها قدامها وحاطه السماعات في اذونها وهي تردد :: لاابد من ريح تدد الغيوم والشمس في اشراقها ستغسل الهموم لا عليك هاتي يديك ف الصبح قد عادوا إليييييييييك
مرت عليها اختها وضحكت عليها وهي تهز راسها :: مادري متى بتعقلي رحتي اول ثانوي وبعدش جاهله
مروى مدت لسانها :: مالش شغغغغل " سكتت في تفكر شوي " كاديوه تتوقعي إيمي قاعده هسه
كادي ابتسمت :: لا حوول غصب بتزعجي البنية , وبعدين ويش قارية قاعده تتكلمي عراقي ؟
مروى ضحكت بسخرية على " بتزعجي البنية " ما دريتي يا اختي انها ما تنام كل يوم الا ساعه ولا ساعتين , معذبة روحها ومعذبتني وييها آه بس منها :: سلامتش بس قريت رواية في بطلة عراقية تعرفي لازم نتأثر خ خ خ خ خ خ
كادي ابتسمت :: اقول تقلعي وروحي نامي
مديت لساني وقلت وأني متوجهه للغرفه :: أصلاً بروح قبل لا تقولي ليي لأني نعسانه حدي
كادي ابتسمت عليها
دخلت مروى الغرفة وتنهدت
سحبت جوالها من مخباها ودقت على إيمان
توها ردت تكلمها من أسبوعين
عشان لا تعيد حركاتها و ..
وصلني صوت إيمان الي يشاهق
إيمان بصوت مبحوح ويشاهق :: مروى آهـــــــــــئ أمي آهــــــــــــئ تشك فيني ، آهـــــــــــــئ حراااام عليها ما تحس فيني حرام
الصدمة ألجمتني !
مرت عمي تشك فيها
لا يكون عرفت عنه !!
مروى بخوف :: جيه عرفت عنه ؟
. . . .
إيــــــــــــــــــمـــــــــــــــــــــــــــــ ان
ღ.
ღ.
شهقت بقوووة وأني أقول :: يا ليت يا مروى والله يا ليت دريت عنه آهـــــــئ
هي قاعده تشك فيني عشاني آهــــــــــــــــــئ عشاني سكرت صفحة النت آهـــــــــــــئ قبل لا تشوفها آهــــــــــــئ
مروى تنهدت ، :: زين لويه ما خليتيها تشوف ويشت تصفحي دامش واثقة
إيمان بعصبية :: لا والله لويش أني ماليي خصوصية يعني ، لازم تشوف ويش أسوي والله تفكرني اسوي شي غلط
مروى :: زين هدي وصلي على النبي وروحي نامي ، شوفي الساعه جت كم ، ريحي لش شوي عشان تعرفي تحلي في اختبار بكره
إيمان ببرود :: جيه أني ذاكرت عشان أعرف أحل
مروى فتحت عيونها بقوة :: نعععععم ! ما ذاكرتي ولا شي
إيمان بطفش وبرود :: يعني يمكن نصه بس
مروى بعصبية :: إيماانوووه إن ما رحتي وفتحتي الكتاب هسه بتشوفي شغلش
إيمان بتريقة :: أقول بدل لا تتكلمي عراقي نامي وما عليش مني ، سي يـ ـ ـ . . .
مروى قاطعتها بعصبية :: والله يا إيمان إن جيتي بكره وأنتين مو مذاكرة ما أكلمش بدل الشهر شهرين وشفتيني هالشهر سويتها
إيمان بقهر منها :: غفيييييفه
وسكرت في وجهها
ما تحس مروه
يعني يا تذاكري يا ما أكلمش
تعرف أني تعذبت هالشهر بدونها
رغم أني ما أقول ليها كل شي
بس وجودها جنبي يكفيني
أستوعبت على حالها
أحين أني قلت ليها عن أمي
إيييييه لويش قلت ليها
لويش أخليها تحسني ناقصة
ما يكفي اني في نظرها هه مو بس هي في نظرهم كلهم مريضة نفسية
أقوم أزيد الطين بله وأخبرها عن أمي
هففف هي لويه داقه هالوقت
تجمعت الدموع في عيونها وهي تتذكر ويش سوت أمها
حاولت تمسكهم
بس خانتها دمعه
نزلت على خدها الايمن
مسحتها بسسسرعه وهي تفتح الحاسب
تسويها المجنونة مروى وما تكلمها شهرين
. . . .
مــــــــــــريــــــــــــــــــــــــــــــم
ღ.
ღ.
عيونها مركزة في الكتاب
بس تفكيرها في مكان ثاااني
لا مو معقول
يعني أني شفت أسم مريم عليها آهــــــــئ لا لا
أكييييد عقلت
أحين هي في ثاني
المفروض تفكيرها كله يكون في الدراسة
لا لا مو معقول أبداً
مستحيل أكيد يتهيء ليي أنها لابسه سلسال عليه مريم
الله يلـــ ـ ـ ..
أستغفر الله
يا ربي الله يهديها
وما تجنني يا رب يا رب يا رب
أكيد أني يتهيء ليي
لا ما بسوء الظن بها " ضحكت بسخرية على تفكيرها "
الظاهر أن أني بريييئئئه وااااجد
بالنسبة لخباثة باقي الناس
بسس ما أبغى أفكر ما أبغى
خليني مركزه على أختباري أحسسن
خلني أخلص مراجعة هالدرس وأنام
غمضت عيونها وأخذت نفس
فتحتها وهي تطالع الكتاب
بس قطع عليها جوالها يرن
أستغربت وبقووووة من ألي يدق هالحزه عليها
الوقت متأخر
صديقاتها ما يدقوا أبداً في هذا الوقت
حتى ألاء قليييييييل مره تدق هالوقت
هممم يمكن ألاء
قامت له تشوفه ،
شافته غريييب
لااا ما راح ترد
أحين يطلع وااحد يعاكس ويطفر روحها
سوته صامت وتوجهت إلى كتبها وهو بعده في إيدها
تثاوبت بنعس
يااه ويش هالماده الكريه
خلصتها بس أبغى أراجعها
وهداني في الدرس الأخير
بس شكلي بطنـــ ـــ ــــ . . .
طالعت جوالها الي رد دق
وشافته نفس الرقم
أستغربت من أصراره وردت
مريم بصوت كسسول :: ألووو
. . . :: السلام عليكم
مريم فتحت عيونها بصدمة ، لااا شخلاها تدق عليها ألحين
مو هي هونت طوال هالعطلة
هففف يعني رجعت حليمة لعادتها القديمة
مريم بدون نفس وعصبية :: وعليكم السلام والرحمة " أخذت نفس وبصوت معصب " ما أشوفش داقة عليي مره ثانية فهمتي !
وسكرت
جد ناس ما عندها ذوق
كان بودها تسكر في وجهها من أول ما سمعت صوتها
بس عشانها سلمت
ورد السلام وااجب !
سكرت الكتاب الي قدامها بدون نفس
سدت نفسي هالمنى الله يسد نفسها
ههههففففف
ورمت حالها على سريرها
فـــــــــــــــي الجــــــــــــــــــانــــــــــــــب الآخــــــــــــــــــر
منى أنقهر :: بتشوفي مني الوييل يا مريم " ضربت الطاولة بإيدها " سكت عنش واااجد
" ضحكت بخبث " هههه جاينش الخييير !
!!!!!!!!!!!!!!!!!!!!!!!!!!!!
. . . .
ألاء
ღ.
ღ.
شهقققت وقامت من نومها وهي ترتجف
كان جبينها في قطرات عرق
من الحلم الي شافته
آهـــــــــئ
من زمان ما شفته
وأحين أحلم بيه كذا
لااا أسم الله عليه
مسحت وجهها وهي تسمي
ياربي أبد الحلم مو في وقته
قامت الحمام عشان تغسل وجهها
غسلته وطلعت
توجهت للمكتب وناظرت الساعه
شافتها 02:00
تنهدت يلا خلني أكمل مذاكرة دامني قعدت
فتحت الكتاب وتذكرت الحلم ورجفت
عمره طويل إن شاء الله
هزت راسها بإصرار
لاازم بكره أو الي بعده أروح أشوفه
حطت إيدها على قلبها الي يدق بعنف
من ذكراه
ومن الحلم الي شافته
هزت راسها بسرعه
مو وقت أفكاري ذي
خلني أذاكر أحسن لي
تنهدت بحزن
ما أحد بينفعني غير دراستي
. . . .
[ . . . صــــــــــبــــــــــــــــــــــــاح يـــــــــــــــــــــــــــــــــــــوم جـــــــــــــديـــــــــــــــــــــد . . . ]
.:: الساعه 06:30 ::.
مـــــــــــــــــــروى
ღ.
ღ.
سكرت الكتاب بطفش
مو عارفه أراجع
أبغى أعرف ويش سوت إيمانوووه
هففففففف
قامت ورمت روحها على السرير
غمضت عيونها
إيمان لويش تعذبيني وياش كذا ؟
حسيت دموعي بتعاندني وتطيح
ضغطت على عيوني أكثثثر
ما أبيها تطيييح
إن شاء الله إيمان تتحسن حالتتها
الدكتوره تقول حالتها صعبه
ولأنها ما تفضفض فصعب أنه نغيرها
والأفضل نوديها العياده
بس إيماااان مستحيل ترضى
تنهدت
مادري لويش الناس بنظرهم المريض النفسي مجنون
ما يعرفوا أنه مرض حاله حال باقي الامرض
ربنا المعييين
فتحت عيوني وقمت من سريري
وأني أسمع كادي أختي تناديني
وهي تطل براسها من باب غرفتنا
مروى بكسل :: هااا ويش تبغي كدكد
كادي ضحكت بخفة :: سلامتش غناتي مرمر بس أبويي يقول لش أنزلي
مروى طالعتها بنص عيين :: يعني عارفه أني ما أحب مرمر لويش تسميني به
كادي تقلدها :: يعني يعني عارفه أني ما أحب كدكد لويش تسميني به
مروى ضحكت وهي تسحب شنطتها وعبايتها وتوجهت لكادي وحضنتها بخفة :: باي أختي الجميلة
كادري ضحكت عليها :: بايات أختي الانيقة
. . . .
إيـــــــــــمـــــــــــــــــــــــــــان
ღ.
ღ.
سحبت عباتي وشنطتي ونزلت وأني أحاول أحفظ آخر ورقة بقت ليي في الحاسب
هففف يعني مجبورة أحفظها قبل لا أوصل المدرسة عشان الغبية مروه
نزلت تحت في صالتنا
ورميت أغراضي على الأرض
بعدها رميت نفسي على الكنبة
حطيت الكتاب على حضني وأني أعرك عيوني بنعس
مواصلة عشان أخلص هالماده لثلاث
وبعدين نمت لأربع ونص
وقعدت أصلي وأحين قاعده أكمل مذاكرة آف
يعني مو نايمه إلا ساعه ونص
يعني بالعاده أنام 4 ساعات
ضحكت بسخريه
يلا أحسن عشان أرجع من المدرسة اليوم وأنام
ماليي خلق أمي
طالعت في جوالي الي يدق
وفتحت عيوني بخوف وصدمة
لااااااااااااااااااا
مو وقتك
خصوصاً وأن أخويي موجود
عطيته مشغول وأني أدعي ما يرد يدق
رغم إني عارفه أنه شي مستحيل
وجد رد دق
وأني توترت وأني أسمع ياسر أخوي يسأل :: لويش ما تردي ؟
إيمان غلفت ردها ببرود :: صاحبتي ومتشابقة وييها ما أبي أرد
ياسر رفع حاجبه بسخرية :: حركات يهال متى بتكبري
طنشته وهي ترفع الكتاب عشان تكمل حفظ
. . . .
مـــــــــــــــــريـــــــــــــــــــــــــــم
ღ.
ღ.
نفسيتها ميييييح مره
قاعده من النوم وأخلاقها في خشمها
تمشي وتشابق في أخوانها
طلعت لما دقت عليها ألاء
دخلت السيارة
مريم بصوت هامس ومتعب :: السلام عليكم
ألاء تنهدت بملل :: وعليكم السلام والرحمة
مريم أخذت راحتها بالكلام لأن الي يوصلهم سواق بيت خالتها
وبسخرية :: ويش فيش أنتين بعد
ألاء رفعت كتوفها بطفش :: ولا شي بس جديه قافله فيني الدنيا " طالعت مريم بتركيز " وأنتين فيش شي ، غردي
مريم ضحكت بدون نفس :: منوه دقت عليي البارحه
ألاء فتحت عيونها بصدمه :: ويش سويتي
مريم رفعت كتوفها بعدم أهتمام :: ولا شي سكرت في وجهها
ألاء عضت شفايفها بخوف :: ريموه أخاف تسوي لش شي ينخاف منهم هذولا
مريم بسخرية وعدم أهتمام :: تنقلع ويشب تسوي
ألاء ضحكت بخفة :: ساعات أتمنى أصير زيش باردة في ذي المواقف " تنهدت " وساعات العكس
مريم ابتسمت بخفة :: لا أنتين بدت تنتقل لش العدوه شويه ترى " ضحكت " أحين أنتين من متى ما فكرتي في موضوع فراس
ألاء ضحكت وسوت روحها تكح :: كح كح ويش هالغبار " وبصدق " من زماااان ما فكرت أجلت الموضوع لوقته " وضحكت " أو بالاصح لبعد تخرجي من المدرسة
مريم ابتسمت ، وبخبث :: وحسييييين ؟؟؟
ألاء ابتسمت بحزن :: حسين قاعده أحاول أني ما افكر فيه " ضحكت بمرارة " بس مو راضي يروح من بالي ، حتى أمس حلمت فيه
مريم فلصتها بخفة :: وششو حلمتي ؟
ألاء تنهدت :: حلمة كديشه
مريم فتحت فمها بملل :: لويشش ؟
ألاء بشرود :: حلمت أنه ميت
مريم أنصدمت وشهقت :: بسم الله على الصبي
ألاء بشرود :: من زماااان ما شفته تصدقي
مريم مسكت إيدها :: أحسن عشان تحاولي تبعدي عنه وتنسيه شوي
ألاء رفعت كتفها بستسلام :: ما أتوقع " تنهدت وهي تفتح الباب " أنزلي بس وسكري الموضوع
مريم تنهدت بيأس منها ونزلت
. . . .
إيــــــــــــــــــــــــــمـــــــــــــــــــــ ـــــــــــــــان
ღ.
ღ.
دخلت المدرسة بملل وشفت في وجهي الإدارية الكريهة
أوووووف أحين بتسوي ليي سالفه لأني الأمس متأخره
الإدارية رافعة حاجبها :: أمس تقولي ليي أن أول مره تتأخري واليوم أشوفش متأخره !!
إيمان ببرود وسخرية :: لو كنت أني الي أسوق صدقيني بتشوفيني أول وحده في المدرسة
الأدارية طلعت عيونها من ردها وسكتت عنها
مشت لوحده ثانية من البنات
إيمان همست بسخرية :: فضاوة
ودخلت المدرسة بملل
ركبت فوق وقبل لا تدخل الفصل طالعت في ساعتها
شافتها 07:15
آآآف لو أحين أختبار الحاسب
الله يعينها على هدرة المعلمة القررف
دقت الباب وفتحته
ووقفت حتى تقول ليها المعلمة أدخلي :: السلام
المعلمة :: وعليكم السلام " وبسخرية " تفضلي تفضلي لا يروح عليش الاختبار بس
إيمان توجهت لمكانها وقعدت
طلعت من شنطتها القلم
وهي تنتظر الورقة توصلها
وبس وصلتها بدت تحل بملل

/
\
/
\
نتوقف هنا ,